MAZMUR 40:3 - Tanou Moonsoi Timugon

³ Binunduk No aku intor ra luang ondo' makalalaa', intor ra luogon molosok. Pinatampak No aku ra batu saboi tumpang kuno maikang.

MAZMUR 40:3 ပူးပေါင်းရင်းမြစ်များ

MAZMUR 119:133

Sumugut ra bantu' Muli, paikango' aku no; pai' polosoo' kalaatan no manguasa' raki'.

MAZMUR 142:7

Rongogo' noyo pampiawan kuno ra makiindangan, sabap ra kolondo' lulu' kutu. Bayago' aku no intor ra pantula' kuno; pangkaraan kuno ilo ti maikang kaga'.

MAZMUR 144:9

Rimbayin Tokou ra rimbai nakabagu, iou Aki Kapuuno'; kayusin tokou ra jitor am rimbayin Tokou.

MAZMUR 27:5

Bulintok makakapaganan matong Io manindung raki'; alungin No aku maa' raginio maayag aku ra Baloi Nano, am pootoron no aku giu' ra rasawat ru bulur batu.

MAZMUR 33:3

Rimbayi' min Tuhan no ra rimbai nakabagu, tandaa' min kayus ra jitor, am parimbai no ra bolos mapuor!

MAZMUR 35:27

Gama' ru ulun gumogot magilong ra aku saukon ra motopot, magitapap maansukan am ruruli' mindagu, “Tuhan no matulai kaga'; maansukan Io magilong ra linangkayaan ru ulipon Nano!”

MAZMUR 37:23

Tuhan mangitang ra ulun mongoi ra ralan ondo' sukuon no am manindung ra ulun ondo' iniou No.

MAZMUR 52:6

Masaga' kou mapakaruol ra guang ru ulun ra ragu-ragu. Okou mamparuung!

MAZMUR 69:3

matikolosor aku ra losok malandom, am kolondo' kinjangan; nalinjob aku ra timug malandom, am kinulun ru timug mamaar poyo mopolosor raki'.

GOSIA 3:5

Kaa' masaboi paat ra ulun ru Israil sumaguli' ra Tuhan, i Aki Kapuuno' nilo, am ra sangulun intor ra papag ru Raja' Daut, raja' nilo. Ilo pana malaa' am mangurumat ra Tuhan, am niayuk mangapu ra pataakon-pataakon Nano ondo' moonsoi.

RINALATAN 4:4

Kaa' masuang ulun ondo' nokorongog ra pambalaan ru rasul-rasul nangintopot ri Jisus. Suang nilo riminuang saboi olo'-olo' limo ngaribu ngaulun.

PINAINTALANG 14:3

Giu' ra saang ru takhta, kaapat-apat ru ilo ondo' maayag am tingganai-tingganai no, minigor poyo 144,000 ngaulun no am marimbai ra rimbai nakabagu. Rimbai raginio kalo maalap kaigigila' ru osoi ayuk pana, kaa' maatus apat ngoopor am apat ngaribu ngaulun no ayuk sabap ra binayag ilo noyo ri Aki Kapuuno'.