MAZMUR 38:11 - Tanou Moonsoi Timugon

¹¹ Pusu' kuno mimbuor, am kolondo' lulu' kuno, am mato kuno majapul.

MAZMUR 38:11 ပူးပေါင်းရင်းမြစ်များ

MAZMUR 22:16

Bambalangan kuno mapua' koson ra kaau, am rila' kuno siminokot ra kaar. Tatangon Mu aku ra rasawat ru kaau, koson ra ulun minatoi.

MAZMUR 31:11

Guang mangiluk napariwa' ra bayag kuno, am pantangian ru guang napariwa' ra painawo kuno. Kapaganan kuno nangkinibit ra inan kuno kalo maligag, am niayuk bungul kuno mongopopol.

MAZMUR 88:18

Ngaangai' raginio koson ra liur ondo' liminiput raki' buoi ru songorou, am manguyung raki' intor ra moonong tingkuangan.

JISAYA 53:4

Sotopot no maruol takano ibain nano, kapaganan takano mangkinibit ra io maimbolo', indoson takau kaimbalaan nano ukuman ri Aki Kapuuno' riso.

JISAYA 53:8

Rinakop io am inakim, am binuntayang am inukuman ra matoi. Kolondo' mampalio riso; io minatoi sabap ra tula ru bansa' takau.

MATIUS 26:56

Kaa' ngaangai' baal ragitio maaru' masauk koson mampainono' ondo' tinulisan ru nabi-nabi ra Buuk Kitab.” Ngaangai' maamaya' Nano pana nagiru' boo nangiruan ri Jisus.

LUKAS 22:54

Rokopo' am ibito' nilo i Jisus giu' ra baloi ru Tingganai Maayo Imam Jaudi, am i Pitrus siminunu' intor ra maalur.

LUKAS 23:49

Ngaangai' ulun ondo' nakaulig ri Jisus, am niayuk ruandu'-ruandu' pana ondo' siminumbaya' ri Jisus intor ra Galilia i, minigor am nagilong intor ra maalur ra ngaangai' ondo' nasauk i.

JUANIS 16:32

Paat no masuku', am sotopot no nasuku' noyo, ra akau pantutuliaron am muli' ra intok min sigagama'. Tatangon min Aku misasangulun. Kabalu' pana koson raginio, kalo misasangulun Aku sabap ra i Ama' mabaya' Raki'.