MAZMUR 29:11 - Tanou Moonsoi Timugon

¹¹ Kaikangon ru Tuhan ulun Nano, am barakaton No ilo ra ralalom ru kaansayan.

MAZMUR 29:11 ပူးပေါင်းရင်းမြစ်များ

MAZMUR 138:3

Taamon Mu aku bulintok ra aku mampiau Rirun; kinaikang Mu aku saboi aku baani.

MAZMUR 37:11

Ulun ondo' minggana' guang makatungkus ra pagun ti, am makasia' ra kalangkayaan ondo' lumuab-luab.

MAZMUR 68:35

Apuo' noyo kuasa' ri Aki Kapuuno'; titikop ru Israil Io namarinta, makito kuasa' Nano giu' ra limbowon.

MAZMUR 72:3

Gama' ru pagun ragitio lumangkaya', am makaliman ra katimpakan.

MAZMUR 72:7

Gama' ru katimpakan makatanou ra buoi ru raja' maayag, am kinalangkayaan mantilayun buoi sinda ru bulan.

MAZMUR 84:7

Liliwa' nilo minugar ra lampam Baka ondo' napua', lampam raginio pana makataur boo ru timug; rasam lair namanu' ra kulam-kulam nano.

MAZMUR 85:10

Ulun ra mangurumat Riso no maaru' bayagon No, maa' raginio i Aki Kapuuno' ondo' matulai kaga' mayan ra pagun takau.

MAZMUR 85:8

Paintalango' noyo katagaman Muno ramon, indangano' noyo am bayago' akai no, iou Tuhan.

JISAYA 26:12

Iou Tuhan, pinasauk Mu akai ra langkaya'; ngaangai' naalap maino ampos intor ra nangindanganan Mu ramon.

JISAYA 40:29

Paikangon No ulun ra lamumu', am manaak ra kaikangan ru ulun ondo' lamuoi.

JISAYA 40:31

Kaa' ulun ondo' lumansan ra Tuhan, mokoowot ra kaikangan bagu. Ilo koson ra susuit kanui, ondo' minsawat pansiab ralalom kaikangan ru kawo nano. Masimbul ilo am kalo maagui; mugar ilo am kalo lumami'.

JISAYA 41:10

Pai' kalaa' sabap ra Aku minaya' ramuyun. Pai' pagalabo sabap Aku i Aki Kapuuno' min. Paikangon am indanganon Takamin; sindungin am bayagon Takamin.

JAKARIA 10:12

Kaikangon Ku ulun Kuno; sumambayang ilo am gumagaya' Raki'.” Tuhan nakaindagu noyo.

JAKARIA 10:6

Kaikangon Ku mamagun ru Jiuda; mamayag Aku ra mamagun ru Israil. Makaasi' Aku risilo am magibit risilo ngaangai' muli'. Pamakuan Kuno risilo ilain koson ayuk ra ilo kalo igondo' Ku impayi'. Aku noyo Tuhan, i Aki Kapuuno' nilo; iowon Ku pakiasian nilo.

JUANIS 14:27

Kaansayan patatangon Kuno ramuyun; kaansayan Kuno galama' pataakon Ku ramuyun. Kaansayan Kuno sala' ka koson ra kaansayan ondo' taakin ru tana' ti. Ginio ra pai' kano pagalabo kapoam kalaa'.

JUANIS 16:33

Ngaangai' ti pinabala' Ku ramuyun, maa' raginio makakaansayan kau sabap ra masimpung kau Raki'. Giti ra tana' ti maimbolo' kau, kaa' paikango' noyo guang min, sabap ra kinala Ku noyo tana' ti.”

ROMA 14:17

Sabap ra amon ru mamarinta i Aki Kapuuno' ra kaayagan ru sasangulun, akanon am inumon sala' ka boo maatang. Kaa' gitio noyo ondo' maatang; gumagaya' ra kasagaan Nano, katasuan ru guang am kaansukan, ondo' ringai' no pataakin ru Ambiluo ri Aki Kapuuno'.

1 KORINTUS 1:3

Gama' ru i Aki Kapuuno', Ama' takau, am i Jisus Kristus manaak ramuyun ra barakat am pabansayan.

IPISUS 2:17

Ginio boo i Kristus minatong am pampasaboi ra Tanou Moonsoi ondo' magibit ra pabansayan ra ngaangai' ulun; ioginio akau ulun sala' ka Jaudi, ondo' gili maalur intor ri Aki Kapuuno', am niayuk ra ulun ru Jaudi, ondo' gili mamaar ri Aki Kapuuno'.

IPISUS 3:16

Makiasi' aku Riso, ra intor ra kalangkayaan ru barakat Nano, mangani' Io ramuyun ra Ambiluo Nano, koson mampaikang ra guang mino,

2 TISALONIKA 3:16

Gama' ru Tuhan noyo galama', ondo' puun ru pabansayan, masalok manaak ramuyun ra pabansayan Nano ralalom ru ngaangai' baal. Gama' ru Tuhan mabaya' ramuyun ngai'.

2 TIMOTIUS 4:17

Kaa' Tuhan noyo ondo' nangampin raki' am nampaikang raki' saboi naalap ku mampabala' ra ngaangai' ru Tanou Moonsoi no, suku' maining boo ru ulun sala' ka Jaudi. Ginio ra pinalabus aku niayuk intor ra potoyon raan.

PINAINTALANG 1:4

Intor raki', i Juanis, posoboyon ra tulu' pasimpungan ulun Kristian giu' ra pagun ru Asia! Gama' ru aniin kau ra barakat am pabansayan ri Aki Kapuuno', ondo' soroi raino, galing i am pupus no pana. Am intor ra tulu' ambiluo ondo' soroi ra saang ru takhta Nano.