MAZMUR 27:11 - Tanou Moonsoi Timugon

¹¹ Ilaa' aku ra kasagaan Muno, iou Tuhan, am kitango' aku no ra ralan matanda', sabap ra pantula' kuno masuang kaga'.

MAZMUR 27:11 ပူးပေါင်းရင်းမြစ်များ

MAZMUR 119:10

Sotopot-topot no gogoton kuno gumagaya' Rirun; pai' aku polosoo' tumalansiang ra panusuban Muno.

MAZMUR 139:24

Pangundasa' no ra guang kuno ru mokoondo' kia kalaatan ru inan kuno, am kitango' aku ra ralan mantilayun.

MAZMUR 25:12

Ulun ondo' gumagaya' ra Tuhan tuluin No ra ralan ondo' musiti' sukuon no.

MAZMUR 25:9

Tuluin No ulun ondo' minggana' guang no ra ralan motopot, am mangila' risilo ra kasagaan Nano.

MAZMUR 26:12

Naayag aku intor ra nansalinut makalalaa'; mongompor aku ra Tuhan ralalom pantimungan ru ulun Nano.

MAZMUR 5:8

Kaa' intor ra kinaayo ru togom Muno, nakasubol aku ra baloi Muno. Makasamba aku Rirun ra ralalom ru Baloi Muno ra matulai, am migulatur ra tuma' Muno.

MAZMUR 5:9

Iou Tuhan, masuang kaga' pantula' kuno; ilaa' aku mambaal ra kasagaan Muno, am tului' aku ra ralan ondo' musiti' no mauma' kuno.

MAZMUR 54:5

Ulun malilimbau matong mamulunsar raki', ulun mapuka' masaga' mamatoi raki', kalo malaa' ilo ri Aki Kapuuno'.

MAZMUR 64:6

Mangunsu' ilo ra rangan-rangan koson mambaal ra malaat; mansusunur ilo koson mangatang ra jajaling; indoson nilo kolondo' ulun nakakito.

MAZMUR 86:11

Ilaa' aku ra kasagaan Muno, iou Tuhan, am suguton ku am gagayaan ku; ilaa' aku ra mangurumat toojo Rirun.

AMSAL 15:19

Ulun matiar masalok makaliman ra kapaganan, kaa' ulun mabanis guang kalo mokoowot ra kapaganan.

AMSAL 8:9

Pangkaraan ru ulun mapintar, rinagu kuno motopot, pangkaraan ru ulun masuang katutunan, ngaangai' no matanda'.

JISAYA 35:8

Giu' no mokoondo' ra ralan maayo tiniir, ondo' sabiton ra “Ralan Sumuku' ra Pamayagan”. Ulun ra makatula kalo maya' ra giu' no, ulun sasambungon kalo mapalayau ra ulun ondo' mansail ra ralan no.

JIRIMIA 20:10

Mokorongog aku ra ulun mongkonos ra ati ayuk, “Kalaanan gumaai-gaai! Ibok pabalaa' takau riso ondo' makakuasa'!” Niayuk poyo ngaangai' rangan moonsoi kuno maginaa ra karatuan kuno. Konilo, “Maaru' lair ra pamparuungan, makapangala takau riso, maa' raginio itakau makapansuli' riso.”

LUKAS 20:20

Ginio ra naginaa ilo ra kaluagan moonsoi. Susubo' nilo kukula' ngaulun sumalu ra ulun ondo' mangintopot kunu' Riso mongoi pangkuot koson makaalap ilo ra panguwan mamparakop Riso. Koson raginio mataakan nilo i Jisus ra kuasa' ru gabenor.