MAZMUR 37:25 - Tanou Moonsoi Timugon

²⁵ Ragino matutuo aku no am nabuoi noyo naayag, kaa' kalo igondo' aku pakakito ra ulun moonsoi tatangon ru Tuhan, kapoam sayat nilono makikitaak ra akanon.

MAZMUR 37:25 ပူးပေါင်းရင်းမြစ်များ

IBRANI 13:5

Pai' noyo pagingkaut ayuk ra ruit, kaa' karaan min ayuk ra sama' noyo atan ondo' soroi ramuyun no. Sabap ra minindagu noyo i Aki Kapuuno', “Kalo noyo toojo polosoon kapoam iruanin takamin.”

MAZMUR 37:28

sabap ra Tuhan masaga' ra ondo' motopot, am kalo manatang ra ulun Nano ondo' gumagaya'. Sindungin No ilo ra sabuoi-buoi no, kaa' sayat ru ulun malaat inggalarin.

MAZMUR 112:2

Ngaangai' anak nano manguasa' ra pagun ti; papag ru ulun moonsoi maaru' barakaton.

MAZMUR 25:13

Lumangkaya' ilo, am sayat nilono manungkus ra pamagunan no.

1 SAMUIL 12:22

Nagibot noyo Tuhan ra kalo mangiruan Io ramuyun, sabap ra namatas Io noyo ra masauk kau ra ulun Nano galama'.

2 KORINTUS 4:9

Masuang makimantula' ramon, kaa' kalo igondo' akai iruani' ri Aki Kapuuno'. Kabalu' pana magail akai ayuk pampasin, kaa' kalo noyo maluus akai.

MAZMUR 94:14

Tuhan kalo manatang ra ulun Nano; kalo impayin No ulun ondo' nasauk ra longgom Nano.

MAZMUR 71:18

Raino matutuo aku no am uanon aku no, pai' aku tatango', iou Aki Kapuuno'. Bayaa' aku bulintok ra aku mapatanou ra kuasa' am katulayan Muno ra ngaangai' papag ra matong ti.

JOSUA 1:5

Okou Josua, kolondo' sangulun pana makapangala rirun buoi ra okou maayag. Mabaya' Aku rirun koson Aku nabaya' ri Musa. Magail Aku mabaya' rirun, am kalo toojo mangiruan rirun.

KASAUKAN 17:7

“Suguton Ku toojo bantu' Kuno rirun am papag muno, mansusugul am bantu' no mantilayun. Masauk Aku ri Aki Kapuuno' muno am i Aki Kapuuno' ru papag muno.

AMSAL 13:22

Ulun moonsoi patungkuson no rapu' nano ra anak am akupu, kaa' rapu' ru ulun makatula patungkuson ra ulun ondo' mabanis guang.

MAZMUR 71:9

Pai' aku impayi' raino sabap ra matutuo aku noyo; pai' aku tatango' raino sabap ra malawo aku.

RINALATAN 21:16

Mokoondo' kukula' ngaulun Kristian intor ra Kaisaria minaya' am nangator ramon ra baloi ri Manason, sabap ra baloi nano inayanan mai. I Manason ti ulun ru Siprus ondo' lair noyo siminauk ra Kristian.

AYUP 15:23

Susuit nasar mangakan ra baangkai maginaa mangakan ra baangkai nilo; nakapandai ilo ra mapuso ilo.

JISAYA 13:16

Makakito ilo ra lalagang nilono lambaan saboi matoi, baloi nilono gaawon, am andu' nilono sowoon.”

MAZMUR 59:15

Bulintok ra palunggai' pantula'-pantula' kuno mamaguli', maguang koson ra uku' bulintok lumiput ra bandar.

MAZMUR 109:10

Polosoon noyo ngaangai' anak nano masauk ra makikitaak ondo' kolondo' ayanan, am inanjung intor ra baloi nilo ra napuut no.

AYUP 4:7

Karaa' noyo, igondo' kia ulun ondo' kolondo' sala nalumpa' ru karaat am pagon?