MAZMUR 33:6 - Tanou Moonsoi Timugon

⁶ Intor ra kuasa' ru Tuhan no sinauk No limbowon, mato ru orou, bulan am butitin sinauk sumugut ra bala' Nano.

MAZMUR 33:6 ပူးပေါင်းရင်းမြစ်များ

KASAUKAN 1:1

Paat ra talimpuun i paat ri Aki Kapuuno' napasauk ra limbowon am namingkal ra tana' ti.

KASAUKAN 1:6

Indagu boo i Aki Kapuuno', “Kasauk noyo pambakuran koson mapasuai ra timug ra ruo intok.” Baal raginio pana nasauk. Ginio noyo i Aki Kapuuno' napasauk ra pambakuran koson napatayar ra timug ondo' mokoondo' ra ragana' ru pambakuran intor ra timug ondo' mokoondo' ra rasawat no.

KASAUKAN 2:1

Ginio noyo baal ru napasaukan ra limbowon am tana' ti am ngaangai' suang no.

KASAUKAN 2:7

Alap boo Tuhan i Aki Kapuuno' ra sanganu tana' am pambaal Io ra ulun am sampuyo' boo ra painawo ondo' mapakaayag ralalom luang ru arung no; am ulun no maayag boo.

KASAUKAN 6:7

Ginio ra indagu Io boo, “Pusoon Ku ngaangai' ondo' sinauk Kutu, susuit am bibiag ra bokon sabap pansagulian Aku kaga' napasauk risilo.”

AYUP 26:13

Paminawo Nano nampatawang ra limbowon, am kalindu' Nano mamatoi ra tambuakal ondo' nagiru'.

AYUP 33:4

Ambiluo ri Aki Kapuuno' namangun raki', am paminawo ru Io Ondo' Maayo kaga' Kuasa' mampakaayag raki'.

MAZMUR 104:30

Kaa' paat ra Okou manaak ra pamainawo, ngaangai' no maayag; nanaak Kou ra kaayagan bagu ra tana' ti.

MAZMUR 33:9

Bulintok ra Io mindagu, tana' ti nasauk; intor ra ragu Nano, ngaangai' no sinauk.

JIRIMIA 10:16

Aki Kapuuno' ri Jakub sala' ka koson ra sinungkalalaing raginio; Io noyo namangun ra ngaangai' no. Nampili' Io ra Israil nasauk ra ulun Nano. Tuhan Ondo' Maayo Kaga' Kuasa' noyo inggalan Nano.

JIRIMIA 8:2

Kuayan no sala' ka timungon am lobongon poyo, kaa' koson polosoon ra tana' koson ra pampalabung. Bungul-bungul nilo makulipatak ra matuug ru sinda mato ru orou, sila' am butitin ondo' tagamin, intok mangandoi ayuk, sambaan am pakituluan nilo.

JUANIS 20:22

Sampuyo' No boo ilo am indagu, “Apuo' noyo Ambiluo ri Aki Kapuuno'.

ROMA 1:25

Pangilaan motopot intor ri Aki Kapuuno' aligin nilo boo ra abau. Maansayan ilo sumamba am mongompor ra atan ondo' sinauk ri Aki Kapuuno' ka i Aki Kapuuno' galama', ondo' sotopot no omporon ra sabuoi-buoi no! Amin.

SAGULION 4:19

Pai' kaambi' koson sumamba am mangandoi ra ondo' makito giu' ra limbowon, iono mato ru orou, sila' am butitin. Nanaak noyo Tuhan, Aki Kapuuno' mino ra kuliamos raginilo ra ngaangai' bansa' ra bokon ra sambaan.

IBRANI 11:3

Sabap ra pangintapatan noyo, itakau makaintutun ra limbowon am tana' ti pinasauk ru bala' ri Aki Kapuuno'. Ginio ra ngaangai' ondo' makito nasauk intor ra atan ondo' kalo makito.

2 PITRUS 3:5

Ilo ti sumingon mangimpai ra minimpuun ra bala' ri Aki Kapuuno' noyo limbowon am tana' ti nasauk ra galing i. Sinauk No tana' ti intor ra timug am nagayantanga' poyo ra timug;