MAZMUR 33:4 - Tanou Moonsoi Timugon

⁴ Bala' ru Tuhan no motopot, am ngaangai' ru binaal Nano maintopot.

MAZMUR 33:4 ပူးပေါင်းရင်းမြစ်များ

KASAUKAN 24:27

Indagu io, “Koompor noyo Tuhan i Aki Kapuuno' ru tuan kuli i Abragam totopot nampaguut ra bantu' Nano ra tuan kuli i Abragam. Inibit aku ru Tuhan parampuso' ra pabukat ru tuan kuli.”

MAZMUR 119:128

Sabap raginio maya' aku ra nansalinut panusuban Muno; masisang aku ra baal ra kalo matanda'.

MAZMUR 119:75

Makapandai aku ra namalantasan Muno matimpok, iou Tuhan, inukum Mu aku sabap ra nampagagayaan Muno.

MAZMUR 12:6

Indagu Tuhan, “Ulun musikin impayin, am ulun inimbolo' mampalaa. Raino niayuk Aku matong mapalinos maya' ra kasagaan nilono.”

MAZMUR 19:8

Ukum ru Tuhan no naukop toojo, mampaligag ra salibuor. Panusuban ru Tuhan no maintopot, manaak ra kapandayan ra ulun ondo' mompogogot no.

MAZMUR 25:10

Ulun ondo' mampagagaya' ra bantu' am panusuban Nano, tuluin No ra togom am pampagagayaan.

MAZMUR 96:13

bulintok ra Tuhan matong mamarinta ra tana' ti. Parintaan No namagun ra tana' ti ralalom ru kabanisan ru guang am matimpok.

AMSAL 30:5

Sinugut ri Aki Kapuuno' ngaangai' bantu' Nano. Io koson ra gagampin ru ngaangai' ulun ondo' makiampin Riso.

DANIL 4:37

“Raino aku, i Nibukadnijar, mongompor, mangurumat am mampatulai ra Raja' panguasa' giu' ra suruga'. Ngaangai' binaal Nano motopot am matimpok. Masaga' io mapainggana' ra osoi ayuk ondo' lumimbau.”

MIKA 2:7

Guang min kia' ra Israil ti inulas? Kalo kia' mokoorot Tuhan? Topot kia' mambaal Io ra baal koson raginio? Sala' ka kia mindagu Io ra molomoi ra ulun ondo' mambaal ra motopot?”

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

ROMA 7:12

Ginio ra Ukum ri Musa no intor ri Aki Kapuuno' am moonong susuban Nano mabanis am moonsoi.

SAGULION 32:4

“Tuhan manaung ramuyun ondo' mapanggol, Io matanda' am matimpok ralalom ru ngaangai' baal; i Aki Kapuuno' min mampagagaya', kolondo' abau Riso, nambaal Io ra ondo' moonsoi am ondo' motopot.

TITUS 1:2

Pangilaan raginio noyo puun ru kalansanan takau ra mokoowot takau ra kaayagan mantilayun ondo' binantu' ri Aki Kapuuno' ra kalo poyo tana' ti biningkal. Kalo noyo magabau i Aki Kapuuno'.