MAZMUR 37:6 - Tanou Moonsoi Timugon

⁶ Io mamuun ra kinoonsoi muno makasinda koson ra mato ru orou paat ra tanga' ru orou.

MAZMUR 37:6 ပူးပေါင်းရင်းမြစ်များ

AYUP 11:17

Kaayagan muno masauk ra matawang poyo intor ra sinda mato ru orou paat matawang, am paat ra molondom ralalom kaayagan muno mapaang koson ra paat susuab ti.

MAZMUR 31:20

Mapara' kia boo nalimpak bonsoi Muno ondo' inatang Mu ra ulun ondo' mangurumat Rirun. Moonong ulun magilong ra bonsoi ru binaal Muno ra ulun ondo' siminindung Rirun.

JISAYA 54:17

Kaa' moonong kinandoi mangayou ondo' tinitip koson gumula' rirun, kalo masauk. Ra am moonong panguwan ralalom pangakiman mampainono' kou ra kalo motopot. Pataakon Ku kamanangan koson tangguang ra ulipon-ulipon Kuno.” Ginio noyo ragu ru Tuhan.

JISAYA 58:10

Paakano' noyo ulun naitilan am indangano' noyo ulun-ulun ondo' inimpayan. Amon ru makapambaal kau koson raginio, kalandaman pana giu' ra liliut mino masauk matawang koson ra orou ti.

JISAYA 58:8

Sinda pana sumila' rirun koson ra susuab ti, am pipilat muno mapali' mataki'. Masalok Aku mabaya' ramuyun koson mamayag ramuyun. Ratangan Kuno manindung ramuyun intor ra nansalinut linsuk.

JIRIMIA 51:10

Indagu Tuhan, “Giminolok ulun Kuno, ‘Nampakito Tuhan ra itakau motopot. Ibok balai' takau mamagun ru Jirusalim ra atan ondo' binaal ru Tuhan, i Aki Kapuuno' takau.’ ”

MALIAKI 3:18

Ulun Kuno makakito poyo ra pansuayan ru pupus ru ulun moonsoi am pupus ru ulun malaat, ulun ondo' mangandoi ayuk Raki' am ondo' kalo.”

MATIUS 13:43

Baal ru ulun motopot pana makito boo ru ngaangai' koson ra silau ru mato ru orou giu' ra Tana' Bagu ri Aki Kapuuno', Ama' nilono. Rongogo' am karaa' min!”

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.