MAZMUR 27:1 - Tanou Moonsoi Timugon

¹ Mazmur ri Daut. Tuhan noyo sinda am mamamayag raki'; kalo malaa' aku ra osoi-osoi ayuk pana. Tuhan manindung raki' intor ra nansalinut ondo' makalalaa'; kalo malaa' aku.

MAZMUR 27:1 ပူးပေါင်းရင်းမြစ်များ

AYUP 29:3

Masalok Io mangani' raki' ra indangan, am mansilau Io raki' paat mansail ra kalandaman.

MAZMUR 11:1

Ra tingganai ru santimungan maririmbai. Mazmur ri Daut. Malansan aku ra Tuhan noyo manindung raki'. Kolondo' noyo onong ra mindagu raki', “Pansiab no koson ra susuit mongoi ra gunung,

MAZMUR 118:21

Mongompor aku Rirun, Tuhan, sabap ra mangkirongog Kou ra piau kuno, sabap ra inanian Mu aku ra kamanangan.

MAZMUR 118:6

Kalo malaa' aku sabap ra Tuhan mabaya' raki'; atan kia maalap kabaal ru ulun no raki'?

MAZMUR 18:28

Mamayag Kou ra ulun ondo' minggana' guang, kaa' paganaan Mu ulun ondo' malilimbau.

MAZMUR 18:29

Mapataak Kou raki' ra sinda; Tuhan i Aki Kapuuno' kuno manampulau ra kalandaman kuno.

MAZMUR 18:46

Nairu' boo baani nilai; monontol ilo am miningkual intor ra batu silian.

MAZMUR 19:14

Palabuso' aku niayuk intor ra tula ondo' siningon; pai' polosoo' ra aku kuasaan ru ginio. Aku pana masauk boo ra ulun kolondo' ruruko, am niayuk makalabus intor ra kasalaan maagat.

MAZMUR 3:8

Bayago' aku no, iou Tuhan, i Aki Kapuuno' kuno, ukumi' noyo am ngaangai' ru pantula' kuno sauko' ra lamumu'.

MAZMUR 43:2

Okou noyo manindung raki'; kua kia panatang Kou raki'? Kua kia tanduusi' ku magiba' ra imbolo' kinibit ru kalaatan ru pantula' kuli?

MAZMUR 62:2

Kalinuos kuno ayuk maginaa ri Aki Kapuuno'; Io ayuk mamayag raki'.

MAZMUR 62:6

Kalinuos kuno ayuk maginaa ri Aki Kapuuno'; Io ayuk manaak raki' ra kalansanan.

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

KAINGKUALAN 15:2

Tuhan manaung raki' ondo' maikang; Io noyo namayag raki'. Io i Aki Kapuuno' kuno, am mongompor aku Riso; Io i Aki Kapuuno' ondo' sambaan ri ama' i, am marimbai aku ra kinaayo Nano.

JISAYA 12:2

Aki Kapuuno' Mamamayag raki'; mangintopot aku Riso am kalo malaa' aku. Tuhan manaak ra kuasa' am kaikangan raki'; Io no Mamamayag raki'.

JISAYA 2:5

Alii ra papag ri Jakub, ugar takau ralalom sinda ru Tuhan!

JISAYA 45:24

“Ulun-ulun mindagu, ‘Katimpakan am kaikangan intor ayuk ra Tuhan!’ Ngaangai ulun ondo' masisang Raki' matong ilo Raki' am tauyuon.

JISAYA 61:10

Jirusalim maansukan sabap ra baal ondo' binaal ru Tuhan. Baal ru Jirusalim koson ra sangulun uoton ondo' nalimpor ra kuliamos makaantak. Ginio niayuk ri Aki Kapuuno' mapapakai ra pamayagan am kamanangan ra Jirusalim.

JIRIMIA 20:11

Kaa', Okou, iou Tuhan, manaung raki'; Okou maikang am mapanggol. Ilo ondo' nangimbolo' raki' maratu' am kalo maikang. Tauyuon ilo ra sabubuoi no, sabap ra inatangan nilo kalo nasugut. Pagasaban risilo no masalok karaan.

MALIAKI 4:2

Kaa' akau ondo' gumagaya' Raki', kuasa' Kuno ondo' mamayag ramuyun sumirang koson ra mato ru orou, am kuasa' Kuno mangani' ra pamabasan koson ra sinda mato ru orou. Makalabus kau am maansukan koson ra anak ru sapi' ondo' pinaingkual intor ra kandang.

MATIUS 8:26

Taam i Jisus, “Kua kalaa' kau? Topot-topot noyo malawo pangintapatan min!” I Jisus pana siminukal boo am palinoso' bagiu' am kinulun no. Linos boo bagiu' no am maliuk boo kaga'.

LUKAS 2:30

Sabap ra nakito ku noyo Mamamayag intor Rirun,

LUKAS 3:6

Ngaangai' ulun ru tana' ti makakito ra ati kulaan i Aki Kapuuno' mamayag ra ulun!’ ”

JUANIS 1:9

Sinda motopot no, ondo' mampakasinda ra ngaangai' ulun, matong ra tana' ti.

JUANIS 8:12

Indagu poyo i Jisus ra ulun masuang, “Aku noyo sinda ru tana' ti. Osoi ayuk maya' Raki' kalo mangkiralan ra kalandaman, kaa' mokoowot ra sinda ondo' mangani' ra kaayagan.”

ROMA 8:31

Sabap raginio, atan boo paraguon takau? Amon ru i Aki Kapuuno' bala takau, osoi kia makagula' ritakau? Maaru' kolondo'!

2 KORINTUS 12:9

Kaa' taam Io, “Kataawan Kuno sama' noyo rirun, sabap ra kinaikang ru kuasa' Kuno makaintalang mansail ra kalawaan.” Sabap raginio maansayan aku poyo ra aku malawo, maa' raginio kuasa' ri Kristus sumimpung am magalung raki'.

SAGULION 7:18

Pai' kalaa' risilo. Karaa' noyo binaal ru Tuhan i Aki Kapuuno' min ra raja' ru Misir am ngaangai' mamagun nano.

SAGULION 7:21

Ginio ra pai' kalaa' ra bansa'-bansa' raginio. Tuhan i Aki Kapuuno' min mabaya' ramuyun; Io i Aki Kapuuno' ondo' matulai, am ondo' musiti' kalaanin.

PILIPI 4:13

Am ngaangai' maalap ku kabaal ralalom ri Kristus ondo' mangani' raki' ra kaikangan.

IBRANI 13:6

Intor raginio makakau' takau mindagu ra, “Tuhan noyo mangingindangan kuno, ginio ra kalo noyo malaa' aku. Kolondo' noyo maalap kabaal raki' ru ulun.”

PINAINTALANG 21:23

Bandar no kalo pana sirangin ru mato ru orou kapoam bulan, sabap ra masindaan noyo ru katulayan ri Aki Kapuuno', am Anak Domba no galama' lampung nano.

PINAINTALANG 22:5

Kolondo' boo kalandaman ra giu' no. Pilasut am mato ru orou kalo boo makapakuan ilo, sabap ra i Aki Kapuuno', Tuhan galama', sumauk ra sinda nilo, am mamarinta ilo koson ra raja' ra sabuoi-buoi no.

PINAINTALANG 7:10

Giminolok ilo ra mapuor, “Pamayagan takau intor Rirun Aki Kapuuno' ondo' manturung ra takhta, am intor Rirun Anak Domba no!”