MAZMUR 27:3 - Tanou Moonsoi Timugon

³ Kabalu' pana ngaangai' ru saujor liminiput raki', kalo malaa' aku; kabalu' pana pantula' kuno mongoi bulunsar raki', pangintapatan kuno ri Aki Kapuuno' kalo makulau.

MAZMUR 27:3 ပူးပေါင်းရင်းမြစ်များ

MAZMUR 3:6

Miluluya' aku, am pakalunus, am sorondom Tuhan manindung raki'.

1 PITRUS 3:14

Kaa' amon ru imboloon kau sabap ra mambaal kau ra motopot, pakaansuk kano. Pai' kano kalaa' ra osoi ayuk pana am pai' pagalabo poyo.

PILIPI 1:28

Pakakau' kano; pai' kalaa' risilo ondo' mangimbolo' ramuyun. Intor ra ginio mampakito kau ra ilo ti maala am akau makagula', sabap ri Aki Kapuuno' galama' intor ru indangan minti.

PINAINTALANG 2:10

Pai' kano kalaa' ra kaimbalaan ondo' malimanan min ra maagu no. Karaa'! Tingganai ru riwato no mangkinam ramuyun. Mangkinibit io ra kukula' intor ramuyun pasubolon ra pangaputan am mopor ngoorou buoi ru kapaganan mino. Gagaya' ayuk toojo Raki' saboi ra potoyon kau pana, am aniin takamin ra kaayagan mantilayun koson ra ampos ru kamanangan mino.

AYUP 4:6

Sala' ka kia sumambayang kou ri Aki Kapuuno'; sala' ka kia maayag kou ra kolondo' kajamaran? Amon ru koon raginio, sotopot no mangintopot kou am kalo mangkaus guang.

MAZMUR 52:6

Masaga' kou mapakaruol ra guang ru ulun ra ragu-ragu. Okou mamparuung!

2 TUNUNG RU BANSA' ISRAIL 20:15

Kon ri Jagajiil, “Okou raja' am ngaangai' mamagun ru Jiuda am Jirusalim, minindagu Tuhan ra akau pai' kalawo guang am malaa' makauma' ra pulalai ondo' maayo ti, sabap ra ondo' mangayou sala' ka akau, kaa' i Aki Kapuuno'.

1 SAMUIL 19:8

Kopongo raginio nasauk saguli' pangayawan ra ulun ru Palistin. Binulunsar am kinala ri Daut ulun ru Palistin liningon saboi ra ilo nagigiru'.

MAZMUR 3:7

Kalo malaa' aku ra riribu pantula' ondo' liminiput manguyung raki' ra moonong angayan.

MAZMUR 112:7

Kalo malaa' io mangapu ra tanou malaat; guang nano mingkotog sabap ra mangintopot ra Tuhan.