MAZMUR 37:14 - Tanou Moonsoi Timugon

¹⁴ Ulun malaat mamutus ra ilang am palaguron no tanggayan ru panah koson mamatoi ra ulun musikin am naimbolo', am manginggulu' ra ulun moonsoi;

MAZMUR 37:14 ပူးပေါင်းရင်းမြစ်များ

ESTER 5:14

Pokorongog ra baal raginio, andu' nano am ngaangai' rangan nano mindagu, “Tirongo' rondo' lugu' panairan ra sawat no 22 ngamito, am rumondom ra susuab no kitaakon maa' raginio mangukum raja' ra tairon i Mordikai. Akau pana makasaang boo ra bunsag no ra guang maansukan.” Nampaguang i Gaman ra inatangan no moonsoi. Ginio ra nanusub io ra ulun mambaal ra lugu' pampatairan no.

MAZMUR 11:2

sabap intok ra molondom, ulun malaat mamakur ra tanggayan ru panah, paatangon no panah no am pabakison no ra ulun moonsoi.

MAZMUR 35:10

Mabaya' ra sotopot-topot ru guang mindagu aku ra Tuhan, “Kolondo' gumondo' Rirun. Pinalabus Mu ulun lamumu' intor ra ulun maikang, ulun musikin am naimbolo' intor ra nangimbolo' risilo no.”

AMSAL 29:10

Ulun malaat kaga' masisang ra ulun mabanis guang, kaa' ulun moonsoi mangampin risilo.

AMSAL 29:27

Ulun moonsoi masisang ra ulun malaat; ulun malaat pana masisang ra ulun moonsoi.

ABAKUK 1:13

Kaa' ati kulaan Kou tumaan guang magilong ra ulun ondo' malaat kaga' koson risilo? Okou matulai kaga' koson magilong ra kalaatan; Okou kalo tumaan guang ra ulun ondo' mambaal ra kasalaan. Kaa' kua pongkoror Kou paat ulun Babilonia mamuso ra ulun ondo' kalo malaat koson risilo?

RINALATAN 12:11

Katutuni' boo ri Pitrus atan ondo' nasauk riso i, indagu io boo, “Raino nakapandai aku ra i Aki Kapuuno' totopot nanusub ra malaikat nano mampalabus raki' intor ra kuasa' ru raja' Irodis am ngaangai' baal ondo' kalansanan ru ulun ru Jaudi masauk raki'.”

RINALATAN 12:23

Paat ragili niayuk malaikat ru Tuhan nampalamba' ri Irodis, sabap ra kalo nangurumat io ri Aki Kapuuno'. Ginio ra inan nati inuloron am patoi io boo.

RINALATAN 7:52

Mokoondo' kia sangulun nabi pana ondo' kalo inimbolo' ru kinamatuaan min? Am pinatoi nilo poyo ulun sinusub ri Aki Kapuuno' ondo' ragili nambala' ra ratangan ru Ulipon Nano ra motopot i. Io no ondo' pinataak min ra pantula' Nano am pinatoi min.

1 JUANIS 3:12

Pai' takau tiluo' paliso ri Kain. Nakaaya' io ra Tingganai ru riwato am namatoi io ra boborok nano galama' ondo' ininggalanan ri Abil. Kua potoyo' ri Kain boborok nali? Sabap ra ondo' binaal nali kalo motopot kaa' ondo' binaal ru boborok nali motopot.

1 SAMUIL 24:11

Raino nakaili' kou galama' ra giu' ra ralalom ru luang batu ni, pinataak kou noyo ru Tuhan no raki'. Sinusub aku ru kukula' ngaulun ulun kuno koson mamatoi rirun, kaa' marara' aku. Tinaam ku ra kalo masaga' aku mapakaruol ra raja' ondo' pinili' noyo ru Tuhan.

1 SAMUIL 24:17

Kopongo i Daut minindagu raginio, indagu Raja' Saul, “Motopot kia ra okou i Daut, anak kuno?” Nantangi' boo Raja' Saul.