MAZMUR 26:11 - Tanou Moonsoi Timugon

¹¹ Kaa' maayag aku ra mabanis guang; pakaasi' no am bayago' aku no.

MAZMUR 26:11 ပူးပေါင်းရင်းမြစ်များ

NIGIMIA 13:14

Iou Aki Kapuuno', karaa' noyo ngaangai' ondo' binaal kuno ra tayar Baloi ru Tuhan am sambayang ra giu' no.

NIGIMIA 13:22

Nanusub aku ra ulun ru Liwi maa' raginio mangimpasau ra inan am magalung ra kulobon-kulobon garabang koson magilong ra ulun maa' raginio mangurumat ra orou Sabat. Iou Aki Kapuuno', karaa' noyo aku sabap ra baal ragitio, am pakaasi' no raki' sabap ra togom Muno ondo' maayo.

NIGIMIA 13:31

Nangaru' aku no ra paat ra ulun ondo' magibit ra luton koson monolob ra taak simbalui, am paat ra ulun magibit ra taak nilo, iono ampos ru unor-unor am kikinawa' ondo' kasaa' maansak. Iou Aki Kapuuno', karaa' noyo ngaangai' baal ragitio, am barakato' noyo aku.

NIGIMIA 5:15

Moonong ulun ondo' nasauk ra gabenor ondo' nakapagulu raki' nasauk ra saanin ru mamagun sabap ra gabenor no gumogot 40 ruit pirok songorou tayar ru akanon am wain. Naambai ra pagawai-pagawai nilo pana mangimbolo' ra mamagun, kaa' aku kalo mambaal koon raginio sabap ra aku malaa' am mangurumat ri Aki Kapuuno'.

AYUP 1:1

Giu' ra tana' Us, minayan sangulun ungkuyon makainggalan ri Ayup. Sumamba io ri Aki Kapuuno' am gumagaya' Riso. Io ti moonsoi guang, ondo' masalok no pagilalain maa' raginio kalo mambaal ra malaat.

MAZMUR 101:2

Kalo sabain ku paliso kuno makaruruko. Sanggilan poyo ratangan Muno raki'? Giu' ra baloi kuno kaayagan kuno matulai;

MAZMUR 26:1

Mazmur ri Daut. Anii' aku ra katimpakan, iou Tuhan, sabap ra nambaal aku ra motopot, am mangintopot aku toojo Rirun ralalom ru guang kuno.

MAZMUR 49:15

Koson ra domba, ilo inaru' ra potoyon, kapatayan no magagalung risilo. Ulun mabanis guang mampaala risilo, baangkai nilo mataki' mapasa'; pagun ru ulun minatoi masauk ra intok nilo.

MAZMUR 49:7

ulun lumansan ra kinalangkayaan nilono, am marikamo ra rapu' nilono ra masuang.

MAZMUR 69:18

Pai' noyo pansibuni intor ra ulipon Mutu; makakapaganan aku toojo – ribaki' noyo indangano' aku!

JISAYA 38:3

“Karaa' noyo, iou Tuhan, aku ti mangandoi ayuk Rirun, gumagaya' am sumugut, am masalok aku mompogogot koson mambaal ra kasagaan Muno.” Raja' pana nantangi' am mangiluk guang.

LUKAS 1:6

Kaayagan ru mansawo ti mapabansuk ra guang ri Aki Kapuuno'. Ilo karuruo gumagaya' toojo ra ngaangai' susuban am ukum ru Tuhan.

1 TISALONIKA 2:10

Akau no sasi' mai, am koson niayuk i Aki Kapuuno', ra mapasau, mabanis am matanda' paliso mai ramuyun ondo' nangintopot noyo ri Kristus.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.