MAZMUR 33:18 - Tanou Moonsoi Timugon

¹⁸ Ilo ondo' gumagaya' ilain ru Tuhan, malansan ilo ra katagaman Nano.

MAZMUR 33:18 ပူးပေါင်းရင်းမြစ်များ

1 RAJA'-RAJA' 17:6

Manginum io intor ra sungoi boborok no, am susuit bangkaak magibit ra ruti' am kual riso ra moonong susuab ti am mai' ti.

2 TUNUNG RU BANSA' ISRAIL 16:9

Tuhan magail magalung ra titikop ru tana' ti am mangani' ra kaikangan risilo ondo' gumagaya' Riso. Sasambungon binaal muno, ginio ra intor raino magail kou mangayou.”

IJRA 8:22

Manangguang aku makitaak ra pulalai mangkuda intor ra raja' koson magalung ramon intor ra pamulunsaran ru pantula' ralalom ru pangkiralanan. Binaal ku koon raginio sabap ra mambala' aku ra raja' ra i Aki Kapuuno' takau nambarakat ra moonong ulun ondo' lumansan Riso, kaa' sumangit Io am mangukum ra osoi pana ondo' kalo gumagaya' Riso.

AYUP 36:7

Sindungin No ulun ondo' mabanis guang; polosoon No ilo mamarinta koson ra raja' saboi urumaton ilo ra sabubuoi no.

MAZMUR 111:5

Ulun ondo' mangurumat Riso aniin No ra akanon; kalo igondo' Io pampalilian ra bantu' Nano.

MAZMUR 13:5

Pai' polosoo' pantula' kuno mindagu ra nangala ilo raki'. Pai' polosoo' ra ilo magasab raki'.

MAZMUR 147:11

kaa' maansayan Io ra ulun ondo' mangurumat Riso, ulun ondo' malansan toojo ra togom mantilayun Nano.

MAZMUR 52:8

Ulun ra motopot malaa' magilong ra binaal koson raginio; makakurit ilo rirun, am mindagu,

JIRIMIA 37:21

Ginio ra nanusub Raja' Jidikia ra aputon aku giu' ra liliut ru istana. Minayan aku ra giu', am moonong orou aniin aku ra rondo' ruti' maayo intor ra intok ru ulun mambaal ra ruti', saboi ra bandar no nakayaan ra ruti'.

IBRANI 6:18

Sabap ri Aki Kapuuno' kalo mapandai magabau, bantu' am ibot Nano kalo maalap kakulau. Intor raginio itakau ondo' nakialung Riso, maikang kalansanan takau ra bantu' Nano suguton No.

1 PITRUS 3:12

Sabap ra Tuhan masalok magalung ra ulun ondo' sumugut ra kasagaan Nano am masalok mangkirongog ra pakiasian nilai no; kaa' gumula' Io ra ulun ondo' mambaal ra kalaatan.”