MAZMUR 22:7 - Tanou Moonsoi Timugon

⁷ Kaa' aku ti ulor am sala' ka ulun, ondo' asasabin am ulalason ru ulun.

MAZMUR 22:7 ပူးပေါင်းရင်းမြစ်များ

AYUP 12:4

Rangan-rangan kuno piboo makakurit raki', makakurit ilo, kabalu' pana aku motopot am kolondo' sala; kaa' paat ragili igondo' i Aki Kapuuno' nangiou ra pakiasian kuno.

AYUP 16:10

Magasab ulun raki'; manguup ilo raki' am mampalapis ra bulos kuno.

AYUP 16:4

Amon ru akau ti aku, am aku ti boo akau, aku pana makaindagu koson raginio. Mampaliur aku ramuyun ra ragu; am mamisik ra ulu.

MAZMUR 109:25

Paat ra aku makito ru ulun, mangiis ilo raki'; sapipisik ilo saboi liliwa' magasab raki'.

MAZMUR 31:18

Mampiau aku Rirun, iou Tuhan; pai' aku polosoo' tauyuon. Polosoo' ayuk ulun malaat tauyuon, am kalinuos nilo tumuun ra intokon ru ulun namagatoi.

MAZMUR 44:14

Sinauk Mu akai ra asasabin ru sambalayan mai; manauyu' ilo am makakurit ramon.

JISAYA 49:7

I Aki Kapuuno' matulai Mamamayag ru Israil mindagu ra ulun ondo' asasabin toojo, am ondo' kasisangin ru bansa'-bansa' am niayuk masauk ra ulipon ru nasuangan mangunguasa', “Raja'-raja' makakito ra binaal Kuno, am sumukal ilo am mangurumat Raki'. Nasuangan ru mangunguasa' magilong niayuk riso, am migulatur sumamba.” Ginio masauk sabap ra Tuhan nampili' noyo ra ulipon Nano; i Aki Kapuuno' matulai ru Israil manugut ra bantu' Nano.

JISAYA 53:3

Asabin am minggalur takau riso, ulun ondo' nototop ra imbolo' am maubas magiba' ra karualan. Kolondo' sangulun pana masaga' magilong riso, am kalo lioon takau io.

JISAYA 57:4

Osoi kia kulion mino? Akau ulun maabau-abau, osoi kia kakuritan mino?

MATIUS 27:29

Pambaal ilo boo rondo' karaun intor ra bulisang makaruui am pasampako' nilo ra ulu ri Jisus. Saujor-saujor no niayuk nangani' Riso rondo' tataun ra kalindu' pamiris Nano am igugulatur ra saang Nano am pagasab Riso, “Tabi', raja' ru ulun ru Jaudi!” konilo.

MATIUS 9:24

Indagu Io, “Ingkual kau ngaangai'! Anak ruandu' ti sala' ka minatoi; io ti nombolong ayuk.” Tumalimpuun ilo mangiis ri Jisus.

MARKUS 15:20

Kaasabi' nilo i Jisus, iruo' nilo sukub matanggilung i am pambayango' nilo ra bayang Nali galama'. Ibito' nilo boo i Jisus miningkual ra ongoyon salipo'.

MARKUS 15:29

Ulun-ulun ondo' nansail ra giu' i pisik-pisik ilo nagasab ri Jisus, konilo, “Oi, napasat Kou raino! Masaga' Kou mampalunsai ra Baloi Tuhan am baalon Mu saguli' ralalom talu ngoorou!

LUKAS 16:14

Paat ra ulun-ulun ru Parisi nokorongog ra ngaangai' ragu ragitio, nangiis ilo ri Jisus sabap ra ruit ayuk karaan nilo.

LUKAS 23:11

Iniis am inasaban Io ri Irodis am saujor-saujor nano. Pambayango' nilo Io ra sukub moonsoi ru raja' am paatari' no saguli' ri Pilatus.