MAZMUR 30:6 - Tanou Moonsoi Timugon

⁶ Sangit Nano sangkinolor ayuk, kaa' bonsoi Nano saboi ru painawo. Lomou magu' tumilis paat ra molondom, kaa' tumawang magibit ra kaansukan.

MAZMUR 30:6 ပူးပေါင်းရင်းမြစ်များ

MAZMUR 10:6

Mindagu ilo ralalom ru guang, “Kalo lumuku akai; kalo mokoowot akai ra kapaganan.”

MAZMUR 119:117

Indangano' aku no, am maayag aku, am masalok mampaguang ra panusuban Muno.

MAZMUR 126:6

Ulun ondo' mapatias ra sampug ra umo nano liliwa' pooposok lomou nano, muli' io magibit ra ampos ru tatanom liliwa' marimbai ra maansukan.

MAZMUR 15:5

ondo' mapaira' ra ruit ra kolondo' bunga' am kalo mangapu ra ruit pangambi' koson manguu' ra ulun kolondo' sala. Ulun ondo' mambaal koson raginio kalinuos no ayuk.

MAZMUR 16:8

Malimanan ku ra Tuhan matong; soroi Kou minggaar raki', kolondo' rondo' pana makauyog raki'.

JISAYA 47:7

Indoson muno mantilayun kou masauk ra ralaa mantalur, am kalo makatutun kapoam mangkara' ra pupus no.

JISAYA 54:7

“Sangkinolor ayuk buoi Aku nanatang rirun; ralalom ru togom maayo okou alapon Ku saguli'.

JISAYA 56:12

Mindagu ilo gagaukon no, ‘Pagiginum takau ra wain ra kasuang-suang! Susuab no moonsoi poyo ka raiti'.’ ”

DANIL 4:30

indagu raja', “Ilai', mapara' gayo ru bandar Babil! Binaal ku ginio koson ra pusor bandar kuno koson mapainono' ra kuasa' am kinaayo kuno, katulayan am niayuk kinaikang kuno.”

LUKAS 12:19

Kopongo raginio bagu mampaguang aku, pakaansuk no! Masuang toojo kuliamos kuno ondo' sama' saboi kukula' ngambilor. Matasu' aku boo! Pangakan, panginum, am pakaansuk no!’

2 KORINTUS 12:7

Kaa' maa' raginio kalo minsawat guang kutu sabap ra kinibit ru papakitanan ondo' makaimuag, inanian aku ra rondo' maruol ra inan kutu. Mansail ra maruol ti magail aku imboloon ru Tingganai ru riwato, maa' raginio kalo boo minsawat guang kutu.