MAZMUR 30:2 - Tanou Moonsoi Timugon

² Mongompor aku Rirun, iou Tuhan, sabap ra Okou namayag raki' am kalo mopoloso ra pantula' kuno mangiis raki'.

MAZMUR 30:2 ပူးပေါင်းရင်းမြစ်များ

KASAUKAN 20:17

Sabap ra ondo' nasauk ri Sara, andu' ri Abragam, binaal ru Tuhan ra tabanang moonong ruandu' ra istana ri Abimilik. Pakiasi' boo i Abragam ri Aki Kapuuno', am babaso' ri Aki Kapuuno' i Abimilik, andu' nano am ngaangai' ulipon ra ruandu' saboi maganak ilo poyo.

2 RAJA'-RAJA' 20:5

sumaguli' ra Raja' Gijkia, raja' ru ulun ru Tuhan. Napasaboi i Jisaya ra ragu ti riso, “Koon ragitio ragu ru Tuhan, i Aki Kapuuno' ru kinamatuaan ru raja' Daut, ‘Norongog Ku noyo pakiasian muno. Nakito Ku lomou muno. Namabas Aku no rirun am buoi talu ngoorou mongoi kou ra Baloi ru Tuhan.

MAZMUR 118:18

Maagat pinangukum Nano raki', kaa' kalo polosoon No aku matoi.

MAZMUR 145:1

Rimbai pangamparan ri Daut. Anggakon Tokou, iou Aki Kapuuno' am Raja' kuno; am mongompor aku Rirun ra sabuoi-buoi no.

MAZMUR 147:3

Namali' Io ra guang ru ulun ondo' nagagai guang, am tinapisan No pilat nilono.

MAZMUR 35:24

Saungo' aku no sabap ra Okou noyo matimpok, iou Tuhan, pai' polosoo' pantula' kuno makakurit raki'.

MAZMUR 41:12

Aku pana makapandai ra Okou mangiou raki', sabap ra pantula' kuno kalo makapangala raki'.

MAZMUR 51:8

Kasaga' Muno kabanisan ru guang; totopo' guang kuno ra kapintaran Muno.

MAZMUR 6:2

Iou Tuhan, pai' aku no sangiti' paat ra Okou sumangit! Pai' aku ukumi' paat ra Okou sumangit!

MAZMUR 88:13

Makito kia kaimuagan Muno ra intok molondom no, kapoam makito kia kinoonsoi Muno giu' ra pagun ondo' linilianan noyo ru ulun?

KAINGKUALAN 15:26

Indagu Io, “Amon ru totopot kau gumagaya' Raki', Tuhan i Aki Kapuuno' mino, am mambaal ra ngaangai' atan ondo' motopot ra pagilayan Kuno, am niayuk sumugut ra ngaangai' susuban Kuno, kalo mangukum Aku ramuyun ra maruol ondo' pinatiu' Kuno ra ulun ru Misir. Aku noyo Tuhan ondo' mamabas ramuyun.”