MAZMUR 33:9 - Tanou Moonsoi Timugon

⁹ Bulintok ra Io mindagu, tana' ti nasauk; intor ra ragu Nano, ngaangai' no sinauk.

MAZMUR 33:9 ပူးပေါင်းရင်းမြစ်များ

KASAUKAN 1:1

Paat ra talimpuun i paat ri Aki Kapuuno' napasauk ra limbowon am namingkal ra tana' ti.

KASAUKAN 1:3

Indagu i Aki Kapuuno', “Kasauk no sinda.” Sinda ti pana nasauk.

MAZMUR 33:6

Intor ra kuasa' ru Tuhan no sinauk No limbowon, mato ru orou, bulan am butitin sinauk sumugut ra bala' Nano.

MAZMUR 93:5

Ukum Muno mantilayun, iou Tuhan, am Baloi Muno matulai ra sabuoi-buoi no.

SULABOI 3:37

Kasagaan ru Tuhan ayuk ondo' masalok masauk.

IBRANI 1:3

Io noyo mampakito ra kuasa' ri Aki Kapuuno' am paliso Nano mogondo' toojo ri Aki Kapuuno'. Io noyo niayuk magalung ra limbowon am tana' ti mansail ra bala' Nano ondo' makakuasa'. Mopongo Io namasau ra ulun intor ra tula nilai, nanturung Io ra takhta ra suruga' ra tampilon pamiris ri Aki Kapuuno' ondo' Maayo Kaga' Kuasa'.

IBRANI 11:3

Sabap ra pangintapatan noyo, itakau makaintutun ra limbowon am tana' ti pinasauk ru bala' ri Aki Kapuuno'. Ginio ra ngaangai' ondo' makito nasauk intor ra atan ondo' kalo makito.

PINAINTALANG 4:11

“Iou Aki Kapuuno' am Tuhan mai. Okou maaya' makaapu ra urumat am ompor am kuasa'. Sabap ra Okou noyo nambaal ra ngaangai' no, am maya' ra kasagaan Muno niayuk ngaangai' no nasauk am naayag.”