MAZMUR 37:11 - Tanou Moonsoi Timugon

¹¹ Ulun ondo' minggana' guang makatungkus ra pagun ti, am makasia' ra kalangkayaan ondo' lumuab-luab.

MAZMUR 37:11 ပူးပေါင်းရင်းမြစ်များ

MAZMUR 119:165

Ulun monogom ra ukum Muno makaalap ra kaansayan; kalo malumpa' ilo ru karaat.

MAZMUR 25:13

Lumangkaya' ilo, am sayat nilono manungkus ra pamagunan no.

MAZMUR 36:8

Iou Aki Kapuuno', mapara' piboo kinologo ru togom Muno, ulun sumindung ra saau ru kawo Muno.

MAZMUR 72:7

Gama' ru katimpakan makatanou ra buoi ru raja' maayag, am kinalangkayaan mantilayun buoi sinda ru bulan.

JISAYA 26:3

Okou, Tuhan, mangani' ra pababansayan am kaansukan ra ulun ondo' maikang guang, sabap ra mangintopot ilo Rirun.

JISAYA 48:18

Amon ru ilain min ukuman Kuno, makaapu kau ra barakat ondo' kalo maukat-ukat koson ra sungoi ra kalo igondo' kalasak. Kolondo' pupus ru ampos mino koson ra kinulun ru raat ondo' kalo igondo' longgo'.

JISAYA 57:13

Paat ra akau mampiau makiindangan, polosoon sinungkalalaing mino mamayag ramuyun! Sinungkalalaing no mangatatak masiob ru angin! Kaa' ulun ondo' mangintopot Raki' makatungkus ra pagun ti. Sumamba ilo Raki' ralalom ru Baloi Kuno.”

MATIUS 5:5

Pakaansuk noyo ulun ondo' minggana' guang, sabap ra makaapu ilo ra ondo' binantu' ri Aki Kapuuno'.

JUANIS 14:27

Kaansayan patatangon Kuno ramuyun; kaansayan Kuno galama' pataakon Ku ramuyun. Kaansayan Kuno sala' ka koson ra kaansayan ondo' taakin ru tana' ti. Ginio ra pai' kano pagalabo kapoam kalaa'.

SAGULION 5:33

Gagayaa' noyo ngaangai' ondo' nanusuban ru Tuhan i Aki Kapuuno' min maa' raginio makakaansayan am maawar painawo min giu' ra tana' ondo' ayanin min.”

PILIPI 4:7

Bagu raginio mokoondo' kau ra kaansayan intor ri Aki Kapuuno', ondo' maalur intor ra atan ondo' karaan ru ulun. Gitio noyo magalung ra guang am pangkaraan min ralalom nasimpungan min ri Jisus Kristus.

1 TIMOTIUS 6:11

Kaa' okou ulun noyo ri Aki Kapuuno', ginio nai ra inggaluri' noyo ngaangai' baal malaat raginio. Singkotog no sumauk ra ulun motopot, matanda', makapangintapatan, motogom, tumaan guang am molomoi.

JAKUBUS 1:21

Ginio nai ra patiri' noyo ngaangai' kaindalaman ra majamol kapoam malaat. Mabaya' boo ra guang minggana', apuo' noyo bala' ri Aki Kapuuno' ondo' porondonon Nano ra guang min. Sabap ra bala' ragitio noyo ondo' makapamayag ramuyun.

JAKUBUS 3:13

Osoi ak intor ramuyun ondo' mangkara' ra makaintutun am mapintar io, moonsoi ru pakitonon no ginio mansail ra kaayagan am baal moonsoi nano, mabaya' ra guang minggana' am kapintaran.