MAZMUR 30:5 - Tanou Moonsoi Timugon

⁵ Rimbayo' pangamparan ra Tuhan, akau ulun Nano ondo' gumagaya'! Karaa' noyo atan ondo' binaal ru Io Ondo' Matulai Kaga' am maringkuanang Riso!

MAZMUR 30:5 ပူးပေါင်းရင်းမြစ်များ

KASAUKAN 32:24

Kaa' io galama' timinatang. Ratong boo sangulun ungkuyon giminabu' riso saboi natawangan.

MAZMUR 103:17

Kaa' Tuhan magulayun monogom ra ulun ondo' mangurumat Riso, am kaansayan Nano soroi saboi ra sabuoi-buoi no,

MAZMUR 103:9

Kalo masalok Io sumangit, am kalo masalok Io mansuli'.

MAZMUR 143:8

Pogonong susuab ti pakaraa' aku ra togom Muno, sabap ra malansan aku Rirun. Makiasi' aku Rirun; tului' aku ra ralan ondo' musiti' kuno bayaan.

MAZMUR 145:10

Ngaangai' ilo ondo' maayag ra binaal Muno mongompor Rirun, iou Tuhan, am ngaangai' ulun Muno maringkuanang Rirun.

MAZMUR 16:11

Tinuluan Mu aku ra ralan kaayagan; rinatangan Muno mapakaantak raki', am magail ayuk mapabansuk raki'.

MAZMUR 46:5

Mokoondo' santaun sungoi ondo' mapabansuk ra bandar ri Aki Kapuuno', intokon ri Aki Kapuuno' Ondo' Masawat Kaga'.

MAZMUR 47:7

Omporo' noyo i Aki Kapuuno' no ra rimbai; omporo' noyo Raja' takano ra rimbai!

MAZMUR 59:16

Kumasisilot ilo maguyum ra akanon, am maguang ilo amon kalo maasug.

MAZMUR 63:3

Iowo' aku magilong Rirun ra Baloi Muno, am niayuk magilong ra kuasa' am katulayan Muno.

MAZMUR 97:12

Pakaansuk no, akau ngaangai' ondo' mabanis guang, sabap ra atan ondo' binaal ru Tuhan. Karaa' noyo binaal ri Aki Kapuuno' ondo' matulai, am paringkuanang no Riso.

KAINGKUALAN 3:15

Balai' ulun ru Israil ra AKU, Tuhan i Aki Kapuuno' ru kinamatuaan nilai, i Aki Kapuuno' ri Abragam, ri Isak am ri Jakub, nanusub noyo rirun mongoi risilo. Ginio noyo inggalan Kuno ra sabuoi-buoi no. Ginio noyo panabitan Raki' ru ngaangai' papag ra orou matong.

JISAYA 12:1

Masuku' niayuk orou bulintok ra akau marimbai, “Tuhan, maringkuanang aku Rirun, sabap Okou napakaansuk raki'. Galing i sumangit Kou raki', kaa' ragino masalui noyo guang Muno.

JISAYA 26:20

Subol kano ra baloi mino, akau bansa' kuno, am angabi' kulobon. Pansibuni sangkinolor, saboi sangit ru Tuhan luminos.

GOSIA 6:3

Ibok pirot takano koson mulig ra Tuhan. Maaru' matong Io ritakau koson ra orou tumawang, am koson ra rasam ondo' mamasa' ra tana' ti bulintok ra mambusak.”

MATIUS 5:4

Pakaansuk noyo ulun ondo' manulaboi, sabap ra bansukon ilo ri Aki Kapuuno'.

2 KORINTUS 4:17

Kapaganan ra kalo maaja' ondo' mailian mai ra sangkinolor ti, magibit ramon ra katulayan mantilayun ondo' maayo poyo toojo intor ra ngaangai' ru kapaganan mai ti.

PINAINTALANG 22:1

Malaikat no niayuk nanulu' raki' ra sungoi ondo' mampakaayag. Sungoi no manguliat koson ra kristal am mugar intor ra takhta ri Aki Kapuuno' am Anak Domba no ra tatanga' ralan ru bandar no. Sapapa'-mansapapa' ra kiing ru sungoi no, mokoondo' puun ru mampakaayag ondo' mangkawa' inggopor am ruo sambilor, ioginio igondo' sambulan. Raun nano alapon pamabas ra bansa'-bansa'.

PINAINTALANG 22:17

Ambiluo ri Aki Kapuuno' am Ruandu' Uoton ru Anak Domba mindagu, “Ibok no.” Moonong ulun ondo' mangining ragitio musiti' mindagu, “Ibok no.” Osoi ayuk pinaason am osoi ayuk masaga', ibok am apuo' noyo timug ondo' mampakaayag ra kalo kilagain.