MAZMUR 39:6 - Tanou Moonsoi Timugon

⁶ Mapara' piboo kinariwa' ru umur kuno inaru' Mu! Ra Okou, buoi ru bayag kuno kolondo' onong-onong. Sotopot no kaayagan ru moonong ulun koson ra kaabusan maminawo,

MAZMUR 39:6 ပူးပေါင်းရင်းမြစ်များ

AYUP 14:1

Ulun inanak ra malawo am kalo maikang, kaayagan nilo mariwa' am mapagon.

AYUP 7:16

Nasuraan aku maayag; moogot aku matoi. Polosoo' aku no sabap ra kaayagan kuti kolondo' boo onong.

AYUP 7:7

Karaa' noyo, iou Aki Kapuuno', kaayagan kuno koson ra kaabusan ru paminawo; kaansukan kuno pupusin ra kolondo' babaya'.

MAZMUR 127:2

Banangan ayuk pirot ru kandoi maginakan, mataki' kumarat bulintok tumawang am mombolong ra mampayung rondom, sabap ra ngaangai' no pataakon ru Tuhan no ra ulun ondo' tagamin Nano, ra ilo liliwa' mombolong.

MAZMUR 144:4

Ulun koson ayuk ra labus ru paminawaan, am kaayagan nano mansail koson ra babara'.

MAZMUR 89:48

Karaa' noyo, mapara' piboo kinariwa' ru umur ru ulun; karaa' noyo ra Okou namangun ra ulun koson ilo ondo' maayag ra kalo mantilayun.

AMSAL 13:22

Ulun moonsoi patungkuson no rapu' nano ra anak am akupu, kaa' rapu' ru ulun makatula patungkuson ra ulun ondo' mabanis guang.

AMSAL 23:5

Ruit mataki' makai' koson kinataki' ru ganit, koson ayuk ra ruit no makakawo am mansiab ra limbowon koson ra kanui.

AMSAL 27:24

sabap ra kinalangkayaan ti kalo mantilayun. Kuasa' koson mamarinta pana kalo lumayun ra sabuoi-buoi no.

MAMPATANOU 1:14

Nakakito aku no ra ngaangai' binaal ru ulun ra tana' ti, am sotopot no ngaangai' no kolondo' onong koson mangilou ra angin.

MAMPATANOU 11:10

Pai' polosoo' atan ayuk makaimamang ra guang min, kapoam mamparuol ramuyun. Akau kalo mantilayun mamulok.

MAMPATANOU 12:13

Gitio noyo ontoson ragu intor ra ngaangai' no: Uramato' noyo i Aki Kapuuno' am gagaya' no ra ngaangai' susuban Nano, sabap ra ginio noyo kuayan itakau ulun inangun.

MAMPATANOU 12:8

Ngaangai' no kolondo' onong, kon ri Ulun Mangkara'.

MAMPATANOU 2:26

Nangani' i Aki Kapuuno' ra kapintaran, katutunan am kaansukan ru ulun ondo' napabansuk Riso. Kaa' ulun makatula sinusub No mangandoi maguyum ra rapu' am mangumung ra ampos, am pupus no ngaangai' no pataakin ra ulun ondo' mapabansuk ra guang ri Aki Kapuuno'. Ngaangai' no kolondo' onong, koson mangilou ra angin.

MAMPATANOU 2:8

Nanimung aku ra mas am pirok intor ra raja'-raja' ralalom ru pagun-pagun ondo' kinuasa' kuno. Ulun maririmbai ungkuyon am ruandu' marimbai koson mapakaansuk ra guang kutu ralalom ru rimbai-rimbai nilo, am mokoondo' aku ra masuang kaga' ruandu' ondo' kalaayin kuno.

MAMPATANOU 5:14

Mangiruan takau ra tana' ti koson ra itakau inanak, ra kolondo' atan-atan pana! Kalo makapagibit takau ra atan ayuk intor ra pirot ru kandoi takau.

JISAYA 55:2

Atan pakuan manimpulus ra ruit amon kolondo' pakuan, am atan pakuan mangandoi amon kalo makaasug Gagayaa' noyo panusuban Kutu, am mangakan kau ra moonsoi, am makaakan ra pasulungon ra mangaamis.

LUKAS 12:26

Amon ru kolondo' kuasa' min mambaal raginio, kua pagalabo kau ra baal ra bokon?

LUKAS 12:29

“Ginio ra sala' ka magalabo kau ayuk mangkara' ra atan akanon am inumon.

1 KORINTUS 7:31

Ulun ondo' mangingindapu' ra tana' ti, koson ayuk ra kalo guguangon nilo ginio. Sabap ra pupus no atan ondo' mokoondo' ra tana' ti, mapuso boo!

JAKUBUS 4:14

Inatang min ginio, kabalu' pana kalo mapandayan min atan ondo' masauk ralalom ru kaayagan min susuab pana! Koson kau ayuk ra lisun ondo' makito ayuk ra sangkinolor, am kalio boo.

JAKUBUS 5:3

Mas am pirok mino monontogol, am togol ti boo koson ra sasi' ondo' manguu' ramuyun. Kumokot io ra inan mino koson ra apui, sabap ra nanimung kau ayuk ra kalangkayaan ru tana' ti, kabalu' pana mamaar noyo pamupusan.

1 PITRUS 1:24

Mokoondo' tinulisan ra Buuk Kitab; “Ngaangai' ulun koson ra sakot, kalo mabuoi maayag, am atan ayuk pana kinoonsoi nilo mogondo' niayuk ra busak. Sakot no lumonot, am busak no mapasa',

1 PITRUS 5:7

Pataaki' noyo ngaangai' pagalabaan mino ri Aki Kapuuno', Sabap ra maayo toojo guang Nano magalung ramuyun.