MAZMUR 28:7 - Tanou Moonsoi Timugon

⁷ Tuhan no manindung am manungka' raki'; mangintopot aku Riso. Mangindangan Io raki' am mapabansuk ra guang kuno; omporon ku Io ra rimbai paringkuanangan.

MAZMUR 28:7 ပူးပေါင်းရင်းမြစ်များ

KASAUKAN 15:1

Kopongo raginio, nakakito i Abram ra minintalang am nakaining ra ragu ru Tuhan, “Pai' kalaa' Abram, mangampin Aku rirun intor ra makalalaa' am mangani' rirun ra taak maayo.”

MAZMUR 13:5

Pai' polosoo' pantula' kuno mindagu ra nangala ilo raki'. Pai' polosoo' ra ilo magasab raki'.

MAZMUR 13:6

Kaa' sumingkayut aku ayuk ra togom Muno ra mantilayun; maansukan aku sabap ra Okou namayag raki'. Rimbayin ku Tuhan, sabap ra moonsoi Io raki'.

MAZMUR 19:14

Palabuso' aku niayuk intor ra tula ondo' siningon; pai' polosoo' ra aku kuasaan ru ginio. Aku pana masauk boo ra ulun kolondo' ruruko, am niayuk makalabus intor ra kasalaan maagat.

MAZMUR 21:1

Ra tingganai ru santimungan maririmbai. Mazmur ri Daut.

MAZMUR 22:4

Kaa' Okou Raja' Ondo' Matulai kaga', ondo' omporon ri Israil.

MAZMUR 28:8

Tuhan manindung ra ulun Nano; manungka' Io am mamayag ra raja' tinimpok Nano.

MAZMUR 3:3

Mangalimut ilo am mindagu, “Kalo mangindangan i Aki Kapuuno' riso!”

MAZMUR 3:4

Kaa' Okou, iou Tuhan, ampin noyo ondo' manindung raki'. Manaak Kou raki' ra kamanangan am mapasaguli' ra ambiluo kuno.

MAZMUR 33:21

Io magibit ritakau ra maansukan; mangintopot takau ra inggalan Nano ondo' matulai.

MAZMUR 37:39

Ulun ra motopot bayagon ru Tuhan; sindungin No ilo paat ra kapaganan.

MAZMUR 40:3

Binunduk No aku intor ra luang ondo' makalalaa', intor ra luogon molosok. Pinatampak No aku ra batu saboi tumpang kuno maikang.

MAZMUR 43:2

Okou noyo manindung raki'; kua kia panatang Kou raki'? Kua kia tanduusi' ku magiba' ra imbolo' kinibit ru kalaatan ru pantula' kuli?

MAZMUR 46:1

Mazmur ru bansa' ri Kora. Ra tingganai santimungan maririmbai. Ra rimbai ri Alamot.

MAZMUR 46:2

I Aki Kapuuno' sindungan am kaikangan takau; masalok Io masaga' mangindangan ritakau paat ra makakapaganan.

MAZMUR 69:30

Kaa' marualan aku am lumungkang; kayango' aku no am bayago' aku no, iou Aki Kapuuno'!

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

MAZMUR 91:4

Sindungin No akau ra kawo Nano; maayag kau ralalom ru pagalungan Nano; gagaya' Nano mangampin am magalung rirun.

JISAYA 12:2

Aki Kapuuno' Mamamayag raki'; mangintopot aku Riso am kalo malaa' aku. Tuhan manaak ra kuasa' am kaikangan raki'; Io no Mamamayag raki'.

JISAYA 45:24

“Ulun-ulun mindagu, ‘Katimpakan am kaikangan intor ayuk ra Tuhan!’ Ngaangai ulun ondo' masisang Raki' matong ilo Raki' am tauyuon.

JISAYA 61:10

Jirusalim maansukan sabap ra baal ondo' binaal ru Tuhan. Baal ru Jirusalim koson ra sangulun uoton ondo' nalimpor ra kuliamos makaantak. Ginio niayuk ri Aki Kapuuno' mapapakai ra pamayagan am kamanangan ra Jirusalim.

IPISUS 6:10

Pupus no, kaikang kano ralalom pasimpungan min ra Tuhan ralalom ru kuasa' Nano ondo' maayo kaga'.

PINAINTALANG 15:3

Narimbai ilo ra rimbai ru nabi Musa, ulipon ri Aki Kapuuno' no, ondo' mongompor ra Anak Domba no, “Tuhan, i Aki Kapuuno' Maayo Kaga' Kuasa', mumpara' boo gayo am bonsoi ru binaal Muno! Raja' ru ngaangai' bansa', mumpara' boo banis am topot ru binaal Muno!

PINAINTALANG 5:9

Narimbai ilo ra rimbai bagu: “Okou no maaya' mangalap ra naskhah rinulun no am mampalungkab ra segel no, sabap ra pinatoi Kou noyo ra pinatayan Muno namayag Kou ra ulun intor ra moonong papag, ragu, bansa' am pagun, koson ilo ti pataakon ri Aki Kapuuno'.