MAZMUR 31:2 - Tanou Moonsoi Timugon

² Sumindung aku Rirun, iou Tuhan, pai' aku polosoo' tauyuon. Okou i Aki Kapuuno' ra matimpok; bayago' aku no.

MAZMUR 31:2 ပူးပေါင်းရင်းမြစ်များ

2 SAMUIL 22:3

I Aki Kapuuno' kuno intok sindungan kuno, maayag aku mabaya' Riso. Manindung Io raki' koson ra perisai; manaung am magalung Io raki' maa' raginio maayag aku. Io mamamayag kuno; Io manindung raki' am mamayag raki' intor ra kalaatan.

AYUP 7:21

Kalo kia ampunon Mu tula kuno? Kalo kia ampunon Mu sala kuno? Kalo boo mabuoi paribontoi aku giu' ra lobong, am kalio aku boo paat ra Okou maguyum raki'.

MAZMUR 102:2

Rongogo' noyo pakiasian kuno, iou Tuhan, rongogo' noyo pampiawan kuno makiindangan.

MAZMUR 130:2

Iou Tuhan, rongogo' noyo sinulabit kutu, rongogo' noyo pampiawan kutu makiindangan.

MAZMUR 143:7

Taamo' aku mataki', iou Tuhan, malawo guang kuno. Pai' pansibuni intor raki', maa' raginio kalo masauk aku koson ra ulun nakatuun noyo ra intok kapatayan.

MAZMUR 25:2

Iou Aki Kapuuno' kuno, mangintopot aku Rirun. Pai' aku polosoo' tauyuon; pai' polosoo' pantula' kuno magasab raki'.

MAZMUR 40:17

Gama' ru ngaangai' ulun ondo' rumatong Rirun maansukan am maantak guang! Gama' ru maringkuanang ilo ra pamayagan Muno masalok mindagu, “Matulai kaga' Tuhan no!”

MAZMUR 62:7

Io ayuk manindung raki' am mamamayag raki'; Io noyo manungka' raki' am kolondo' makapangala raki'.

MAZMUR 69:17

Iowo' noyo pakiasian kuno, iou Tuhan, sabap ra Okou moonsoi am magulayun monogom; ra asi' Muno ondo' maayo, kailio' aku no!

MAZMUR 7:2

Iou Tuhan, i Aki Kapuuno' kuno, sumindung aku Rirun; bayago' am palabuso' aku no intor ra ngaangai' ulun ondo' mangasu raki' no.

MAZMUR 79:1

Mazmur ri Asap. Iou Aki Kapuuno', ulun ondo' kalo makaulig Rirun minayan ra tana' Muno. Jinamol nilo Baloi Muno ondo' matulai am manuyas ra Jirusalim.

MAZMUR 86:1

Pakiasian ri Daut Rongogo' pampiawan kuno, iou Tuhan, am iowo' pakiasian kuno, sabap ra malawo aku am kolondo' lulu'.

MAZMUR 90:1

Pakiasian ri Musa, ulipon ri Aki Kapuuno'. Iou Tuhan, Okou noyo intok mai sumindung, saboi ra sabuoi-buoi no.

MAZMUR 91:9

Saukon mu Tuhan ra manunungka' rirun, Ondo' Masawat Kaga' no manindung rirun,

MAZMUR 94:22

Kaa' Tuhan manungka' raki'; i Aki Kapuuno' kuno manindung raki'.

AMSAL 22:17

Rongogo' noyo, ilaan takamin ra pinson ru ulun mapintar. Guango' pangilaan nilo.

JISAYA 33:16

Koson raginio boo maalap kau kabayag, masindungan kau koson giu' kau ra kubu ondo' mapiot. Makaalap kau ra akanon am inumon.

LUKAS 18:8

Balain takamin, salasayon niayuk ri Aki Kapuuno' ra mataki'! Kaa' paat ra Anak ru Ulun no matong, mokoondo' kia ulun mangintopot Riso?”

JUANIS 6:56

Osoi ayuk mangakan ra inan Kutu am manginum ra raraa' Kutu, sumoroi io Raki' am Aku pana sumoroi riso.

SAGULION 32:31

Nakapandai pantula' ru Israil ra mangampin risilo malawo, kalo mapanggol koson ri Aki Kapuuno', Manindung ru Israil.

1 JUANIS 4:12

Kolondo' sangulun pana nakakito ri Aki Kapuuno'. Kaa' amon ru motogom takau ra rondo' am bokon, sumimpung i Aki Kapuuno' ritakau am togom Nano tumilayun ritakau.