MAZMUR 36:7 - Tanou Moonsoi Timugon

⁷ Kinoonsoi Muno kalo mauyog koson ra gunung maayo, katimpakan Muno koson ra landom ru raat. Okou magalung ra ulun am bibiag.

MAZMUR 36:7 ပူးပေါင်းရင်းမြစ်များ

AYUP 37:23

Totopot maayo kuasa' ri Aki Kapuuno' saboi itakau kalo makainggaar Riso; Io mabanis guang am matimpok ra ulun.

MAZMUR 139:17

Iou Aki Kapuuno', mapara' piboo pagon ru pangkaraan Muno ra aku mangkara', am mapara' piboo kinasuang no.

MAZMUR 17:8

Sindungi' aku, koson ra unor ru mato Muno galama'; taubi' aku ra kawo Muno,

MAZMUR 31:19

Polosoo' noyo ulun-ulun maabau-abau tumambungangang, sabap ra malilimbau ilo am magasab ra ulun ondo' mabanis guang.

MAZMUR 57:1

Ra tingganai santimungan maririmbai. Sumugut ra rimbai: Pai' pusoo'. Mazmur ri Daut, bulintok ra io nansibuni ra luang ru batu koson manuliar ra Raja' Saul.

MAZMUR 63:7

Bulintok aku miluluya' ra katil, makara' Tokou; masuaban aku mangkara' Rirun,

MAZMUR 71:19

Kinoonsoi Muno, iou Aki Kapuuno' minujak saboi ra limbowon. Mangaayo binaal Muno; kolondo' mokogondo' Rirun!

MAZMUR 86:15

Kaa' Okou, iou Tuhan, i Aki Kapuuno' monogom am malubatan, masalok moorot guang, moonsoi am gumagaya'.

MAZMUR 86:5

Iou Tuhan, Okou no moonsoi am masaga' mangampun ra ulun, tagamin Mu ilo ondo' makiasi' Rirun.

MAZMUR 91:4

Sindungin No akau ra kawo Nano; maayag kau ralalom ru pagalungan Nano; gagaya' Nano mangampin am magalung rirun.

KAINGKUALAN 34:6

Pansail boo Tuhan ra saang ri Musa am indagu, “Aku Tuhan i Aki Kapuuno' ondo' napanu' ra asi' am kimasi'; kalo mataki' Aku sumangit, mapakito Aku ra togom am gagaya' ondo' maayo.

LUKAS 13:34

Jirusalim, Jirusalim! Namatoi kou ra nabi-nabi am binobol mu ra batu ulun ondo' sinusub ri Aki Kapuuno' mongoi rirun! Ingkula' Aku noyo masaga' mampalulur ra ngaangai' mamagun muno, koson ra sanginan manuk puunan mampagupu' ra gogol nano ra kawo nano, kaa' marara' kou!

JUANIS 3:16

Sabap ra maayo kaga' guang ri Aki Kapuuno' ra ulun ru tana' ti, saboi nanaak Io ra Anak Langkuir Nano, maa' raginio moonong ulun ondo' mangintopot Riso kalo mapuso, kaa' mokoowot ra kaayagan mantilayun.

2 PITRUS 1:4

Ginio noyo ralan ri Aki Kapuuno' mangani' ritakau ra barakat ondo' maayo am ondo' kaansayin takau, sumugut ra bantu' Nano. Ralalom ru barakat ti noyo makapagiru' takau intor ra kalaayan malaat ra tana' ti am mokopogondo' boo paliso takau ri Aki Kapuuno'.

1 JUANIS 3:1

Ilai'! Mumpara' piboo gayo ru togom ri Ama' saboi piawon takau ra anak ri Aki Kapuuno'. Am sotopot no, itakau ti anak ri Aki Kapuuno'. Ginio sabap ra ulun ru tana' ti kalo makaulig ritakau, sabap ra kalo makaulig ilo ri Aki Kapuuno'.

RUT 2:12

Gama' ru balasin ru Tuhan nansalinut kaansayan muno. Gama' ru apuon mu atan ayuk pana ondo' taakin rirun ru Tuhan, i Aki Kapuuno' ru Israil sabap ra minatong kou koson siminindung Riso!”