MAZMUR 28:9 - Tanou Moonsoi Timugon

⁹ Iou Tuhan, bayago' noyo ulun Muno, am barakati' ilo no ondo' masauk ra longgom Muno. Sauk no koson ra magagalung risilo, am alungi' ilo ra sabuoi-buoi no.

MAZMUR 28:9 ပူးပေါင်းရင်းမြစ်များ

2 SAMUIL 21:3

Ginio ra pampiau Raja' Daut ra ulun ru Gibion am pangkuot risilo, “Atan kia maalap ku kabaal ramuyun? Masaga' aku mamuli' ra kasalaan ondo' binaal ramuyun, maa' raginio barakaton min ulun ru Tuhan.”

2 SAMUIL 7:7

Buoi ru pangkiralanan Kuno mabaya' ra ulun ru Israil, kalo igondo' aku pangkuot ra osoi pana tingganai ondo' pinili' Kuno, atan sabap no ilo kalo nambaal Raki' ra baloi intor ra tataun sidar.’

1 RAJA'-RAJA' 8:51

Ilo ulun Muno galama', ondo' inibit Muno miningkual intor ra Misir, intok nilo inimbolo'.

1 RAJA'-RAJA' 8:53

Nampili' Kou risilo intor ra ngaangai' bansa' koson masauk ra ulun Muno galama'; ginio noyo ragu Muno risilo mansail ra ulipon Muno i Musa, paat ra Okou nagibit ra kinamatuaan maili miningkual intor ra Misir.”

IJRA 1:4

Amon ru mokoondo' sasangulun intor ra ulun Nano giti ra intok pamatiran ti ondo' gumogot ra indangan koson ra muli', pasambalayan nano musiti' mangindangan. Musiti' ilo mangani' riso ra pirok am mas, lutu' koson pangkiralanan am niayuk bibiag koson magaut ra kuliamos, am niayuk taak koson ra Baloi ru Tuhan giu' ra Jirusalim.”

MAZMUR 14:7

Gama' ru pamayagan ra Israil matong intor ra Sion! Amon saukon ru Tuhan ulun Nano ra langkaya' saguli', ngaangai' ru ulun ru Israil maantak guang.

MAZMUR 25:22

Iou Aki Kapuuno', bayago' noyo ulun Muno, Israil, intor ra nansalinut kapaganan nilono.

MAZMUR 78:71

intor ra intok nano magalung ra tinambiag, am napasauk riso ra raja' ru Israil koson magalung ra ulun ri Aki Kapuuno'.

JISAYA 40:11

Alungin No ulun Nano koson ra sangulun magagalung; timungon No am kubibilon No anak-anak ru domba, am ralalom kinolomoi, aakon No indung-indung ru domba.

JISAYA 46:3

“Rongogo' Aku no, akau papag ri Jakub, akau ngaangai' ondo' ulun Kuno ra naayag. Aku nagalung ramuyun intor poyo ra akau inanak.

JISAYA 63:9

intor ra nansalinut kaimbalaan. Sala' ka ulun sinusub kapoam malaikat, kaa' Tuhan galama' namayag risilo. Ralalom ru togom am kaasian Nano binayag No ilo. Intor poyo ra galing i inalungan No ulun Nano,

JIRIMIA 10:16

Aki Kapuuno' ri Jakub sala' ka koson ra sinungkalalaing raginio; Io noyo namangun ra ngaangai' no. Nampili' Io ra Israil nasauk ra ulun Nano. Tuhan Ondo' Maayo Kaga' Kuasa' noyo inggalan Nano.

JIRIMIA 31:7

Indagu Tuhan, “Parimbai no ra maansukan ra tayar ru Israil, bansa' ondo' kasaa' ra gino ngai' ru bansa'. Parimbai no ra rimbai mongompor, ‘Binayag ru Tuhan ulun Nano; binayag No ngaangai' ulun ondo' lakat poyo natatang.’

MIKA 5:2

Ginio ra nompoloso Tuhan ra ulun Nano kinuasa' ru pantula' saboi ruandu' ondo' maganak no makapaganak ra anak ungkuyon nano. Kopongo raginio ulun ralalom pamatiran tumimung saguli' mabaya' ra bansa' nilo.

MIKA 5:4

am mamparatong io ra kaansayan. Paat ra ulun ru Asyur namulunsar ra pagun takau am namandak ra pangampin takau, nanusub takau ra tingganai-tingganai ondo' maikang kaga' koson gumula' risilo.

MIKA 7:14

Iou Tuhan, alungi' noyo ulun Muno, ulun ondo' pinili' Muno. Kabalu' pana maalur inayanan nilo giu' ra tana' kaagisan, mokoondo' niayuk tana' ondo' malabung ra liliut nilo. Polosoo' noyo ilo makaalap ra akanon giu' ra padang-padang sakot ru Basan am Giliad, koson ondo' binaal nilo ra galing i.

MATIUS 2:6

‘Okou noyo Bitligim, pekan maatang kaga' intor ra ngaangai' pekan giti ra Judia; intor rirun matong sangulun tingganai ondo' maningganai ra ulun Kuno Israil.’ ”

IPISUS 1:18

Gitio poyo pakiasian kutu ra maalap min kakito sinda Nano, am makapandai kau ra kalansanan ondo' pinataak Nano ra Io nampiau ramuyun. Am poyo ra makapandai kau ra mumpara' boo barakat ondo' kolondo' pogondo' no, ioginio bantu' Nano ra ulun mangintopot Riso.

SAGULION 1:31

am giu' ra tana' kaagisan. Nakakito kau noyo Riso naningganai ramuyun ra matanda' buoi ra pangkiralanan mongoi ra intok ragitio, koson ra sangulun ama' nagiba' ra anak nano.’

SAGULION 32:9

kaa' papag ri Jakub pinili' ru Tuhan tayar Nano galama'.

SAGULION 9:26

Aku pana nakiasi' Riso, ‘Iou Tuhan Raja', pai' pusoo' ulun Muno, ondo' binayag Mu noyo am inibit miningkual intor ra Misir ra kaikangan am kuasa' Muno ondo' maayo.

SAGULION 9:29

Sala' ka kia ilo ti ulun ondo' pinili' Muno masauk ra ulun Muno galama'? Ilo noyo ondo' inibit Muno miningkual intor ra Misir ra kuasa' am kaikangan Muno ondo' maayo.’ ”