MAZMUR 32:11 - Tanou Moonsoi Timugon

¹¹ Pakaansuk kano, akau ulun ra motopot, sabap ra ngaangai' ondo' binaal ru Tuhan. Pagilakup am pakaansuk no, akau ngaangai' ulun mabanis guang.

MAZMUR 32:11 ပူးပေါင်းရင်းမြစ်များ

MAZMUR 125:4

Iou Tuhan, koonsoi no ra ulun moonsoi, ra ulun ondo' sumugut ra panusuban Muno.

MAZMUR 32:2

Pakaansuk noyo ulun ondo' kalo inuwan ru Tuhan sabap ra kalaatan nilono, am ondo' kalo masaga' mamparuung.

MAZMUR 33:1

Akau ulun ra motopot, pagilakup no ra maansukan sabap ra atan ondo' binaal ru Tuhan; omporo' noyo Io, akau ngaangai' ulun ondo' gumagaya' Riso!

MAZMUR 5:11

Ukumi' noyo ilo, iou Aki Kapuuno'; polosoo' ilo malumaagan sabap ra ilo galama' nampaguang. Pagiruo' ilo no sabap ra tula nilono masuang kaga' am niayuk giminuor ilo no Rirun.

MAZMUR 64:10

Mangalaa' ilo; malaa' ilo ra guangon ri Aki Kapuuno' am potonowon nilo atan ondo' binaal Nano.

MAZMUR 68:3

Inggalarin ilo ri Aki Kapuuno' koson ra lisun siniob ru angin; ulun malaat maimbolo' ra saang ri Aki Kapuuno' koson ra dian lumuu' ra apui.

MAZMUR 7:10

Polonggoo' noyo kalaatan ru ulun maanggal-anggal, am anii' noyo ulun moonsoi ra timbalos moonsoi, sabap ra Okou no i Aki Kapuuno' ondo' matimpok, malimanan Mu suang ru guang am pangkaraan ru ulun.

MAZMUR 97:1

Tuhan noyo raja'! Okou tana' ti, pakaansuk no! Akau pulu'-pulu' ru raat, pakaansuk no!

MAZMUR 97:12

Pakaansuk no, akau ngaangai' ondo' mabanis guang, sabap ra atan ondo' binaal ru Tuhan. Karaa' noyo binaal ri Aki Kapuuno' ondo' matulai, am paringkuanang no Riso.

MAZMUR 98:4

Akau titikop ru tana' ti, rimbayi' noyo Tuhan ralalom bansuk ru guang; omporo' Io no ra rimbai am indii!

JAKARIA 4:7

Ompong maayo koson ra gunung pana inggion intor ra saang muno. Baalon mu sagulio' Baloi Kuno, am paat ra okou napabanta' ra batu ondo' pupus toojo ra intok nano, ulun gumolok, ‘Mapara' boo bonsoi no!’ ”

ROMA 5:11

Sala' ka ginio ayuk, kaa' maansukan takau poyo ri Aki Kapuuno' ralalom ri Jisus Kristus Tuhan takau, ondo' raino magibit ritakau mabubukat ri Aki Kapuuno'.

SAGULION 12:12

Pakaansuk noyo ra saang ru Tuhan giu' ra intok raginio, mabaya' ra anak-anak mino, ulipon-ulipon mino, am ulun ru Liwi ondo' minayan ra bandar-bandar mino. Karaa' noyo ra ulun ru Liwi kolondo' tana' nilo galama'.

PILIPI 3:1

Pabukat kau, koson ra mamupus; pakaansuk kano sabap ra nakasimpung kau noyo ra Tuhan. Kalo niayuk mantipagon raki' amon ru sagulion ku poyo atan ondo' tinulisan ku noyo ramuyun i, sabap raginio mapasingkot poyo ramuyun.

PILIPI 3:3

Sotopot no itakau noyo ondo' makaulig ri Aki Kapuuno' sala' ka ilo, sabap ra itakau ti ondo' sumamba ri Aki Kapuuno' maya' ra indangan ru Ambiluo Nano galama'. Am itakau niayuk maringkuanang sabap ra nakasimpung noyo ri Jisus Kristus. Intor raginio kalo boo malansan takau ra kaulayan ondo' binaal ayuk ru ulun.

PILIPI 4:4

Gama' ru masalok kau makaansuk sumimpung ra Tuhan. Sagulion ku poyo; pakaansuk kano!

1 SAMUIL 2:1

Kopongo raginio pakiasi' i Ana, “Napakaansuk Tuhan no ra guang kutu; mapara' boo bansuk kutu, sabap ra atan ondo' binaal Nano raki'. Raino kuritin ku pantula' kuno; mapara' boo bansuk kuno sabap ra nangindangan noyo i Aki Kapuuno' no raki'.