MAZMUR 32:5 - Tanou Moonsoi Timugon

⁵ Iowon ku boo tula kuno Rirun; kalo alion ku nasalaan ondo' binaal kuli. Nalantas noyo guang kuno koson mangiou ra tula kuli Rirun, am ampunon Mu ngaangai' nasalaan kuno.

MAZMUR 32:5 ပူးပေါင်းရင်းမြစ်များ

2 SAMUIL 12:13

Kon ru Raja' Daut ri Natan, “Sotopot no natulaan aku noyo ra Tuhan.” Taam i Natan, “Nangampun noyo Tuhan no rirun, am kalo matoi kou.

2 SAMUIL 12:9

Kaa' kua anggal kou ra susuban Kuno? Kua pambaal kou ra baal malaat no? Siningon mu nompoloso ri Uria minatoi ra tatanga' ru pangayawan. Nompoloso kou ra ulun ru Amon namatoi riso, am namundus ra andu' nano!

2 SAMUIL 24:10

Kaa' kalupus nanguntob ra ulun no, makaliman Raja' Daut ra makasala. Kono boo ra Tuhan, “Iou Tuhan, natulaan aku toojo! Ampuno' aku, sabap ra binaal kuno sasambungon kaga'.”

2 SAMUIL 24:17

Nakito ru Raja' Daut malaikat ondo' tatanga' mamatoi ra mamagun no, kono boo ra Tuhan, “Aku noyo natulaan sabap ra nambaal aku ra kasalaan. Kaa' atan kia kasalaan ru bansa' ondo' makaasi'-asi' no? Ukumi' noyo aku am sasambaloi kuno!”

1 RAJA'-RAJA' 8:50

Ampuno' noyo ngaangai' tula am guor nilo Rirun, am baalo' pantula' nilono makaasi' risilo.

2 TUNUNG RU BANSA' ISRAIL 6:29

rongogo' noyo pakiasian nilo. Amon mokoondo' ulun ra gino ngai' ru ulun Muno Israil, mabaya' ra guang mangiluk kakaton kalindu' am makiasi' Rirun liliwa' tumingkuang ra Baloi ti,

IJRA 10:11

Ginio boo sabap ra iowo' noyo tula mino ra saang ru Tuhan, i Aki Kapuuno' ru kinamatuaan min am baalo' noyo atan ondo' makabansuk ra guang Nano. Inggalur kau intor ra ulun ru bansa' ra bokon ondo' minayan ra pagun takau, am pagiruo' ngaangai' andu' min ondo' bansa' ra bokon no.”

AYUP 31:33

Ulun ra bokon kuminam mampasibuni ra tula, kaa' kalo tumilu aku koson risilo.

AYUP 33:27

Giu' boo ra saang ru ulun masuang mindagu io, ‘Makatula aku noyo. Makasala aku noyo, kaa' mangampun i Aki Kapuuno' raki'.

MAZMUR 103:12

Koson ra kinaalur ru sirangon intor ra kalasaan, kinaalur raginio niayuk tula takano patirin No.

MAZMUR 103:3

Inampun No ngaangai' tula kuno, am namabas ra nansalinut maruol kuno;

MAZMUR 25:16

Kailio' aku, iou Tuhan, am pakaasi' no raki', sabap ra aku misasangulun am malawo.

MAZMUR 25:18

Guango' noyo nansalinut pagon am imbolo' kuno am ampuno' noyo nansalinut tula kuno.

MAZMUR 30:5

Rimbayo' pangamparan ra Tuhan, akau ulun Nano ondo' gumagaya'! Karaa' noyo atan ondo' binaal ru Io Ondo' Matulai Kaga' am maringkuanang Riso!

MAZMUR 38:18

Mamaar aku po karatu', am magail ayuk marualan.

MAZMUR 38:19

Iowon ku tula kuno; magalabo guang kuno ra nasalaan kuno.

MAZMUR 51:6

Natulaan aku Rirun – Okou ayuk, am nambaal aku ra baal-baal ondo' karaan Mu ra malaat. Motopot nangakiman Muno raki'; natimpok noyo ra Okou nangukum raki'.

