MAZMUR 35:8 - Tanou Moonsoi Timugon

⁸ Polosoon ilo malumpa' ru kapusaan ra kalo maiman-iman, am makasulung ra jajaling nilo galama' maratu' boo am mapuso.

MAZMUR 35:8 ပူးပေါင်းရင်းမြစ်များ

2 SAMUIL 17:23

Paat ri Agitopil nakapandai ra bilin nano kalo binaya', patampako' no palana ra kaladai nano am uli' ra bandar nano galama'. Kopongo nanalasai ra ngaangai' baalon nano, tair io galama'. Kopongo raginio linobong io ra kalabangan ru sasambaloi nano.

ESTER 7:10

Koon raginio noyo i Gaman tinair ra lugu' pampatairan ondo' binaal nano ra tayar ri Mordikai. Kopongo raginio bagu no sangit ru raja' no siminalui.

MAZMUR 57:6

Iou Aki Kapuuno', patalango' noyo kinaatang Muno giu' ra limbowon, am katulayan Muno ra titikop ru tana' ti!

MAZMUR 64:7

Mangatang ilo ra malaat am mindagu, “Mangatang takau ra kalaatan ondo' malamog.” Malandom kaga' guang am pangkaraan ru ulun, saboi kalo mapandayan.

MAZMUR 9:15

maa' raginio mokopongompor aku Rirun ra saang ru mamagun ru Jirusalim. Magilakup am maansukan aku ra Okou namayag raki'.

AMSAL 29:1

Amon ru sangulun gumaai mokotog guang ra moonong sawayon, sangarawan matutuk io ondo' kalo boo makatapuli'.

AMSAL 5:22

Tula ru ulun malaat koson ayuk ra landak ondo' mampajaling riso galama'.

JISAYA 47:11

Kaa' malumpa' kou ru karaat, ilimu' ru sihir muno kalo mokopongompong. Patayan sangkuliop ayuk matong, patayan ondo' kalo maguang muno.

LUKAS 21:34

“Ilalai' min! Pai' kau bunsag am magiginum ayuk, kapoam magalabo ra kaayagan mino ayuk, saboi Orou ru Tuhan mamulali' matong am kalo makatampos kau.

1 TISALONIKA 5:3

Paat ra ulun mindagu ra, “Raino nampalinos noyo ngaangai' am mokoondo' noyo pabansayan,” paat raginio niayuk pulali' kon ilo pusoon. Pulali' kon Io matong koson ra ruol ru ruandu' matipaganak, am kalo makapagiru' ilo.

1 SAMUIL 18:17

Nangatang Raja' Saul maa' raginio potoyon i Daut no ru ulun ru Palistin ralalom ru pangayawan maa' raginio sala' ka Raja' Saul galama' ondo' mamatoi riso. Ginio ra, sangarawan raginio indagu Raja' Saul ri Daut, “I Mirab, anak ruandu' ra katuaan kuno, pawatin ku rirun, ginio ayuk ra mangandoi kou raki' masauk ra saujor ondo' baani am gumagaya', am niayuk mangayou ra tayar ru Tuhan.”