MAZMUR 25:11 - Tanou Moonsoi Timugon

¹¹ Iou Tuhan, ampuno' aku no sumugut ra bantu' Muli, sabap ra maayo tula kuno.

MAZMUR 25:11 ပူးပေါင်းရင်းမြစ်များ

MAZMUR 109:21

Kaa' indangano' aku, iou Tuhan Raja', sumugut ra bantu' Muno, am bayago' aku sabap ra togom am kinoonsoi Muno.

MAZMUR 143:11

Pamayag no raki', iou Tuhan sumugut ra bala' Muno; pamayag no raki' intor ra kapaganan sabap ra Okou no moonsoi.

MAZMUR 31:3

Rongogo' aku! Bayago' aku ra mataki'! Sauk no ra batu silian kuno koson mangampin raki', am manunungka' kuno koson mamayag raki'.

MAZMUR 79:9

Indangano' akai no, iou Aki Kapuuno', mamamayag ramon; ralalom ru katulayan Muno galama', bayago' akai no am ampuno' noyo tula mai.

KAINGKUALAN 34:7

Suguton Ku bantu' Kuno ra riribu papag, am niayuk mangampun ra kalaatan am tula, kaa' kalo mapalabus Aku ra ulun makasala intor ra ukuman. Mangukum Aku niayuk ra anak am akupu nilo, saboi ra papag ra katalu am ra kaapat, sabap ra tula ru matuo nilo.”

JISAYA 43:25

Kaa' Aku ti i Aki kapuuno' ondo' mangampun ra tula mino, am Aku mambaal koson raginio sabap ginio noyo paliso Kuno. Kalo karaan Ku tula mino.

JISAYA 48:9

Oroton Ku ayuk sangit Kuno, maa' raginio ulun mongompor ra inggalan Kuno. Oroton Ku ayuk sangit Kuno, maa' raginio kalo potoyon kau.

JIRIMIA 14:7

Mompogolok ulun Kuno Raki', ‘Kabalu' pana tula mai mononsol ramon, iou Tuhan, indangano' akai sumugut ra bantu' Muno. Ruruli' akai no nangiruan Rirun; makatula akai Rirun.

YEHEZKIEL 20:9

Kaa' kalo baalon Ku ginio, sabap ginio mangkinibit ra inggalan Kuno asabin. Giu' ra saang ru mamagun ru Misir, nampatanou Aku noyo ra ulun ru Israil ra maningganai Aku risilo mingkual intor ra Misir.

YEHEZKIEL 36:22

“Ginio ra posoboyo' tanou intor Raki', Tuhan Raja' ra ulun ru Israil: Atan ondo' baalon Kuno sala' ka sabap no kaatangan min ulun ru Israil, kaa' sabap no kaatangan ru inggalan Kuno ondo' matulai, ondo' jinamol min giu' ra moonong pagun inangayan min.

ROMA 5:15

Kaa' taak ri Aki Kapuuno' mansuai toojo ra tula ri Adam. Motopot, masuang ulun minatoi sabap ra tula ru sangulun i, kaa' mumpara' poyo barakat ri Aki Kapuuno' ra ulun masuang am taak Nano risilo sabap ra kataawan ru sangulun, Io no i Jisus Kristus.

1 JUANIS 2:12

Anak kau ngaangai', tulisin takamin ra tula min inampun noyo sabap ra ondo' binaal ri Jisus Kristus.