MAZMUR 25:5 - Tanou Moonsoi Timugon

⁵ Ilaa' aku maa' raginio maayag aku sumugut ra kasagaan Muno, sabap ra Okou mamamayag raki'. Masalok aku lumansan Rirun.

MAZMUR 25:5 ပူးပေါင်းရင်းမြစ်များ

KASAUKAN 49:18

“Maginaa aku ra pamayagan Muno Tuhan.

NIGIMIA 9:20

Sabap ra kinoonsoi Muno, nambala' Kou ramon ra atan ondo' musiti' baalon; nangani' Kou risilo ra manna koson ra akanon, nangani' Kou risilo ra timug koson ra inumon.

AYUP 36:22

Karaa' noyo, kuasa' ri Aki Kapuuno' totopot maayo. Io noyo mangingila' ondo' maayo kaga'.

MAZMUR 107:7

Aakon No ilo maya' ra ralan mabanis, mongoi ra bandar ondo' maayanan nilo.

MAZMUR 119:26

Akunin ku ngaangai' binaal kuno, am taamon Mu aku; ilaa' aku ra kasaga' Muno.

MAZMUR 119:33

Iou Tuhan, paratio' aku ra ukum Muno, maa' raginio masalok ku kagagaya'.

MAZMUR 119:66

Anii' aku ra kapintaran am kapandayan, sabap ra mangintopot aku ra panusuban Muno.

MAZMUR 119:97

Mapara' piboo togom kuno ra Ukum Muno! Moonong orou aku mangkara'.

MAZMUR 22:2

Aki Kapuuno' kuno, iou Aki Kapuuno' kuno, Kua tatango' Mu aku? Mampiau aku Rirun kaa' lakat Kopo maalur, am kalo mangindangan raki'.

MAZMUR 24:5

Ilo noyo barakaton am bayagon ru Tuhan, am i Aki Kapuuno' nangaru' ra ilo kolondo' sala.

MAZMUR 25:10

Ulun ondo' mampagagaya' ra bantu' am panusuban Nano, tuluin No ra togom am pampagagayaan.

MAZMUR 25:8

Sabap ra Tuhan no moonsoi am matimpok, tuluin No ulun nakalayau no ra ralan.

MAZMUR 68:20

Omporo' i Aki Kapuuno', sabap ra Io noyo namayag ritakau; moonong orou Io mansaan ra kapaganan takau.

MAZMUR 79:9

Indangano' akai no, iou Aki Kapuuno', mamamayag ramon; ralalom ru katulayan Muno galama', bayago' akai no am ampuno' noyo tula mai.

MAZMUR 86:3

Okou noyo i Aki Kapuuno' kuno, pakaasi' no raki'; monsongorou aku makiasi' Rirun.

MAZMUR 88:1

Rondo' rimbai. Mazmur ru bansa' ri Kora. Pataakon ra tingganai ru santimungan maririmbai. Maya' ra rimbai ri: Magalat Liyanot. Sisindiron ri Giman, ulun ru Ijragi.

AMSAL 23:17

Pai' solon ra ulun ondo' makatula, urumato' noyo am kalaa' no ra Tuhan ra sotopot ru guang

AMSAL 8:34

Pakaansuk noyo ulun ondo' mangkirongog raki', ondo' moonong orou manturung maginaa ra kulobon ru baloi kuno, am ondo' maginaa ra garabang ru baloi kuno.

JISAYA 30:18

Kaa' Tuhan magiginaa ra bulintok no koson mapakito ra guang makaasi' Nano ramuyun. Makaasi' Io ramuyun sabap Io Aki Kapuuno' ra masalok mambaal ra matimpok. Pakaansuk noyo ilo ondo' lumansan ra Tuhan.

JISAYA 35:8

Giu' no mokoondo' ra ralan maayo tiniir, ondo' sabiton ra “Ralan Sumuku' ra Pamayagan”. Ulun ra makatula kalo maya' ra giu' no, ulun sasambungon kalo mapalayau ra ulun ondo' mansail ra ralan no.

JISAYA 42:16

Kitangon Ku ulun Kuno ra nobolou maya' ra ralan ondo' kalo poyo igondo' nilo bayai'. Kulawon Ku kalandaman masauk ra sinda, am taubin ku tana' ra tangkilubok no risilo. Ginio noyo baal ondo' baalon Kuno, Musiti' no pongoon Ku ngaangai' no.

JISAYA 49:10

Kalo paason kapoam maitilan ilo, am kalo malasuan ilo giu' ra tana' kaagisan. Sabap ra Aku, motogom risilo, mangaak risilo, am mangitang risilo ra taur-taur ru timug.

JISAYA 54:13

“Ngaangai' ulun muno masauk ra maamaya' Raki', lumangkaya' ilo.

JIRIMIA 31:9

Liliwa' mantangi' ulun Kuno sumaguli', makiasi' ilo paat ra Aku maningganai risilo muli'. Tingganayon Ku ilo mongoi ra sungoi-sungoi boborok, mansail ra ralan marata' maa' raginio kalo makasaru ilo. Aku koson ra sangulun ama' ra Israil, i Ipraim anak Kuno ra katuaan.”

MIKA 7:7

Kaa' maginaa aku ra Tuhan; malansan aku ri Aki Kapuuno' ondo' mamayag raki'. Mangkirongog i Aki Kapuuno' kuno ra pakiasian kuno.

LUKAS 18:7

Amon ru kon poyo raginio, mulu' poyo i Aki Kapuuno' manalasai ra kapaganan ru ulun mangintopot riso sabap ra makiasi' ilo Riso orou-rondom. Mangindangan Io kia ra mataki'?

JUANIS 14:26

Kaa' Ambiluo ri Aki Kapuuno', Io no Mangingindangan ondo' susubon ri Ama' ralalom ru inggalan Kuno, Io noyo mangila' ramuyun ra ngaangai' no am mampakara' ramuyun ra ngaangai' ondo' rinagu Ku noyo.

JUANIS 16:13

Kaa' paat ra Ambiluo ri Aki Kapuuno' no matong, mambala' Io ra katapatan ri Aki Kapuuno' am mampaintutun Io ramuyun ra ngaangai' ru katapatan. Kalo mambala' Io sumugut ra kuasa' Nano galama', kaa' mambala' Io ra atan ondo' morongog Nano am atan ondo' masauk ra tauli no.

JUANIS 6:45

Tinulisan noyo ra Kitab ru Nabi-Nabi, ‘Ngaangai' ulun ilaan ri Aki Kapuuno'.’ Moonong ulun ondo' mangkirongog ri Ama' am migigila' intor Riso matong Raki'.

ROMA 8:14

Ngaangai' ulun ondo' tingganayon ru Ambiluo ri Aki Kapuuno', ilo no anak ri Aki Kapuuno'.

1 JUANIS 2:27

Kaa' akau galama', inanian noyo ri Jisus Kristus ra Ambiluo Nali. Am buoi ru Ambiluo no soroi ramuyun, kalo pana ilaan kau ru ulun. Ambiluo no mangila' ramuyun ra atan-atan ayuk am pangilaan Nano motopot, sala' ka magabau. Ginio boo ra akau musiti' gumagaya' ra pangilaan ru Ambiluo no, am maayag kau sumimpung ri Jisus Kristus.

PINAINTALANG 7:17

Sabap ra Anak Domba ondo' soroi ra tatanga' ru takhta no magalung risilo am maningganai risilo mongoi ra taur ru timug ondo' mampakaayag. Am i Aki Kapuuno' mamiir ra lomou ru tangi' intor ra mato nilai no.”