MAZMUR 39:13 - Tanou Moonsoi Timugon

¹³ Rongogo' noyo pakiasian kutu, iou Tuhan, am apuo' noyo pakimasian kuno, pai' noyo pongkoror paat ra aku mantangi'. Masauk aku ra tambului Muno kaa' sangkinolor ayuk, koson ra kinamatuaan kuli.

MAZMUR 39:13 ပူးပေါင်းရင်းမြစ်များ

KASAUKAN 42:36

Indagu ama' nilono, “Masaga' kau kia ra maluusan aku ra ngaangai' anak kuno? I Jusup kalio noyo. I Simion pana kalio; am raino masaga' kau poyo magibit ri Binjamin ti. Aku ayuk ondo' maimbolo'!”

KASAUKAN 47:9

Taam i Jakub, “Umur kutu ra sangulun majajawot ti maatus am talu ngoopor ngambilor noyo. Buoi ru ginio malimanan ra sangkinolor ayuk am masuang kapaganan, sala' ka koson ra kaayagan ru kinamatuaan kuli ra majajawot.”

KASAUKAN 5:24

I Ginok naayag masalok sumimpung ri Aki Kapuuno', liminiot io sabap inalap io ri Aki Kapuuno'.

2 RAJA'-RAJA' 20:3

“Karaa' noyo, iou Tuhan, ra nangandoi aku Rirun ra gumagaya' am totopot, am ra masalok aku mirot koson mambaal ra kasagaan Muno.” Raja' no pana nantangi' ra mangiluk.

1 TUNUNG RU BANSA' ISRAIL 29:15

Okou nakapandai, iou Tuhan, ra koson ra kinamatuaan maili, akai pana naayag koson ra ulun minatong am ulun bansa' ru bokon. Kaayagan mai koson ra babara' ondo' mansail, am kalo makalabus akai intor ra kapatayan.

AYUP 7:19

Kalo kia makapagilong sala' Kou raki' maa' raginio sumimbat aku monolon ra tiwog?

MAZMUR 119:19

Sangkinolor ayuk aku mayan ra tana' ti; pai' noyo sibunio' ukum Muno raki'.

MAZMUR 18:7

Bulintok makakapaganan mampiau aku ra Tuhan; mampiau aku ri Aki Kapuuno' kuno koson makiindangan. Ralalom ru Baloi Nano rongogon No bolos kuno; talinaasin No pampiawan kuno.

IMAMAT 25:23

Tana' mino kalo matalan ra mantilayun sabap ra sala' ka akau tatangan ra tana' no. I Aki Kapuuno' tatangan ra tana' no, am akau koson ra ulun bansa' ru bokon ondo' nakaalap ra pangiawan magitanom ra tana' no.