MAZMUR 34:16 - Tanou Moonsoi Timugon

¹⁶ Indukuin ru Tuhan ulun ra motopot, am mangkirongog ra pantangian nilo;

MAZMUR 34:16 ပူးပေါင်းရင်းမြစ်များ

AYUP 18:17

Kalo boo mauligan ilo ra tana' ti; kolondo' boo sangulun pana ondo' mangkara' risilo.

AYUP 36:7

Sindungin No ulun ondo' mabanis guang; polosoon No ilo mamarinta koson ra raja' saboi urumaton ilo ra sabubuoi no.

MAZMUR 10:16

Tuhan raja' ra mantilayun, am ulun ondo' kalo makaulig Riso mapuso io intor ra pagun Nano.

MAZMUR 18:7

Bulintok makakapaganan mampiau aku ra Tuhan; mampiau aku ri Aki Kapuuno' kuno koson makiindangan. Ralalom ru Baloi Nano rongogon No bolos kuno; talinaasin No pampiawan kuno.

MAZMUR 33:18

Ilo ondo' gumagaya' ilain ru Tuhan, malansan ilo ra katagaman Nano.

MAZMUR 94:9

Sinauk ri Aki Kapuuno' talingo – musiti' makaining Io. Sinauk No mato – musiti' makakito Io.

AMSAL 10:7

Ulun moonsoi masalok karaan, kaa' ulun malaat mataki' lilianin.

AMSAL 15:29

Rongogon ru Tuhan pakiasian ru ulun moonsoi, kaa' kalo lioon No ulun malaat.

MAMPATANOU 8:10

Nakaili' aku nakakito ra ulun malaat ondo' minatoi am linobong. Kaa' paat ra ilo minuli' intor ra kalabangan, ngaangai' ulun mongongompor ra ulun minatoi i, giu' ra bandar intok nambaalan nilo ra kalaatan. Ngaangai' no kolondo' onong!

JIRIMIA 17:13

Iou Tuhan, Okou noyo kalansanan ru Israil; ngaangai' ru ulun ondo' nangiruan Rirun tauyuon. Mapuso ilo intor ra tana' ti, am mongoi ra intok ru ulun minatoi, sabap ra nangiruan ilo ra Tuhan, puun ru timug ondo' mampakaayag.

JIRIMIA 44:11

Ginio ra Aku, Tuhan Ondo' Maayo Kaga' Kuasa', i Aki Kapuuno' ru Israil, manggal ramuyun am mamuso ra ngaangai' ru Jiuda.

IMAMAT 17:10

Amon ru ulun ru Israil kapoam ulun bansa' ru bokon ondo' minayan risilo mangakan ra raraa', ulun no anggalon ru Tuhan, am kalo boo karaan io ra ulun Nano.

IMAMAT 26:17

Manggal Aku ramuyun saboi kalaan kau ru pantula'. Kuasaan kau ru ulun ondo' masisang ramuyun, am malaa' kau kaga' saboi magiru' kau kabalu' pana kolondo' ulun mangilou ramuyun.

AMOS 9:4

Amon ru ibiton ilo ru pantula' giu' ra pamatiran, manusub Aku maa' raginio potoyon ilo. Totopot Ku potoyon ilo, am kalo mangindangan risilo.”