MAZMUR 25:9 - Tanou Moonsoi Timugon

⁹ Tuluin No ulun ondo' minggana' guang no ra ralan motopot, am mangila' risilo ra kasagaan Nano.

MAZMUR 25:9 ပူးပေါင်းရင်းမြစ်များ

MAZMUR 119:35

Gama' ru masugut ku panusuban Muno, sabap ra ginio noyo kasagaan kuno.

MAZMUR 119:66

Anii' aku ra kapintaran am kapandayan, sabap ra mangintopot aku ra panusuban Muno.

MAZMUR 143:10

Okou no i Aki Kapuuno' kuno; ilaa' aku mambaal ra kasagaan Muno. Koonsoi no raki', am pangaak raki' mongoi ra ralan matanda'.

MAZMUR 147:6

Ulun ra inimbolo' no inanian No ra kuasa', kaa' ulun malaat no pinapatir No ra tana'.

MAZMUR 149:4

Maansukan Tuhan no ra ulun Nano; pamanangon No ulun ra minggana' guang.

MAZMUR 22:26

Ralalom pantitimungan maayo ru ulun mangintopot Rirun, omporon Tokou sabap ra ngaangai' ondo' binaal Muno; ra talupak ru ngaangai' ulun ondo' sumamba Rirun patutuyon ku taak ondo' binantu' kuli.

MAZMUR 23:3

Manaak Io raki' ra kaikangan bagu. Mangitang Io raki' mugar ra ralan motopot, sumugut ra bantu' Nali.

MAZMUR 27:11

Ilaa' aku ra kasagaan Muno, iou Tuhan, am kitango' aku no ra ralan matanda', sabap ra pantula' kuno masuang kaga'.

MAZMUR 73:24

Mangila' Kou raki' ralalom ru bilin, am apuon Mu aku ra urumat.

MAZMUR 76:9

Intor ra suruga' inaru' Mu noyo namalantasan; ulun ru tana' ti malaa' am mongkoror,

AMSAL 8:20

Mugar aku ra ralan kabanisan ru guang, am maya' ra ralan katimpakan.

JISAYA 11:4

Ulun musikin akimin no ra matimpok, am paundokon no ulun lamumu' ra kabanisan ru guang. Tana' ti ukumin no ra susuban nano, am ulun malaat pusoon no.

JISAYA 61:1

Kuasa' ru Tuhan Ondo' Masawat Kaga' soroi raki'; Io nampili' raki' am nanusub raki' koson mapatanou ra tanou moonsoi ra ulun musikin, koson mapatapuli' ra ulun natutuk guang, koson mapatanou ra ulun rinakop ra ilo palabuson mataki', am ra ulun-ulun ralalom ru pangaputan ra paingkualon ilo.

YEHEZKIEL 36:27

Pasasaron Ku Ambiluo Kuno ralalom ru guang mino maa' raginio sumugut kau ra ukum Kuno am gumagaya' ra ngaangai' susuban ondo' tinaakan Ku noyo ramuyun.

JIPANYA 2:3

Saguli' no ra Tuhan, akau ngaangai' ulun ondo' gumagaya' ra susuban Nano. Baalo' noyo atan ondo' kasagaan ru Tuhan, am painggana' guang mino giu' ra saang Nano. Maaru' lair akau makalabus intor ra ukuman paat ra orou ru Tuhan mampakito ra sangit Nano.

MATIUS 5:5

Pakaansuk noyo ulun ondo' minggana' guang, sabap ra makaapu ilo ra ondo' binantu' ri Aki Kapuuno'.

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

RINALATAN 13:10

am indagu, “Okou no anak ru Tingganai ru riwato! Okou pantula' ru ngaangai' moonsoi. Mototop kou ra ruung malaat am manumbalik kou ra pangilaan motopot intor ra Tuhan!

RINALATAN 9:2

am nakitaak ra surat kuasa' koson patalangon ra tingganai ru baloi sambayangan ru ulun ru Jaudi giu' ra Damsyik. Koson ragino, amon ru makatuum io ra maamaya' ru Tuhan, ungkuyon kapoam ruandu', rokopon no am ibiton ilo ra Jirusalim.

GALATIA 5:23

am minggana' guang am poyo mapandai mongorot. Baal koson raginio kalo iningaan ru atan ayuk pana ukum.

JAKUBUS 1:21

Ginio nai ra patiri' noyo ngaangai' kaindalaman ra majamol kapoam malaat. Mabaya' boo ra guang minggana', apuo' noyo bala' ri Aki Kapuuno' ondo' porondonon Nano ra guang min. Sabap ra bala' ragitio noyo ondo' makapamayag ramuyun.

1 PITRUS 3:15

Kaa' urumato' noyo i Kristus ralalom ru guang mino koson ra Io noyo manguasa' ra kaayagan min. Musiti' kau tumampos kalalair koson makapangani' ra taaman ra osoi ayuk ulun ondo' makibala' ramuyun ra puun ru kalansanan mino.

1 PITRUS 3:4

Kaa' kataluran ondo' sotopot no, ioginio guang min, ra makapaliso kau ra molomoi am guang pantataan. Gitio nai boo ondo' mantilayun no am mokologo toojo ra pagilangan ri Aki Kapuuno'.