MAZMUR 28:5 - Tanou Moonsoi Timugon

⁵ Kalo lioon nilo binaal ru Tuhan no, am niayuk ondo' sinauk Nano; ginio ra Tuhan no mangukum risilo am mamuso risilo ra sabuoi-buoi no.

MAZMUR 28:5 ပူးပေါင်းရင်းမြစ်များ

2 SAMUIL 7:13

Io noyo ondo' mambaal Raki' ra baloi, am tutunon Ku maa' raginio saboi ra sabuoi-buoi no sangulun papag nano mamarinta koson ra raja'.

2 SAMUIL 7:27

Iou Tuhan Ondo' Maayo Kaga' Kuasa', i Aki Kapuuno' ru ulun ru Israil! Baani aku makiasi' koon raginio sabap ra nambala' Kou raki' ulipon Mutu ra baal ragitio. Nambala' Kou raki' ra anak akupu kuno ra mansusunu' saukon Mu ra raja' ru bansa' ragitio.

1 RAJA'-RAJA' 11:38

Amon ru gumagaya' kou Raki' ra sotopot-topot no, maayag sumugut ra ukum Kuno, manugut ra susuban Kuno, am niayuk mapabansuk ra guang Kuno, koson ra ulipon Kuno i Daut ragili, magail Aku mabaya' Rirun. Mapasauk Aku rirun ra raja' ru Israil am manutun Aku maa' raginio papag muno maparayus ra pamarintaan muno koson ra binaal Kuno ri Daut.

MAZMUR 10:5

Ngaangai' ampos ru kalaatan maalap kogogot ru ulun malaat. Kalo makarati' ilo ra pangakiman ri Aki Kapuuno'; am mataman ilo ra ngaangai' pantula' nilono.

MAZMUR 104:24

Iou Tuhan, masuang kaga' binangun Muno! matuyu' toojo kandoi nambaalan Muno! tana' napanu' ra nansalinut ondo' maayag ra binaal Muno.

MAZMUR 8:3

rinimbai ru ngaangai' lalaing am lalagang. Karajaan Muno mapanggol kalo mauyog koson mamuso ra ngaangai' pantula' Muno.

JISAYA 22:11

nambaal kau ra kulam panimungan ra timug giu' ra bandar koson papatulukan ra timug intor ra kulam nakalair. Kaa' kalo ginuang min i Aki Kapuuno' ondo' intor noyo ra galing nangatang noyo ra ngaangai' no am nangkinibit ra ngaangai' no nasauk.

JISAYA 40:26

Tingaano' noyo limbowon am urioo'! Osoi kia namangun ra ngaangai' butitin? Io noyo nanusub ra butitin mingkual koson ra pulalai ru saujor, mapandayan No kula' suang, am mampiau ra inggalan ru moonong butitin! Kuasa' Nano maayo kaga' – kolondo' rondo' butitin pana matatak!

JISAYA 45:12

Aku noyo Tuhan napasauk ra tana' ti, am namangun ra ulun koson mangayan no. Ralalom kuasa' Kuno bingkalon Ku limbowon, am manguasa' ra mato ru orou, bulan am butitin-butitin.

JISAYA 45:18

Tuhan noyo namangun ra limbowon, Io noyo i Aki Kapuuno'! Io noyo namangun am nambaal ra tana' ti, am tana' ti masauk ra mokotog. Kalo polosoon no intok raginio masiluk, kaa' intok raginio ayanin. Io noyo minindagu, “Aku noyo Tuhan, am kolondo' bokon.

JISAYA 45:8

Patuunon Ku kamanangan koson ra rasam intor ra limbowon; tana' ti pariukab koson mangapu riso, am tumuu' boo kaluagan am katimpakan, sabap ra Aku, Tuhan, mapasauk ra babaal ragitio.”

JISAYA 5:12

Ralalom nasuangan pangiantakan mangkuli kau ra jitor, gambus, tamburing, am tulali, am niayuk manginum ra wain, kaa' kalo mapandayan min atan tatanga' baalon ru Tuhan raino ti.

JIRIMIA 31:4

Kaikangon Ku saguli' intok min. Igondo' poyo ra mangalap kau ra tamburing am mansayau ra maansukan.

GOSIA 14:9

Ulun ru Israil mamatir ra ngaangai' sinungkalalaing; iowon Ku pakiasian nilo am magalung risilo. Koson ra puun tataun sumansam ayuk sindungin Ku ilo; Aku noyo puun ru ngaangai' barakat nilo.”

UNTABAN 23:23

Kolondo' jampi kapoam ilimu' sihir ondo' makaanggal ra Israil. Mindagu ulun intor ra Israil, ‘Ilai' noyo binaal ri Aki Kapuuno' risilo!’

JUANIS 12:37

Kabalu' pana nambaal Io masuang kaimuagan ra saang nilai, kalo nangintopot ilo Riso,

ROMA 1:20

Intor ra tana' ti biningkal, paliso ri Aki Kapuuno' ondo' kalo makito, ioginio ra Io topot-topot i Aki Kapuuno' am kuasa' Nano ra mantilayun, natutunan noyo ru ulun ralalom ru ngaangai' ondo' sinauk Nano. Intor raginio kolondo' sasaban ru ulun.

ROMA 1:28

Sabap ra ulun marara' mangiou ra katapatan ri Aki Kapuuno', pinoloso No pamaguangan nilo lumaat, saboi baalon nilo majaka'.