MAZMUR 33:16 - Tanou Moonsoi Timugon

¹⁶ Namanang raja' sala' ka intor ra saujor nano masuang, namanang saujor sala' ka intor ru ikang.

MAZMUR 33:16 ပူးပေါင်းရင်းမြစ်များ

1 RAJA'-RAJA' 20:10

intor ra Raja' Bingadad, “Raja' maino matong ra masuang kaga' saujor koson mamuso ra bandar mutu, saboi makapagibit ilo ra kaau intor ra nangaurus ru bandar ralalom ru kalindu' nilo. Nagibot ilo maa' raginio dewa-dewa mamatoi riso amon ru kalo mambaal io raginio!”

1 RAJA'-RAJA' 20:15

Ginio ra pampiau raja' no ra ngaangai' saujor mamulok ondo' tiningganai ru pagawai-pagawai ru libung, suang no 232 ngaulun saujor. Kopongo raginio pampiau io poyo ra saujor ru Israil am suang no 7,000 ngaulun.

2 TUNUNG RU BANSA' ISRAIL 13:8

Raino akau pana masaga' manggal ra kuasa' ondo' tinaakan ru Tuhan ra papag ru Raja' Daut. Mokoondo' kau ra saujor ondo' maayo am sinungkalalaing ru anak sapi' gawayan intor ra mas ondo' binaal ri Jirobiam koson ra dewa-dewa min.

2 TUNUNG RU BANSA' ISRAIL 20:12

Okou no i Aki Kapuuno' mai! Ukumi' noyo ilo, sabap ra kalo maikang akai manggal ra saujor maayo ondo' mamulunsar ramon. Kalo makapandai akai atan musiti' mai baalon, kaa' matong akai Rirun makiindangan.”

2 TUNUNG RU BANSA' ISRAIL 20:23

Saujor ru Amon am Moab mamulunsar ra saujor ru Idom am namuso raginio ra malingon. Kopongo raginio ilo no poyo mampapatoi ra rondo' am bokon ra moporos.

2 TUNUNG RU BANSA' ISRAIL 32:21

Nangator Tuhan ra rondo' malaikat ondo' namatoi ra saujor-saujor am pagawai-pagawai ru saujor pagun ru Asyur. Raja' ru pagun ru Asyur pana minuli' boo ra pagun nano ra nauyu' kaga'. Paat ra sangarawan, paat ra raja' ru Asyur soroi giu' ra kuil ru sinungkalalaing nano, kukula' ngaulun anak ungkuyon nano namatoi riso ra ilang.

AYUP 36:7

Sindungin No ulun ondo' mabanis guang; polosoon No ilo mamarinta koson ra raja' saboi urumaton ilo ra sabubuoi no.

AYUP 39:11

Malansanan mu kia ikang ru sapi' masigo ondo' maikang am lumansan riso mambaal ra kandoi muno ra maagat?

MAZMUR 20:8

Mokoondo' niayuk ulun malansan ra kurita' kuda nilono, mokoondo' niayuk bokon lumansan ra kuda nilono, kaa' itakau malansan ra kuasa' ru Tuhan, i Aki Kapuuno' takau.

MAZMUR 44:3

Okou galama' nanginggalar ra ngaangai' bansa' maa' raginio ulun Muno mayan ra pagun nilo galama', inurana' Mu ngaangai' bansa' ra bokon, kaa' napasauk ra ulun Muno ra langkaya'.

KAINGKUALAN 14:28

Saguli' timug no am napalinjob ra ngaangai' kurita' kuda am mapaugar no, am niayuk ngaangai' saujor ru Misir ondo' nangilou ra ulun ru Israil ra tanga' ru raat; kolondo' sangulun pana naayag.

MAMPATANOU 9:11

Mokoondo' poyo ondo' nakito ku ra tana' ti: ulun masimbul ondo' maribok kalo masalok manang, am ulun ondo' baani kalo masalok manang ralalom pangayawan. Ulun mapintar kalo masalok makaalap ra ruit, ulun mapandai kalo masalok masauk ra langkaya', am ulun ondo' maikang kalo masalok makaalap ra intok masawat kaga'. Nasip malaat lumumpa' ra moonong ulun.

JIRIMIA 48:14

Mamagun kau ru pagun Moab, kua pangkara' kau ra inan koson ra ulun tutumula', am koson ra saujor maikang ondo' kininaman ralalom ru pangayawan?

JIRIMIA 9:23

Indagu Tuhan, “Ulun mapintar kalo mamanggo sabap ra kapintaran nilo, ulun maikang kalo mamanggo sabap ra kaikangan nilo, am ulun langkaya' kalo mamanggo sabap ra kalangkayaan nilo.

GOSIA 10:13

Kaa' akau boo nantanom ra kalaatan am nangkumos ra kolondo' katimpakan. Mangakan kau kalalaat ra ampos ru abau min. “Ginio sabap ra akau malansan ra kurita' kuda min, am saujor min ondo' masuang kaga',

AMOS 2:14

Ulun masimbul ondo' maribok pana kalo makapagiru'; ulun maikang mairuan ra ikang, am ulun tutumula' kalo makabayag ra inan galama'.

AMOS 2:15

Ulun mamanah kalo tumaan, ulun masimbul ra maribok kalo makapagiru', am ulun mangura' ra kuda kalo makabayag ra inan.

JOSUA 14:12

Ginio ra pataaki' noyo intok kabuluran no raki', tana' ondo' binantu' ru Tuhan raki' paat ra orou aku am ulun nabaya' raki' nanaak ra pambalaan. Paat ragili okou galama' nokorongog ra bansa' ru maayo ulun ondo' sabiton ra Inak minayan giu' ra intok raginio ralalom ru bandar mangaayo ondo' mokoondo' ra kubu. Maaru' Tuhan mabaya' raki', am makapapagiru' risilo koson ondo' rinagu ru Tuhan.”

TINGGANAI RU BANSA' 7:2

Indagu Tuhan ri Gidion, “Masuang kaga' ulun muno. Kalo masaga' Aku manaak risilo ra kamanangan ra ulun ru Midian. Maaru' mangkara' ilo ra mamanang ilo sabap kaikangan nilo galama', saboi kalo mapatulai Raki'.

TINGGANAI RU BANSA' 7:4

Indagu boo Tuhan ri Gidion, “Lakat poyo masuang ulun muno. Ibito' ilo ra sungoi. Giu' no mampili' Aku risilo ra tayar muno. Amon mindagu Aku rirun, ‘Ulun ti musiti' mongoi mabaya' rirun,’ musiti' io mongoi. Kaa' amon ru mindagu Aku, ‘Ulun ti kalo poongoyon mabaya' rirun,’ kalo poongoyon io.”

1 SAMUIL 17:4

Sangulun ungkuyon ondo' makainggalan ri Goliat, intor ra bandar Gat, miningkual intor ra pangkiman ru Palistin koson gumula' ra ulun ru Israil. Sawat ru ulun no olo'-olo' talu ngamito.

1 SAMUIL 2:9

“Manindung Io ra kaayagan ru ulun Nano ondo' gumagaya', kaa' ulun malaat mapuso ralalom ru molondom kaga'. Ra kaikangan galama', ulun kalo makasugut.