MAZMUR 40:6 - Tanou Moonsoi Timugon

⁶ Nansalinut binaal Muno ramon, iou Tuhan, i Aki Kapuuno' kuno, kolondo' pogondo' Muno! Masuang inatangan ra moonsoi binaal Muno ramon, ngaangai' no kalo lair maalap ku katunung.

MAZMUR 40:6 ပူးပေါင်းရင်းမြစ်များ

AYUP 33:16

Binuir ilo ri Aki Kapuuno' maa' raginio rumongog Riso, am nampakalalaa' risilo ra pampakaraan Nano.

AYUP 5:9

Kalo makarati' takau ra binaal maayo ri Aki Kapuuno', am kaimuagan Nano kalo mauntob.

MAZMUR 139:17

Iou Aki Kapuuno', mapara' piboo pagon ru pangkaraan Muno ra aku mangkara', am mapara' piboo kinasuang no.

MAZMUR 139:18

Amon ru inuntob, masuang poyo ka agis. Bulintok ra aku sumukal, lakat aku po mabaya' Rirun.

MAZMUR 50:8

Kalo sonsolon Takamin sabap ra taak mino, am taak ra sinimbalui koson mapabansuk ra guang Kuno ondo' masalok pataakon min.

MAZMUR 51:16

Iou Aki Kapuuno' palabuso' aku intor ra kapatayan, am bayago' aku no, am ralalom bansuk ru guang kuno potonowon ku katimpakan Muno.

MAZMUR 71:15

Paraguon ku kaansayan Muno; songorowon ku mapatanou ra pamayagan intor Rirun no, kabalu' pana baal raginio nakasail ra pangaratian kuno.

KAINGKUALAN 21:6

musiti' tuan nano magibit riso ra intok sambayangan. Giu' no susubon ulipon no migor am sumandig ra kulobon kapoam lugu' ru kulobon, musiti' tibakin ru tuan nano talingo ru ulipon no. Koon raginio boo masauk ulipon no ra ulipon ru tuan nano saboi matoi.

JISAYA 1:11

Indagu Tuhan, “Pai' min karaa' ra maansukan Aku ra taak simbalui ondo' rayusin min pataako' Raki'! Nasuraan Aku noyo ra domba ondo' pinataak mino koson ra taak simbalui koson mapabansuk ra guang Kuno,

JISAYA 25:1

Tuhan, Okou noyo i Aki Kapuuno' kuno; mangurumat aku Rirun am mongompor ra inggalan Muno. Nambaal Kou ra kandoi-kandoi makaimuag kaga'; inatang Mu noyo intor poyo ra galing i; am pinaugar mu ralalom gogot ru guang.

JISAYA 66:3

Ulun raginio mambaal maya' ra kasagaan ru guang nilo. Pangkaraan nilo manimbalui ra sapi' gawayan nogondo' ayuk ra mampatoi ra ulun koson pataakon koson ra taak simbalui, mapataak ra anak domba kapoam mamandak ra liog ru uku', mapataak ra gandum kapoam raraa' ru bauwi; monolob ra kaminyan kapoam makiasi' ra sinungkalalaing. Masaga' ilo sumamba maya' ra ralan majamol kaga'.

GOSIA 6:6

Masaga' Aku poyo ra akau motogom Raki' ka mampataak ra taak simbalui Raki'. Masaga' Aku poyo ra akau makaulig Raki' ka monolob ra taak simbalui Raki'.

AMOS 5:22

Paat ra akau mampataak ra taak simbalui koson mapabansuk ra guang ru Tuhan am taak simbalui koson ragu paringkuanangan Raki', kalo apuon Ku. Kalo apuon Ku bibiag tinambiag ondo' molomok, ondo' pataakon min koson ra taak simbalui koson makibarakat Raki'.

MATIUS 12:7

Mokoondo' tinulisan ra Buuk Kitab, ‘Marara' Aku ra taak ondo' sinimbalui min kaa' masaga' Aku ra makaasi' kau ra ulun bokon.’ Amon ru nakarati' kau ra atan koson ru raguon no, maaru' kalo manguu' kau ra ulun ondo' kolondo' sala.

MATIUS 9:13

Uyumo' min noyo atan arati' tinulisan ra Buuk Kitab ti: ‘Marara' Aku ra taak simbalui min kaa' masaga' Aku ra makaasi' kau ra ulun bokon.’ Aku minatong sala' ka mampiau ra ulun ondo' moonsoi rokokoon, kaa' mampiau ra ulun ondo' karaan ra malaat.”

1 SAMUIL 15:22

Indagu i Samuil, “Ati kia ondo' kasagain poyo ru Tuhan, gagaya' kapoam taak am taak simbalui? Moonsoi poyo gumagaya' ra Tuhan intor ra mapataak Riso ra domba ondo' molomok kaga' no.