MAZMUR 34:8 - Tanou Moonsoi Timugon

⁸ Malaikat ru Tuhan mantamung ra ulun ondo' mangurumat Riso, am mamayag risilo intor ra makalalaa'.

MAZMUR 34:8 ပူးပေါင်းရင်းမြစ်များ

KASAUKAN 48:16

Gama' ru malaikat ondo' namayag raki' intor ra baal makalalaa', mambarakat risilo. Gama' ru inggalan kuno am inggalan ru kinamatuaan kuli, i Abragam am i Isak, magail sisiraan sabap ra anak-anak ragitio! Gama' ru mokoondo' ilo masuang anak am masuang papag!”

MAZMUR 119:103

Mapara' piboo tamis ru rinagu Muno, matamis poyo intor ra ruu' ru maningot!

MAZMUR 2:12

igulatur no ra tuma' Nano am ra monontol; pai' sukui' Tuhan no sumangit ondo' magibit ra akau pusoon sangkuliop ayuk sabap ra mataki' kaga' sangit Nano masimbula'. Pakaansuk kano ngaangai' ulun ondo' siminindung Riso!

MAZMUR 36:10

Okou noyo puun ru nansalinut kaayagan, am sabap ra sinda Muno, makakito akai ra sinda.

MAZMUR 36:7

Kinoonsoi Muno kalo mauyog koson ra gunung maayo, katimpakan Muno koson ra landom ru raat. Okou magalung ra ulun am bibiag.

MAZMUR 52:1

Ra tingganai ru santimungan maririmbai. Sisindiron ri Daut,

MAZMUR 63:5

Maringkuanang aku Rirun buoi ru kaayagan kuno; painsawaton ku longon liliwa' makiasi' Rirun.

MAZMUR 84:12

Tuhan noyo manindung am raja' takau ra matulai, barakaton No itakau ra kaansayan am katulayan. Kalo ingain No atan-atan ondo' moonsoi intor ra ulun ondo' bayag nano kolondo' ruruko.

RIMBAI PANGAMPARAN 2:3

Koson ra puun ru ipol ondo' nakapangkilolot timinuu' giu' ra kataunan, koon raginio noyo kalumpusan kuno ra gino ngai' ungkuyon. Masaga' aku sumindung ra saau nano, kawa' nano maamis ra akanon.

RIMBAI PANGAMPARAN 5:1

Matong aku ra intok pagitatanaman kuno, alii ra ambai am uoton kuno, manimung aku ra mur am apa' pampagamis ra akanon kuno; mangkan aku ra ruu' ru maningot am tambaloi nano, manginum aku ra gatas am wain kuno. Pangakan kau, rangan ku ngai', am panginum kau saboi kau magauk ra laai.

JIRIMIA 31:14

Imam-imam basugon Ku ra akanon masuang, am mangukop ra ngaangai' ondo' pakuan ru ulun Kuno. Aku, Tuhan, nakaindagu noyo.”

DANIL 3:28

Indagu boo raja', “Koompor noyo i Aki Kapuuno' ondo' sambaan ri Sadrak, Misak am i Abidnigo! Nanusub Io ra malaikat koson mamayag ra ulun ondo' mangandoi ayuk am mangintopot Riso. Minanggal ilo ra susuban kuno am baani matoi intor ra migulatur samba ra dewa ra bokon ondo' ak am i Aki Kapuuno' nilo.

JAKARIA 9:17

Mapara' bonsoi no am kinaantak ru pagun no ra tauli no! Ungkuyon mamulok am ralaa lumanja' maikang; gandum am wain mangikang risilo.