MAZMUR 37:32 - Tanou Moonsoi Timugon

³² Ulun malaat mongoror ra ulun moonsoi am maguyum ilo ra kaayatan koson mamatoi risilo;

MAZMUR 37:32 ပူးပေါင်းရင်းမြစ်များ

KASAUKAN 39:16

Bulii' no sukub ri Jusup no saboi tingganai ru baloi no nakauli'.

2 RAJA'-RAJA' 6:13

Kon ru raja', “Uyumo' io, am rokopon ku io.” Kabalai' raja' no ra soroi i Ilisa giu' ra Dotan,

MAZMUR 37:12

Ulun malaat maguguum tumula' ra ulun moonsoi am masisang magilong risilo.

MAZMUR 56:7

Mantitimung ilo ra intok pansibunian, am magilong ilo ra moonong aku mimbuor, liliwa' nilo maguyum ra kaluagan koson mamatoi raki'.

AMSAL 24:15

Pai' koson ra ulun malaat ondo' maguguum mongoi pantakou ra ulun mabanis guang am mampagaau ra baloi nilono.

JIRIMIA 11:19

Koson aku ra domba ra kalo manantam ondo' inibit mongoi ra intok pamatayan. Kalo nakapandai aku ra aku noyo nasauk ra sonsolon ru paguguuman nilo. Konilo, “Ibok no ongoyo' takau tagaro' puun tataun no ra malabung ayuk poyo; ibok no potoyo' takau io maa' raginio inggalan nano malilianan ru ulun.”

JIRIMIA 18:23

Kaa' Okou, iou Tuhan, nakapandai ra ngaangai' ondo' inatang nilo koson mamatoi raki'. Pai' noyo iruo' kasalaan nilo am pai' noyo ampuno' tula nilo. Polosoo' noyo ra ilo maala. Guguang ayuk baalon risilo paat ra Okou sumangit.”

JIRIMIA 20:10

Mokorongog aku ra ulun mongkonos ra ati ayuk, “Kalaanan gumaai-gaai! Ibok pabalaa' takau riso ondo' makakuasa'!” Niayuk poyo ngaangai' rangan moonsoi kuno maginaa ra karatuan kuno. Konilo, “Maaru' lair ra pamparuungan, makapangala takau riso, maa' raginio itakau makapansuli' riso.”

DANIL 6:5

Baal raginio nangkinibit ra ulun-ulun magalung am gabenor ra bokon mirot koson maguyum ra kasalaan ri Danil ralalom ru kandoi pamarintaan no, kaa' kalo nakasugut ilo sabap ri Danil gumagaya', mabanis guang am kalo makalilian.

LUKAS 11:54

koson maguyum ilo ra sala ralalom raguon Nali, maa' raginio makaalap ilo ra panguwan mamparakop Riso.

LUKAS 14:1

Sangarawan ra orou Sabat ru ulun ru Jaudi, minongoi i Jisus pangakan giu' ra baloi ru sangulun intor ra tayar Parisi ondo' nauligan toojo. Bambal ayuk ru ulun-ulun no monontong ri Jisus.

LUKAS 20:20

Ginio ra naginaa ilo ra kaluagan moonsoi. Susubo' nilo kukula' ngaulun sumalu ra ulun ondo' mangintopot kunu' Riso mongoi pangkuot koson makaalap ilo ra panguwan mamparakop Riso. Koson raginio mataakan nilo i Jisus ra kuasa' ru gabenor.

LUKAS 6:7

Kukula' ngaulun mangingila' ra Ukum ri Musa am ulun-ulun ru Parisi mangurio toojo ri Jisus insan ru mamabas Io ra ulun paat ra orou Sabat, maa' raginio mokoowot ilo ra panguwan.

RINALATAN 9:24

Kaa' napandayan ri Saulus nangatangan nilo raginio. Orou-rondom nagawang ilo subalan ru bandar i koson mamatoi riso.

1 SAMUIL 19:10

Nangkinam Raja' Saul mapatura' ra tutura' nano ri Daut ondo' soroi mamaar ra rinding, kaa' nailiu ri Daut, saboi tutura' no nakatujok ra rinding. Nagiru' i Daut koson mamayag ra inan.

1 SAMUIL 23:14

Nansibuni i Daut giu' ra intok-intok panindungan giu' ra kabuluran, giu' ra tana' kaagisan Jiip. Masalok io ilolowon ru Raja' Saul, kaa' Tuhan kalo napataak riso ra Raja' Saul.