MAZMUR 35:10 - Tanou Moonsoi Timugon

¹⁰ Mabaya' ra sotopot-topot ru guang mindagu aku ra Tuhan, “Kolondo' gumondo' Rirun. Pinalabus Mu ulun lamumu' intor ra ulun maikang, ulun musikin am naimbolo' intor ra nangimbolo' risilo no.”

MAZMUR 35:10 ပူးပေါင်းရင်းမြစ်များ

2 SAMUIL 22:18

Namayag Io raki' intor ra pantula' kuno ondo' maikang, am intor risilo ondo' masisang raki', sabap ra maikang ilo kaga' raki'.

MAZMUR 10:14

Kaa' Okou makakito; ilain Mu kapaganan am kaimbalaan ru ulun, am magail makatampos mangindangan risilo. Ulun ondo' lamuoi pasubakon nilo inan nilono Rirun, sabap ra masalok Kou mangindangan ra ulun ondo' makakapaganan.

MAZMUR 102:3

Pai' aku talikuri' bulintok ra aku makakapaganan. Rongogo' aku bulintok ra aku mampiau, am taamo' noyo mataki' kitaakon kuno.

MAZMUR 103:6

Saungon ru Tuhan ulun ra inimpayan am baalon Nano maya' ra katimpakan.

MAZMUR 109:31

sabap ra Io noyo manaung ra ulun naimbolo' am mamayag risilo intor ra ulun ondo' nangukum risilo ra ukuman matoi.

MAZMUR 140:12

Polosoon noyo ulun ondo' manimbaal ra ulun bokon kolondo' ampos, pai' polosoo' ulun ra manimbaal no mayan ra tana' ti.

MAZMUR 140:13

Iou Tuhan, tutunon Mu kaapuan ru ulun inimbolo', am baal ru ulun musikin.

MAZMUR 146:7

sungkaan No kaapuan ru ulun inimbolo', am paakanon No ulun naitilan. Tuhan napalabus ra ulun rinakop,

MAZMUR 18:17

Intor ra rasawat pinatutui ru Tuhan kalindu' Nano, ginuut No aku, am paingkualo' No aku intor ra timug ondo' malandom.

MAZMUR 22:14

Gaalon nilo kabang koson ra singa', mansangal am manungaap raki'.

MAZMUR 22:24

Koompor noyo Io, akau ngaangai' ulun mangintopot ra Tuhan! urumato' min Io, akau ngaangai' papag ri Jakub; sambaa' min Io, akau ngaangai' ulun ru Israil!

MAZMUR 32:3

Paat ra aku kalo mangiou ra tula kuno, naagui aku sabap ra nonsongorou ra tangi'.

MAZMUR 34:20

Ulun ra moonsoi malimanan no masuang kapaganan, kaa' Tuhan mamayag risilo intor ra ngaangai' no;

MAZMUR 34:6

Ulun ondo' inimpayan magilong Riso am maansukan; kalo igogondo' pana mangkaus guang nilo.

MAZMUR 37:14

Ulun malaat mamutus ra ilang am palaguron no tanggayan ru panah koson mamatoi ra ulun musikin am naimbolo', am manginggulu' ra ulun moonsoi;

MAZMUR 38:3

Panah Muno namilat ra inan kuno; kalindu' Muno namalamba' raki'.

MAZMUR 51:10

Polosoo' aku mangkirongog ra bolos kasagaan am kaansukan, maa' raginio guang kuno ra tutukon am umokon Muno, maansukan saguli'.

MAZMUR 51:8

Kasaga' Muno kabanisan ru guang; totopo' guang kuno ra kapintaran Muno.

MAZMUR 69:33

Amon ulun inimpayan magilong ra baal ragitio, maansukan ilo; ulun ondo' sumamba ri Aki Kapuuno' mintopot poyo.

MAZMUR 71:19

Kinoonsoi Muno, iou Aki Kapuuno' minujak saboi ra limbowon. Mangaayo binaal Muno; kolondo' mokogondo' Rirun!

MAZMUR 86:8

Kolondo' tuhan koson Rirun, iou Tuhan, kolondo' makabaal koson ra binaal Muno.

KAINGKUALAN 15:11

Iou Tuhan, osoi kia intor ra tuhan-tuhan ondo' koson Rirun? Osoi kia ondo' koson Rirun, matulai kaga'? Osoi kia ondo' makapambaal ra kaimuagan am baal ra makaimuag koson ra binaal Muno?

JISAYA 40:18

Osoi kia maalap min pogondoo' ri Aki Kapuuno'? Osoi kia guangon min pogondoo' Riso?

JISAYA 40:25

Osoi kia maalap min pogondoo' ri Aki Kapuuno' Ondo' Matulai Kaga'? Mokoondo' kia mogondo' koson Riso?

JIRIMIA 10:7

Osoi ondo' marara' mangurumat Rirun, raja' ru ngaangai' bansa'? Okou no totopot urumaton ru ngaangai'. Okou kolondo' pogondo' ra ngaangai' ulun mapintar intor ra bansa'-bansa', kapoam raja'-raja' nilo.

JIRIMIA 20:13

Rimbayi' noyo Tuhan! Omporo' noyo Tuhan! Palabuson No ulun naimbolo' intor ra kuasa' ru ulun malaat.