MAZMUR 86:15

Kaa' Okou, iou Tuhan, i Aki Kapuuno' monogom am malubatan, masalok moorot guang, moonsoi am gumagaya'.

MAZMUR 86:5

Iou Tuhan, Okou no moonsoi am masaga' mangampun ra ulun, tagamin Mu ilo ondo' makiasi' Rirun.

AMSAL 28:13

Osoi mangali' ra tula nano kolondo' ampos ru kaayagan nano. Osoi mangakun am mangiruan ra tula nano, tagamin ri Aki Kapuuno'.

AMSAL 30:20

Gitio noyo binaal ru sangulun andu' ondo' kalo gumagaya': Lumapau io, am mariu'. Kopongo raginio mindagu io, “Kolondo' atan-atan binaal kuno ondo' makasala!”

JISAYA 65:24

Ra kalo poyo mopongo ilo makiasi', iniou Ku noyo pakiasian nilono.

JIRIMIA 2:23

Ati kulaan kia okou mindagu ra kalo majamol kou, am ra okou kalo igondo' samba ra sinungkalalaing Baal? Ilai' ga binaal muno giu' ra limayak; makatula kou ra giu' no. Koson kou ra unta masigo ondo' makipaa', ondo' nagisimbul ra giu' am giti, kalo mororo',

JIRIMIA 2:35

lakat poyo mindagu kau, ‘Kolondo' sala kuno; maaru' kalo boo sumangit Tuhan raki'.’ Kaa' Aku, Tuhan mangukum ramuyun sabap ra marara' kau mangiou ra tula min.

JIRIMIA 3:13

Pangiou ayuk ra okou makasala am giminuor ra Tuhan, i Aki Kapuuno' muno. Pangiou no ra giu' ra moonong saau ru puun tataun masansam pinataak mu togom muno ra tuhan-tuhan ru bansa' bokon, am kalo giminagaya' ra susuban Kuno. Aku, Tuhan nakaindagu noyo.”

JIRIMIA 31:20

Okou Israil, okou anak togom Kuno, anak katagaman toojo, uyayaan Kuno. Moonong Aku mompololob rirun, karaan Tokou mabaya' ra ondom. Tagamin Tokou; makaasi' Aku.

GOSIA 6:1

Indagu ulun ru Israil, “Ibok saguli' takano ra Tuhan. Namparuol Io ritakau, kaa' maaru' mamabas Io poyo ritakau. Namilat Io ritakau, kaa' maaru' bongkoson No pilat-pilat takau.

IMAMAT 5:5

Paat makasala sasangulun, musiti' io mangiou ra tula nano.

MALIAKI 3:8

Raino kuatin Takamin, ‘Maruung kia ru ulun i Aki Kapuuno'?’ Maaru' kalo. Kaa' namparuung kau niayuk Raki'. Nangkuot kau, ‘Ati kulaan?’ Taam Aku, ‘Ralalom ru baal mangani' ra sampiopor am papataakan.’

LUKAS 16:15

Indagu i Jisus risilo, “Paliso mino koson moonsoi ayuk ra pagilangan ru ulun, kaa' suang ru guang mino napandayan ri Aki Kapuuno'. Atan ondo' kinara' ru ulun ra mokologo, kolondo' logo ra pagilangan ri Aki Kapuuno'.

LUKAS 7:47

Togom no topot-topot maayo sabap ra inampun io noyo kabalu' pana masuang tula nano! Amon ru sanganu ayuk tula ru ulun no ampunon, togom nano pana kalo maayo.”

IPISUS 4:32

Kaa' kataau am koonsoyo' noyo guang mino ra sangulun am bokon, am ampuno' noyo rondo' am bokon, mogondo' ri Aki Kapuuno' nangampun ramuyun ralalom ri Kristus.

JOSUA 7:19

Indagu i Josua riso, “Okou anak kuno, raguo' noyo ra motopot ra saang ru Tuhan i Aki Kapuuno' ru Israil am pangiou noyo. Raino pambala' raki' ra atan binaal muno. Pai' bunio' baal raginio intor raki'.”