MAZMUR 37:15 - Tanou Moonsoi Timugon

¹⁵ kaa' ilang tumobok ra inan nilo galama', am tanggayan ru panah nilono pandakon.

MAZMUR 37:15 ပူးပေါင်းရင်းမြစ်များ

2 SAMUIL 17:23

Paat ri Agitopil nakapandai ra bilin nano kalo binaya', patampako' no palana ra kaladai nano am uli' ra bandar nano galama'. Kopongo nanalasai ra ngaangai' baalon nano, tair io galama'. Kopongo raginio linobong io ra kalabangan ru sasambaloi nano.

ESTER 9:16

Ulun-ulun ru Jaudi giu' ra wilayah-wilayah niayuk timinimung am nagisaung ra inan. Kinala nilo pantula' am namatoi ra suang 75,000 ngaulun ondo' masisang risilo, kaa' kalo ginaau nilo rapu' ru ulun.

ESTER 9:22

Koon raginio baal no sabap ra paat orou raginio noyo ilo nangala ra pantula', saboi kangilukan am kasilukan nilo nakulau nasauk ra kaansayan am kaansukan. Ginio ra musiti' ilo mangiantak ra orou-orou raginio ra bunsag am pagakanan am niayuk mantataak ra akanon ra rondo' am bokon, mangayup ra ulun musikin.

MAZMUR 34:22

Ulun ra malaat matoi sabap ra kalaatan nilono; ulun ondo' masisang ra ulun motopot no ukumin.

MAZMUR 35:8

Polosoon ilo malumpa' ru kapusaan ra kalo maiman-iman, am makasulung ra jajaling nilo galama' maratu' boo am mapuso.

MAZMUR 46:10

Pinolonggo' No pangayawan ra titikop ru tana' ti; pinandak No tanggayan ru panah, tanggulan am gagampin sinolob.

MAZMUR 46:9

Ibok, ilai' ga atan ondo' binaal ru Tuhan. Ilai' ga, binaal ri Aki Kapuuno' ra tana' ti makaimuag kaga'.

JISAYA 37:38

Sangarawan ragili, bulintok ra raja' ru Asyur sumambayang ra ralalom ru kuil dewa Nisrok, pinatoi io ri Adramilik am i Sarijir, anak-anak nano namakai ra ilang. Kopongo ragili, nagiru' ilo giu' ra tana' Ararat. I Isaradon, anak nano ra bokon siminuali riso siminauk ra raja'.

JIRIMIA 51:56

Matong pantula' koson mamuso ra Babil; saujor-saujor no rinakop noyo, busur nilo pana pinandak noyo. Aku, i Aki Kapuuno' ondo' nangukum ra kalaatan; pamakuan Ku ra Babil no nogondo' ra binaal nano.

GOSIA 1:5

Paat raginio giu' ra Limayak Jijriil, tutukon Ku kuasa' ru saujor ru Israil.”

GOSIA 2:18

Okou Israil, saukon Tokou ra andu' Kuno; mabanis guang Kuno am gumagaya'; pakitonon Ku togom am makaasi' rirun, am niayuk saukon kou ra longgom Kuno ra sabuoi-buoi no.

MIKA 5:6

Ulun ru Israil ondo' lakat poyo maayag masauk koson ra bolobou masimu' intor ra Tuhan koson pataakon ra masuang bansa'; am koson rasam timinias ra tutuu'. Malansan ilo ri Aki Kapuuno' am sala' ka ulun.

1 SAMUIL 2:4

Napandak noyo busur ru saujor ondo' mapanggol, kaa' nasauk boo ulun ondo' malawo ra mapanggol.

1 SAMUIL 31:4

Kon ru Raja' Saul ra ulun nagibit ra kinandoi nano, “Butuso' ilang muno am potoyo' aku no, maa' raginio pai' ru ulun ru Palistin ondo' kalo nakaulig ri Aki Kapuuno' ti mangkukuli raki', am mamatoi raki'.” Kaa' ulun magibit ra kinandoi no kalo makakau' mambaal raginio. Ginio ra butuso' ru Raja' Saul ilang nano am tobok io galama'.