MAZMUR 35:26 - Tanou Moonsoi Timugon

²⁶ Polosoon noyo ulun ondo' maansayan magilong ra aku naimbolo' masauk ilo ra maubong am mauyu'. Polosoon noyo ulun lumimbau no pansagulian guang am mauyu'.

MAZMUR 35:26 ပူးပေါင်းရင်းမြစ်များ

MAZMUR 38:16

Kaa' malansan aku Rirun, iou Tuhan; am Okou, iou Tuhan, i Aki Kapuuno' kuno, mangiou ra pakiasian kuno.

MAZMUR 132:18

Tauyuon Ku pantula'-pantula' nano, kaa' karajaan nano moonsoi ayuk am langkaya'.”

AYUP 19:5

Mangkara' kau ra akau moonsoi intor poyo raki', am karaan min kapaganan kutu koson ra sasi' ru sala kuno.

AYUP 8:22

kaa' ulun ondo' masisang rirun tauyuon, am intok ayanan ru ulun malaat pusoon.”

1 PITRUS 5:5

Koson niayuk ramuyun tuu'-bagu kau ngai', gagaya' kano ra ulun matutuo. Pabukat kau ngai', paingganaa' noyo guang mino am pangindangan kano ra rondo' am bokon. Sabap ra mokoondo' tinulisan ra Buuk Kitab, “I Aki Kapuuno' gumula' ra ulun mangasumbung, kaa' motogom io ra ulun minggana' guang.”

DANIL 11:36

“Raja' ru Siria mambaal maya' ra kasagaan ru guang. Nabaya' ra kalimbawan, karaan ru raja' ra maayo io poyo intor ra dewa ru ati pana, am poyo makakuasa' poyo intor ri Aki Kapuuno' Ondo' Masawat Kaga'. Nambaal raja' no raginio saboi ra paat ri Aki Kapuuno' mangukum riso. Baalon ri Aki Kapuuno' totopot koson ra inatangan Nano.

JIRIMIA 48:26

Indagu Tuhan, “Liminimbau Moab Raki', ginio ra gaukon io. Magiluluir Moab ra ralalom ru lua' nano galama', am kuritin boo ru ulun.

JISAYA 41:11

Ulun ondo' sumangit ramuyun maala am tauyuon. Ulun ondo' manggal ramuyun matoi io am mapuso intor ra tana' ti.

MAZMUR 129:5

Polosoon noyo moonong ulun ondo' masisang ra Sion kalaan am palukiaton.

MAZMUR 71:13

Polosoon noyo ilo ondo' mangayou raki' no kalaan am niayuk pusoon! Polosoon noyo ilo ondo' kuminam mangurana' raki' no tauyuon am asabin!

MAZMUR 55:12

Ati-ati pana intok mokoondo' pantutulaan; ralan ra babayaan makito masuang pangimbalaan am pamparuungan.

MAZMUR 35:4

Polosoon ilono ondo' mangkinam pamatoi raki' kinala am tinauyu'. Polosoon ilono ondo' naguguum koson tumula' raki' lumungkang am maubong.

MAZMUR 109:19

Polosoon noyo ulas no makataub riso koson ra konoon, am masalok rumilit riso koson ra abot.

JIRIMIA 20:11

Kaa', Okou, iou Tuhan, manaung raki'; Okou maikang am mapanggol. Ilo ondo' nangimbolo' raki' maratu' am kalo maikang. Tauyuon ilo ra sabubuoi no, sabap ra inatangan nilo kalo nasugut. Pagasaban risilo no masalok karaan.

MIKA 7:10

Paat raginio pantula' takau makakito ra baal ondo' binaal ru Tuhan ritakau, am ilo pana tauyuon. Ilo no pantula' magagasab ritakau ragili am mindagu, “Ati boo Tuhan, i Aki Kapuuno' mino?” Magilong takau risilo kalaan am kikinjangin koson ra losok giu' ra ralan.