MAZMUR 34:14 - Tanou Moonsoi Timugon

¹⁴ Pai' min pasalulaa' ragu-ragu ra malaat, am pai' kasaga' magabau.

MAZMUR 34:14 ပူးပေါင်းရင်းမြစ်များ

AYUP 28:28

Indagu i Aki Kapuuno' ra ulun, “Koson makaalap ra kapintaran, musiti' kau malaa' am mangurumat ra Tuhan. Koson makaalap ra karatian, musiti' kau mangiruan ra kalaatan.”

MAZMUR 120:7

Bulintok ra aku mindagu ra pababansayan, kitaakon nilo pangayawan.

MAZMUR 37:27

Tatango' noyo kalaatan am pambaal noyo ra moonsoi, maa' raginio sayat muno maayag ra pagun ti ra sabuoi-buoi no;

MAZMUR 39:2

Mindagu aku, “Ilalain ku ayuk atan ondo' baalon kuno, am kalo mambaal ra tula intor ra rila' kuno. Kolondo' atan-atan raguon kuno buoi ru ulun malaat sumoroi ra kiing kuno.”

AMSAL 13:14

Pangilaan ru ulun mapintar koson ra uur ru kaayagan; bulintok ilaanon, pangilaan raginio mamayag ra painawo.

AMSAL 3:7

Pai' kou pangkara' ra okou mapintar poyo intor ra sotopot no. Gagaya' no ra Tuhan am inggaluri' kalaatan.

AMSAL 4:24

Pai' raguo' atan kalo motopot. Pai' pagabau am mindagu ondo' mangkinibit ra ulun makalayau.

AMSAL 8:13

Mangurumat ra Tuhan arati' no masisang ra kalaatan; masisang aku ra malilimbau am masawat ragu, paliso ra malaat am ragu-ragu ra mamparuung.

MATIUS 5:9

Pakaansuk noyo ulun ondo' magibit ra kaansayan ra tatanga' ru ulun, sabap ra piawon ilo ra anak ri Aki Kapuuno'.

RINALATAN 10:38

Nakapandai kau poyo ra i Aki Kapuuno' nampili' noyo ri Jisus, ulun Nasarit i, am inanian No ra Ambiluo ri Aki Kapuuno' am niayuk kuasa'. Minongoi Io ra ati ayuk intok koson mambaal ra moonsoi am mamabas ra ulun masuang ondo' kinuasa' ru Tingganai ru riwato, sabap ra mabaya' i Aki Kapuuno' ri Jisus.

ROMA 12:18

Amon ru maalap min, pobobonsoi kano ra ngaangai' ulun.

ROMA 12:9

Tagami' noyo ulun bokon ra totopot ru guang min. Kasisangi' min baal ra malaat am rayuso' min mambaal ra moonsoi.

ROMA 14:17

Sabap ra amon ru mamarinta i Aki Kapuuno' ra kaayagan ru sasangulun, akanon am inumon sala' ka boo maatang. Kaa' gitio noyo ondo' maatang; gumagaya' ra kasagaan Nano, katasuan ru guang am kaansukan, ondo' ringai' no pataakin ru Ambiluo ri Aki Kapuuno'.

ROMA 14:19

Intor raginio, kasalok takano mirot maayag ra rondo' guang am magigikang ra pangintapatan.

2 KORINTUS 13:11

Pupusin ku pabukat kau ngaangai', tumoojo kau! Pirot kano toojo tumanda' am rongogo' noyo bilin kutu. Pogogondoo' noyo guang min am koonsoi kano ra rondo' am bokon. Gama' ru i Aki Kapuuno' ondo' monogom am manaak ritakau ra pabansayan mabaya' ramuyun.

GALATIA 6:10

Intor raginio, buoi ra itakau makakaluagan, alapo' takau noyo ginio koson mobobonsoi ra moonong ulun, mulu' poyo risilo ondo' makimambukat takau mulu' poyo ra mogondo' pangintapatan.

1 TISALONIKA 4:11

Kaayag kano toojo ralalom pabansayan am pai' sombot ra atan ondo' baalon ru bokon. Sigagama' kano paginakan koson ra nambalaan mai ramuyun ragili.

2 TIMOTIUS 2:19

Kaa' ondo' binaal ri Aki Kapuuno' no ra guang ru ulun Nano kalo maalap kauyog. Am minindagu Io noyo, “Tuhan makaulig ra osoi ulun Nano,” am poyo ra, “Osoi ayuk mangiou ra io ulun ru Tuhan, musiti' io tumalikur intor ra kasalaan nano.”

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

IBRANI 12:14

Gogot kano pobonsoi ra ngaangai' ulun am poyo kaayag kano ra mapasau, sabap ra kolondo' sangulun pana makakito ra Tuhan, amon ru kalo maya' io raginio.

IBRANI 13:16

Pai' kano pakalilian mambaal ra moonsoi am mangindangan ra rondo' am bokon, sabap raginio noyo koson ra taak simbalui ondo' mapabansuk ra guang ri Aki Kapuuno'.

1 PITRUS 3:11

Moonsoi ru inggalurin no kalaatan am mambaal ayuk ra moonsoi; am poyo gumogot toojo paguyum ra pabansayan, suku' moowot no.

3 JUANIS 1:11

Pabukat ondo' tagamin kuno! Pai' tiluo' paliso ra malaat, kaa' tiluo' ondo' matanda' no. Ulun ondo' mambaal ra matanda', io anak ri Aki Kapuuno'. Ulun ondo' mambaal ra malaat, io no kalo poyo nakaulig ri Aki Kapuuno'.