MAZMUR 36:4 - Tanou Moonsoi Timugon

⁴ Ragu-ragu nilono napanu' ra kalaatan am abau, kalo boo mambaal ilo ra moonsoi am ralalom ru kapintaran.

MAZMUR 36:4 ပူးပေါင်းရင်းမြစ်များ

ESTER 5:14

Pokorongog ra baal raginio, andu' nano am ngaangai' rangan nano mindagu, “Tirongo' rondo' lugu' panairan ra sawat no 22 ngamito, am rumondom ra susuab no kitaakon maa' raginio mangukum raja' ra tairon i Mordikai. Akau pana makasaang boo ra bunsag no ra guang maansukan.” Nampaguang i Gaman ra inatangan no moonsoi. Ginio ra nanusub io ra ulun mambaal ra lugu' pampatairan no.

ESTER 6:4

Kopongo raginio pangkuot raja', “Osoi kia ra gino ngai' pagawai kuno ondo' soroi ra istana raino ti?” Nakainamot ra i Gaman bagu ayuk minumpos ra liliut ru istana. Minatong io koson makitaak ra raja' koson manair ri Mordikai ra lugu' panairan ondo' tinirong noyo.

AYUP 15:16

Atan poyo ulun ondo' majamol am kolondo' onong, ondo' manginum ra kalaatan koson ra timug ayuk.

MAZMUR 38:12

Rangan am sambalayan kuno kalo boo minggaar sabap ra ruruko kuno; pongkotob kuno pana minggalur intor raki'.

MAZMUR 52:3

Okou ulun maikang, kua pamanggo kou ra kalaatan muno ra ulun ondo' tagamin ri Aki Kapuuno'?

MAZMUR 97:10

Motogom Tuhan ra ulun ondo' masisang ra kalaatan; sindungin No kaayagan ru ulun Nano, am mamayag risilo intor ra kuasa' ru ulun malaat.

AMSAL 24:2

Lumaat ayuk kakaraan am mampajamar raraguon nilono.

AMSAL 24:23

Ulun mapintar pana mindagu koson ragitio: Sangulun akim kalo iowon mambaal ra pagimbason.

AMSAL 4:16

Ulun malaat kalo mokororot amon ru kalo poyo makapambaal ilo ra malaat. Kalo matikoolong ilo amon ru kalo poyo maninduol ilo ra ulun bokon.

JISAYA 65:2

Masalok Aku tumampos mangapu ra ulun Kuno, kaa' masalok ilo mokotog guang am mambaal ra baal ondo' kalo matanda' am niayuk sumugut ra kasagaan nilo galama'.

JIRIMIA 4:22

Indagu Tuhan, “Sasambungon ulun Kuno; kalo makaulig ilo Raki'. Koson ilo ra lalaing sasambungon, kolondo' karatian nilo. Mapandai ilo toojo mambaal ra malaat, kaa' mailo mambaal ra moonsoi.”

JIRIMIA 6:16

Indagu Tuhan ra ulun Nano, “Bigor kano giu' ra lilisangon ru ralan am ilai' noyo toojo! Kuati' noyo ralan-ralan ra galing i, am ati kia ra ralan ondo' moonsoi kaga'. Mopongo raginio baya' no ra ralan raginio, okou pana maayag am moonsoi.” Kaa' konilo, “Kalo, marara' akai maya' ra ralan no!”

JIRIMIA 8:6

Rinongog ku noyo toojo, kaa' kalo mindagu kau ra motopot. Kolondo' sangulun pana intor ramuyun pansagulian guang ra binaal nano ra malaat. Kolondo' sangulun pana ondo' mindagu, ‘Atan kia kasalaan kuno?’ Akau ngaangai' minaya' ra ralan galama' koson ra kuda nasimbul maribok mongoi ra intok pangayawan.

AMOS 5:15

Kasisang kano ra kalaatan, tagami' noyo moonsoi, am potolorogo' katimpakan giu' ra makama. Maaru' lair Tuhan makaasi' ra ulun ru Israil ondo' lakat poyo maayag.

MIKA 2:1

Aibui boo ra ulun-ulun ondo' mangatang ra kalaatan ondo' kalo mantilayun am liminuya' ra intok pambalangan paat ra tanga' ru rondom. Paat ra orou sinumirang baalon nilo kalaatan ondo' inatang no sabap ra maalap nilo mambaal raginio.

MIKA 6:8

Topot-topot kalo! Nambala' noyo Tuhan ritakau ra atan ondo' moonsoi. Baal ondo' kitaakon toojo ru Tuhan intor ritakau iono maa' raginio mambaal takau ra matimpok, masalok mangimaya' ra katagaman, am mabaya' ra guang minggana' maayag masimpung ri Aki Kapuuno' takau.

MATIUS 27:1

Paat ra tumawang ngaangai' tingganai imam Jaudi am tingganai ru ulun ru Jaudi namatas ra mamatoi ri Jisus.

RINALATAN 23:12

Nokorondom io ra suabon no, naguguum ulun ru Jaudi. Nagigibot ilo ra kalo mangakan am manginum amon ru kalo poyo mapatoi nilo galing i Paulus.

ROMA 1:32

Nakapandai ilo ra maya' ra ukum ri Aki Kapuuno' ulun ondo' nambaal koson raginio ukumin ra potoyon. Iou pana koson raginio, rayuson nilo ginio am maansayan ilo poyo ra ulun bokon ondo' mambaal koson niayuk raginio.

ROMA 12:9

Tagami' noyo ulun bokon ra totopot ru guang min. Kasisangi' min baal ra malaat am rayuso' min mambaal ra moonsoi.

PINAINTALANG 2:2

Nakapandai Aku atan noyo binaal mino; nakapandai Aku ra mumpara' boo pirot min mangandoi am ati koson ra akau tumaan paat imboloon. Nakapandai Aku ra kalo mangapu kau ra ulun malaat. Am kininaman min noyo ilo ondo' migiangku ra rasul saboi napandayan min ilo ti ra maabau-abau.

1 SAMUIL 19:11

Rondom raginio niayuk, nanusub Raja' Saul ra kukula' ngaulun minongoi ra baloi ri Daut koson mansigo ri Daut, am mamatoi riso ra tampilon ra susuab no. Kaa' i Mikgal, andu' ri Daut, nambala' riso, “Amon ru kalo magiru' kou ra rondom no niayuk, susuab no maaru' potoyon kou.”