MAZMUR 28:2 - Tanou Moonsoi Timugon

² Rongogo' aku no bulintok ra aku mampiau makiindangan, painsawaton ku longon kuno tumingkuang ra Baloi Muno ondo' matulai.

MAZMUR 28:2 ပူးပေါင်းရင်းမြစ်များ

1 RAJA'-RAJA' 6:19

Tampilon ra talikuron ru Baloi ru Tuhan, binaal rondo' lamin koson pambulian ra Kaban Nabantuan ru Tuhan.

1 RAJA'-RAJA' 6:5

Timbok tampilon ra liwar, iono tampilon ra kait, pamiris am talikuron ru Baloi ru Tuhan, binaal lamin-lamin ondo' tiningkat talu. Moonong satingkat 2.2 ngamito sawat no.

1 RAJA'-RAJA' 8:38

rongogo' noyo pakiasian nilo. Amon ru mokoondo' ra ulun ra gino ngai' ru ulun Muno Israil, ra mangiluk guang mopotoroi ra kalindu' am makiasi' Rirun liliwa' tumingkuang ra Baloi ti,

2 TUNUNG RU BANSA' ISRAIL 6:13

Nambaal noyo Raja' Salomo rondo' pentas intor ra gangsa' am pinabanta' no giu' ra tatanga' ru liliut no. Gayo no 2.2 ngamito persegi, am sawat no 1.3 ngamito. Giu' ra saang ru ngaangai' ulun ondo' minatong, nagaloi io ra rasawat ru pentas no am igulatur. Kopongo raginio kakato' no karuruo longon nano ra limbowon.)

MAZMUR 125:5

Kaa' amon mangukum Kou ra ulun malaat, ukumi' niayuk ulun ondo' kalo mangintopot Rirun. Kaansayan rirun Israil!

MAZMUR 130:2

Iou Tuhan, rongogo' noyo sinulabit kutu, rongogo' noyo pampiawan kutu makiindangan.

MAZMUR 134:2

Patunuyo' noyo kalindu' mino liliwa' makiasi' giu' ra Baloi ru Tuhan, am omporo' noyo Tuhan!

MAZMUR 138:2

Migulatur aku tumingkuang ra Baloi Muno ondo' matulai liliwa' mongompor ra inggalan Muno, sabap ra Okou ti magagaya' am togom Muno mantilayun, am nanulu' Kou noyo ra inggalan Muno am bala' Muno matulai.

MAZMUR 140:6

Ulun malilimbau mapabatang ra jajaling koson mamparakop raki'; pabatangon nilo kalat koson mamparakop raki', am kinaawar ru ralan pabaugon nilo jajaling koson mamparakop raki'.

MAZMUR 141:1

Mazmur ri Daut. Mampiau aku Rirun, iou Tuhan; indangano' aku no raino! Rongogo' aku no bulintok ra aku mampiau Rirun.

MAZMUR 141:2

Apuo' noyo pakiasian kutu koson ra rondo' taak ra kaminyan, am apuo' noyo kalindu' ra patunuyon kutu koson ra taak ra rondom.

MAZMUR 143:6

Patunuyon ku longon kuno makiasi' Rirun; mikimasi' aku Rirun koson ra tana' mapua' makimasi' ra timug.

MAZMUR 5:7

Pusoon Mu ngaangai' ulun magabau, am magasab ra ulun mamamatoi am mamparuung.

MAZMUR 63:4

Togom Muno mokologo intor ra kaayagan, ginio ra mongompor aku Rirun.

SULABOI 2:19

Ruruli' no tumirong ra mosorondom, am piawo' noyo Tuhan; pabalaa' ngai' suang ru guang muno am pakimasi' no koson ra anak-anak muno, anak-anak ondo' tatanga' maitilan giu' ra moonong lisangon ru ralan.

DANIL 6:10

Koon raginio noyo Raja' Darius siminain ra susuban no.

DANIL 6:11

Pakapandai i Danil ra susuban no sinainan noyo, minuli' io ra baloi. Giu' ra lamin ra tampas rasawat ru baloi nano mokoondo' kukula' gigimpalan ondo' tumingkuang ra Jirusalim. Koson ra kaindalaman no, igulatur i Danil giu' ra tuma' ru gigimpalan ra naukab no, am pakiasi' ri Aki Kapuuno' intalu songorou.

1 TIMOTIUS 2:8

Paat ra akau sumambayang, masaga' aku ra ungkuyon rati makiasi' mabaya' ra guang mapasau ra kolondo' kasisangan am niayuk kolondo' pansasangaran.