MAZMUR 36:6 - Tanou Moonsoi Timugon

⁶ Iou Tuhan, togom Muno koson sawat ru limbowon, am gagaya' Muno makasuku' ra kinasawat ru gaun.

MAZMUR 36:6 ပူးပေါင်းရင်းမြစ်များ

KASAUKAN 18:25

Pai' potoyo' ulun kolondo' sala mabaya' ra ulun makasala. Tuhan, pai' noyo! Sabap amon ru baalon Mu ginio, ulun kolondo' sala pana makaaya' kaukum. Maaru' akim ru titikop ra tana' ti tumimbalos ra matanda'.”

NIGIMIA 9:6

Kopongo raginio ulun ru Israil nakiasi' koson ragitio, “Iou Tuhan, Okou no rorondo' ayuk Tuhan; Okou nambaal ra butitin am titikop limbowon, Okou nambaal ra lantur am raat am ngaangai' ru suang nano; Okou nangani' ra kaayagan ra ngaangai' no. Ngaangai' kuasa' giu' ra limbowon kuku' samba Rirun; ilo ngai' minigulatur am kumuku' Rirun.

AYUP 37:23

Totopot maayo kuasa' ri Aki Kapuuno' saboi itakau kalo makainggaar Riso; Io mabanis guang am matimpok ra ulun.

AYUP 7:20

Okou Magagalung raki', marualan Kou kia ra tula kuno? Kua pamakai Kou ra inan kuno koson ra intok tiwon Muno? Aku ti saanin maayo Mu kia?

MAZMUR 145:9

Moonsoi Io ra moonong ulun, am makaasi' ra ngaangai' binaal Nano.

MAZMUR 147:9

Pakanon no bibiag, am gogol ru susuit bangkaak ondo' pasapios.

MAZMUR 31:20

Mapara' kia boo nalimpak bonsoi Muno ondo' inatang Mu ra ulun ondo' mangurumat Rirun. Moonong ulun magilong ra bonsoi ru binaal Muno ra ulun ondo' siminindung Rirun.

MAZMUR 71:19

Kinoonsoi Muno, iou Aki Kapuuno' minujak saboi ra limbowon. Mangaayo binaal Muno; kolondo' mokogondo' Rirun!

MAZMUR 77:19

Tingkalur gogolon, timpalak makapiat, tana' mauyog am mogonggon.

MAZMUR 92:5

Binaal Muno, iou Tuhan, makabansuk raki'; marimbai aku maansukan ra binaal Muno.

MAZMUR 97:2

Linibungan Io ru gaun am kalandaman; namarintaan Nano sumugut ra ukum am katimpakan.

KAINGKUALAN 9:28

Pakiasi' noyo ra Tuhan. Sama' noyo akai naimbolo' sabap ra tingkalur am rasam batu ti. Bantuon ku ra mapaugar ramuyun. Kalo pana boo mayan kau ragiti.”

JISAYA 40:28

Kalo kia nakapandai kou? Kalo poyo kia nokorongog kou? Tuhan iono i Aki Kapuuno' ondo' mantilayun; Io no namangun ra titikop ru tana' ti. Kalo igondo' Io kaagui kapoam boboon. Kolondo' osoi-osoi pana makapandai ra pangkaraan Nano.

JISAYA 45:19

Kalo alion Ku ra Aku mindagu, kapoam opoton. Kalo susubon Ku ulun Kuno Israil maguyum Raki' ra kolondo' logo. Aku, Tuhan, mindagu ra motopot, am mambala' ra motopot.”

JIRIMIA 12:1

“Iou Tuhan, amon ru pabalaan ku baal kutu Rirun, maaru' matutunan toojo ra Okou noyo ondo' motopot. Kaa' musiti' aku mangkuot Rirun intor ra katimpakan. Kua kia ra ulun malaat langkaya'? Kua kia ra ulun ondo' kalo mabanis guang makabanang?

SULABOI 3:23

masalok baguon ra moonong susuab ti, sotopot no Io mampagagaya'!

JUNUS 4:11

Maaru' Aku makaasi' poyo ra Niniwi, bandar ondo' maayo no sabap ra giu' no mokoondo' nasailan ra 120,000 ngaulun lalaing ondo' kalo mapandai mampasuai ati moonsoi am ati malaat, am niayuk masuang kaga' bibiag.”

ROMA 11:33

Mumpara' boo susuang ru asi' ri Aki Kapuuno'! Mumpara' boo kinatanda' ru kapintaran am kapandayan Nano! Kolondo' sangulun makarati' ra inaru' Nano. Am kolondo' makapandai ra kokondoyon Nano.

ROMA 3:25

Ginio ra i Jisus Kristus pinataak ri Aki Kapuuno' ra potoyon maa' raginio ra pinatayan Nano, tula ru ulun ampunon amon ru mangintopot ilo Riso. Binaal ri Aki Kapuuno' ginio koson manulu' ra kinabanis ru guang Nano, sabap ra galing i mataan guang Nano ra tula ru ulun saboi kalo nangukum risilo.

SAGULION 32:4

“Tuhan manaung ramuyun ondo' mapanggol, Io matanda' am matimpok ralalom ru ngaangai' baal; i Aki Kapuuno' min mampagagaya', kolondo' abau Riso, nambaal Io ra ondo' moonsoi am ondo' motopot.

SAGULION 7:9

Karaa' noyo ra Tuhan i Aki Kapuuno' min rorondo' ayuk i Aki Kapuuno', am toojo Io manutun. Manugut Io ra nabantuan Nano am magail mapakito ra togom Nano ra saribu papag ru ulun ondo' motogom Riso, am ondo' gumagaya' ra ukum Nano,

1 TIMOTIUS 4:10

Gitio nai puun ru bagui am kandoi takau: malansan takau toojo ri Aki Kapuuno' ondo' Maayag; Io Mamamayag ru ngaangai' ulun, mulu' poyo ilo ondo' mangintopot Riso.

1 SAMUIL 14:15

Kasaukan raginio napakalaa' kaga' ra ngaangai' ulun ru Palistin giu' ra tampilon ru liwar bandar; pulalai ru mantakou am saujor ru Palistin giu' ra pangkiman nonontol ra nalaa'; am poyo nogonggon tana' ti, am nasauk kajajawan.