MAZMUR 31:24 - Tanou Moonsoi Timugon

²⁴ Tagami' noyo Tuhan, akau ngaangai' ru ulun Nano ondo' gumagaya'. Tuhan manindung ra ulun ondo' gumagaya', kaa' mangukum ra ulun malilimbau.

MAZMUR 31:24 ပူးပေါင်းရင်းမြစ်များ

2 TUNUNG RU BANSA' ISRAIL 34:31

Minigor raja' giu' ra sapapa' ru lugu' ondo' timpokon ra raja', am nambaal ra nabantuan ra Tuhan ra gumagaya' io Riso, am sumugut ra ukum am niayuk susuban Nano ra sotopot ru guang am salibuor, am niayuk maya' ra ngaangai' rinagu ra nabantuan ondo' tinulisan giu' ra ralalom ru kitab no.

ESTER 6:10

Kopongo raginio indagu raja' ri Gaman, “Ribaki' noyo! Alapo' bayang am kuda kuno, am anii' ngaangai' pangurumatan no ri Mordikai ulun ru Jaudi no. Baalo' noyo riso ngaangai' ondo' inatang muno, ra kalo mangiruru' rondo' pana. Tatanga' io manturung giu' ra saang ru kulobon garabang istana.”

MAZMUR 138:3

Taamon Mu aku bulintok ra aku mampiau Rirun; kinaikang Mu aku saboi aku baani.

MAZMUR 146:5

Pakaansuk noyo ulun ondo' inindangan ri Aki Kapuuno' ri Jakub no, am ondo' lumansan ra Tuhan, i Aki Kapuuno' nano;

MAZMUR 27:14

Pagiimansan kano ra Tuhan! Pangintopot kano Riso am pai' kalawo. Iou, pagiimansan kano ra Tuhan!

MAZMUR 29:11

Kaikangon ru Tuhan ulun Nano, am barakaton No ilo ra ralalom ru kaansayan.

SAGULION 6:5

Tagami' noyo Tuhan i Aki Kapuuno' min ra sotopot-topot ru guang: Pakitono' noyo togom no ralalom baal ru bayag am baalon mino.

KOLOSI 1:11

Gama' ru kuasa' ri Aki Kapuuno' ondo' kolondo' pogondo' mampaikang ramuyun saboi mataan kau ra atan ayuk masauk no mabaya' ra kaansayan am kalo malawo guang min.

1 PITRUS 1:21

Mansail Riso ti noyo makapangintopot kau ri Aki Kapuuno'. Io no ondo' namayag saguli' ri Kristus intor ra kapatayan am nangurumat boo Riso. Ginio ri Aki Kapuuno' ti boo puun ru pangintapatan am kalansanan min.