MAZMUR 36:3 - Tanou Moonsoi Timugon

³ sabap ra ilo malilimbau, mangkara' ilo tula nilo kalo mapandayan am kalo kasisangin.

MAZMUR 36:3 ပူးပေါင်းရင်းမြစ်များ

2 SAMUIL 22:22

Gumagaya' aku ra ukum ru Tuhan; kalo mangiruan aku ri Aki Kapuuno' kuno.

2 TUNUNG RU BANSA' ISRAIL 20:32

Koson ra ama' nali ragili, nambaal Raja' Josapat ra atan ondo' motopot ra mato ru Tuhan,

MAZMUR 10:7

Ragu-ragu nilono nototop ra ulas, abau, am lolob; mataki' ilo manauyu' am masisang ra ulun.

MAZMUR 125:5

Kaa' amon mangukum Kou ra ulun malaat, ukumi' niayuk ulun ondo' kalo mangintopot Rirun. Kaansayan rirun Israil!

MAZMUR 140:3

Masalok ilo mangatang ra kalaatan, am masalok mapatabual ra pansasangaran.

MAZMUR 5:9

Iou Tuhan, masuang kaga' pantula' kuno; ilaa' aku mambaal ra kasagaan Muno, am tului' aku ra ralan ondo' musiti' no mauma' kuno.

MAZMUR 55:21

Rangan kuno ra galing i mangayou ra rangan-rangan nali; kalo sinugut no bantu' nali.

MAZMUR 58:3

Kalo! Malaat ayuk karaan mino, am ra pagun ti masaga' kau mambaal ra kalaatan.

MAZMUR 94:8

Akau ulun kuno, arara' boo ra sambung mino? Sanggilan kia karatian min?

AMSAL 4:16

Ulun malaat kalo mokororot amon ru kalo poyo makapambaal ilo ra malaat. Kalo matikoolong ilo amon ru kalo poyo maninduol ilo ra ulun bokon.

JIRIMIA 4:22

Indagu Tuhan, “Sasambungon ulun Kuno; kalo makaulig ilo Raki'. Koson ilo ra lalaing sasambungon, kolondo' karatian nilo. Mapandai ilo toojo mambaal ra malaat, kaa' mailo mambaal ra moonsoi.”

GOSIA 8:3

kaa' nangimpai ilo ra baal ondo' moonsoi. Ginio ra pantula' mangilou risilo.

JIPANYA 1:6

Pusoon Ku ulun ondo' nangiruan noyo Raki' am kalo boo maya' Raki'; ilo ondo' kalo matong Raki' am kalo makitulu' intor Raki'.”

MATIUS 22:35

Sangulun intor ilo ngaangai' ti, ioginio sangulun mangingila' ra Ukum ri Musa, mangkinam mampalandak ri Jisus ra rondo' pangkuatan.

LUKAS 11:25

Saguli' io am ilai' no mapasau am moonsoi baloi i.

IBRANI 10:39

Kaa' itakau ti sala' ka ulun ondo' lumugut am makalayau. Itakau ti makapangintapatan am bayagon.

1 JUANIS 2:19

Pantula' ri Jisus Kristus ondo' nangiruan ritakau, sotopot no sala' ka itakau po ngai'. Amon ru ulun ilo ru itakau, maaru' sumimpung ilo ritakau. Kaa' ilo ti nangiruan ritakau. Gitio mampakito ra kolondo' sangulun pana intor risilo topot-topot ulun takau.

1 SAMUIL 15:26

Kaa' taam i Samuil, “Kalo masaga' aku maya' rirun. Nangimpai kou noyo ra susuban ru Tuhan, am raino nangimpai Io rirun koson raja' ru Israil.”

1 SAMUIL 16:14

Ambiluo ru Tuhan no nangiruan ra Raja' Saul, am inimbolo' io ru ambiluo malaat ondo' sinusub ru Tuhan.

1 SAMUIL 18:21

Nangkara' Raja' Saul, “Pataakin ku i Mikgal no ri Daut maa' raginio malandak i Daut am potoyon ru ulun ru Palistin.” Kainduo no boo, indagu Raja' Saul ri Daut, “Raino masauk kou ra anak mangiwan kuno.”

1 SAMUIL 26:21

Taam Raja' Saul, “Sotopot no makatula noyo aku ti. Saguli' no, alii ri Daut anak kuno! Kalo boo lumaat aku rirun. Rondom i pinoloso mu aku naayag. Sasambungon aku kaga'! Binaal kuti jajajou kaga'!”