MAZMUR 25:3 - Tanou Moonsoi Timugon

³ Kalaan kalo malimanan ru ulun ondo' mangintopot Rirun, kaa' malimanan ru ulun ondo' mataki' manggal Rirun.

MAZMUR 25:3 ပူးပေါင်းရင်းမြစ်များ

KASAUKAN 49:13

“I Jibulon mayan ra kiing ru raat. Raralan ru kapal nagas nano. Wilayah nano lumangka' suku' ra Sidon.

1 TUNUNG RU BANSA' ISRAIL 10:13

Raja' Saul minatoi sabap ra kalo giminagaya' io ra Tuhan, am kalo siminugut ra susuban ru Tuhan. Nakitulu' Raja' Saul intor ra ambiluo ru ulun namagatoi,

MAZMUR 109:3

Bulunsaron nilo aku ra ragu-ragu makasisang, am manguu' raki' ra kolondo' kaayatan.

MAZMUR 119:78

Polosoon noyo ulun malilimbau tauyuon sabap ra manimbaal ilo raki', kaa' imansain ku panusuban Muno.

MAZMUR 123:2

Koson ra sangulun ulipon sumingkayut ra tuan nano, am sangulun ulipon ruandu' ra puan nano, koon niayuk ramon lumansan Rirun, iou Tuhan, i Aki Kapuuno' mai, saboi Okou makaasi' ramon.

MAZMUR 132:18

Tauyuon Ku pantula'-pantula' nano, kaa' karajaan nano moonsoi ayuk am langkaya'.”

MAZMUR 22:6

Mampiau ilo Rirun am painggaluron Mu ilo intor ra makalalaa' no; mangintopot ilo Rirun am kalo pansagulian guang nilono.

MAZMUR 27:14

Pagiimansan kano ra Tuhan! Pangintopot kano Riso am pai' kalawo. Iou, pagiimansan kano ra Tuhan!

MAZMUR 31:17

Gama' ru apuon Mu ulipon Muno; sabap ra togom Muno bayago' aku no.

MAZMUR 31:18

Mampiau aku Rirun, iou Tuhan; pai' aku polosoo' tauyuon. Polosoo' ayuk ulun malaat tauyuon, am kalinuos nilo tumuun ra intokon ru ulun namagatoi.

MAZMUR 33:20

Malansan takau ra Tuhan; Io noyo mangingindangan am manindung ritakau.

MAZMUR 35:26

Polosoon noyo ulun ondo' maansayan magilong ra aku naimbolo' masauk ilo ra maubong am mauyu'. Polosoon noyo ulun lumimbau no pansagulian guang am mauyu'.

MAZMUR 37:34

Lansan noyo ra Tuhan am gagayaa' noyo panusuban Nano; pataakon No pagun ti rirun koson mangurumat rirun, am makito mu ulun malaat inggalarin.

MAZMUR 6:10

Mangining Io ra kitaakon kuno, am mangiou Io ra pakiasian kuno.

MAZMUR 62:1

Ra tingganai ru santimungan maririmbai. Sumugut ri: Jidutun. Mazmur ri Daut.

MAZMUR 62:5

Masaga' kau ayuk mamparatu' riso intor ra intok maatang nano; masaga' kau magabau. Kabang mino mambarakat, kaa' guang mino magulas.

MAZMUR 69:4

Naagui aku nampiau ra makiindangan, am bambalangan kuno maruol. Mato kuno mapari' maginaa ra pangindanganan Muno.

MAZMUR 69:6

Iou Aki Kapuuno', ngaangai' tula kuno kalo nakasibuni Rirun, napandayan Mu ra mapara' piboo sasambungon aku.

MAZMUR 71:13

Polosoon noyo ilo ondo' mangayou raki' no kalaan am niayuk pusoon! Polosoon noyo ilo ondo' kuminam mangurana' raki' no tauyuon am asabin!

JISAYA 25:9

Bulintok ra baal raginio masauk, ngaangai' ulun mindagu, “Io no i Aki kapuuno' takau! Io no inaanin takau koson mamayag ritakau. Io no Tuhan ra inaanin takau. Ragino magilakup takau koson maansukan sabap Io namayag ritakau.”

JISAYA 40:31

Kaa' ulun ondo' lumansan ra Tuhan, mokoowot ra kaikangan bagu. Ilo koson ra susuit kanui, ondo' minsawat pansiab ralalom kaikangan ru kawo nano. Masimbul ilo am kalo maagui; mugar ilo am kalo lumami'.

JISAYA 49:23

Raja'-raja' koson ayuk ra pinakaama' mu ayuk, am andu'-andu' raja' pinakaina' mu ayuk. Migulatur ilo mangurumat rirun am kalo lumimbau ilo rirun. Okou pana makapandai ra Aku ti Tuhan; ulun ondo' lumansan raki' kalo sindualin guang.”

JIRIMIA 20:11

Kaa', Okou, iou Tuhan, manaung raki'; Okou maikang am mapanggol. Ilo ondo' nangimbolo' raki' maratu' am kalo maikang. Tauyuon ilo ra sabubuoi no, sabap ra inatangan nilo kalo nasugut. Pagasaban risilo no masalok karaan.

SULABOI 3:25

Tuhan moonsoi ra moonong ulun ondo' mangintopot Riso.

MIKA 7:7

Kaa' maginaa aku ra Tuhan; malansan aku ri Aki Kapuuno' ondo' mamayag raki'. Mangkirongog i Aki Kapuuno' kuno ra pakiasian kuno.

JUANIS 15:25

Maa' raginio masugut ondo' tinulisan ra Ukum nilo, ‘Masisang ilo Raki' kabalu' pana kolondo' sasaban.’

ROMA 8:25

Kaa' amon ru lumansan takau ra atan ondo' kalo poyo makito, kulimanon takau ra guang mataan.