MAZMUR 22:16 - Tanou Moonsoi Timugon

¹⁶ Bambalangan kuno mapua' koson ra kaau, am rila' kuno siminokot ra kaar. Tatangon Mu aku ra rasawat ru kaau, koson ra ulun minatoi.

MAZMUR 22:16 ပူးပေါင်းရင်းမြစ်များ

MAZMUR 22:1

Ra tingganai ru santimungan maririmbai. Sumugut ra rimbai: Tambang bulintok ra susuab ti. Mazmur ri Daut.

MAZMUR 22:20

Iou Tuhan, pai' noyo inggalur intor raki', katakio' ratangan Muno koson mangindangan raki'.

MAZMUR 38:11

Pusu' kuno mimbuor, am kolondo' lulu' kuno, am mato kuno majapul.

MAZMUR 59:14

imboloo' ilo bulintok ra Okou sumangit; imboloo' ilo ngaangai'. Ilo pana makapandai ra namarinta i Aki Kapuuno' ra Israil, am namarinta Io ra ngaangai' ulun ru tana' ti.

MAZMUR 59:6

Ingkakat no, iou Tuhan i Aki Kapuuno' Ondo' Maayo Kaga' Kuasa', am indangano' aku no; taligamai' ilai', iou Aki Kapuuno' ru Israil! Ingkakat am ukumi' ngaangai' bansa'; pai' pakaasi' ra ulun mangalaat ondo' manumbalik.

MAZMUR 86:14

Iou Aki Kapuuno', ulun malilimbau matong gumula' raki'; santimungan ru ulun mangalaat kuminam mampatoi raki'; kalo mampalio ilo Rirun.

JISAYA 53:5

Kaa' pinilatan io sabap ra tula-tula takau, am sinindualan sabap ra kalaatan takau. Inukuman io maa' raginio itakau bayagon, sabap ra ulitomo' nano nababas takau.

JIRIMIA 12:6

Tinumbalik kou boo napumpung pabukat-pabukat muno galama'; babaya' ilo mamulunsar rirun. Pai' no pangintopot risilo, kabalu' pana ragu nilono maamis.”

JAKARIA 12:10

Mangani' Aku ra papag ri Daut am mamagun ru Jirusalim ra guang ondo' masaga' makaasi' am masaga' makiasi'. Magilong ilo ra ulun ondo' tinobok nilo, am manulaboi riso koson ra ulun ondo' manulaboi ra pinatayan ru anak langkuir. Manulaboi ilo ra malumpus guang, koson ra ulun ondo' natatakan ra anak ungkuyon katuaan.

MATIUS 26:57

Karakop nilo i Jisus, ibito' nilo ra baloi ru Tingganai Maayo Imam Jaudi, i Kayapas. Giu' no naginaa noyo mangingila'-mangingila' ra Ukum ri Musa am tingganai-tingganai ru ulun ru Jaudi.

MATIUS 27:35

Salipo' i Jisus ru saujor-saujor am tatayaro' nilo bayang Nano ra magugundi' galing.

MATIUS 7:6

“Pai' min pataaki' ondo' matulai no ra uku'; uku' no sumaguli' am mongokot ramuyun. Pai' min pataaki' ondo' maatang kaga' no ra bauwi; kikinjangin ayuk boo ru bauwi no.”

MARKUS 15:24

Salipo' nilo boo i Jisus. Bayang Nano tinayar-tayar nilo, am nagugundi' ilo koson mangaru' ra alapon ru sasangulun.

LUKAS 23:23

Kaa' gino ilo ayuk gogolok ra i Jisus salipon, am pupus i ilo namanang sabap ra golok nilai.

LUKAS 23:33

Pakasuku' ilo ra rondo' intok ondo' piawon ra “Kuapak”, salipo' nilo i Jisus ra giu' i nababaya' ra ruo ngaulun malaat i, sangulun i tampilon ra pamiris am sangulun i poyo tampilon ra kait.

JUANIS 19:23

Kopongo Io sinalip ru saujor-saujor no, alapo' nilo bayang Nali am tinayar nilo ra apat ngantayaran; santayar sangulun. Sukub Nali niayuk inalap nilo, kaa' mapila' toojo konoon i am kolondo' pipikit.

JUANIS 19:34

Kaa' turaa' ru sangulun saujor tiagang Nano; am paat ragili niayuk antis boo raraa' am timug. (

JUANIS 19:37

Mokoondo' poyo tinulisan ra Buuk Kitab, “Ulun-ulun monontong Riso ondo' tinura' nilai.”

JUANIS 20:25

Ginio ra pambala' ilo ri Tomas, “Nakakito akai no ra Tuhan.” Kaa' taam i Tomas, “Kalo mangintopot aku amon ru kalo makito ku babaya' ru paku' ra kalindu' Nali am niayuk amon ru kalo makama' ku pilat ru kalindu' am tiagang Nali.”

JUANIS 20:27

Indagu Io boo ri Tomas, “Ilai' noyo kalindu' Kutu am kamaa'! Pakamaa' poyo kalindu' muno ra tiagang Kutu. Sala' ka pagantangan, kaa' pangintopot ayuk!”

PILIPI 3:2

Koson ilalain min uku' masangit no, pagilalai' min poyo ulun-ulun ondo' mampakalayau ayuk, ondo' lakat ayuk poyo mampajajou ra ulun sunatin, koson ra tatandu' ilo ti toojo makaulig ri Aki Kapuuno'.

PINAINTALANG 22:15

Kaa' ulun mambaal ra makauyuyu' am majamol, ulun makakapandayan malaat, mansasawa', mamamatoi, ondo' sumamba ra sinungkalalaing, am ulun magagabau – iou pana maya' ra ragu kapoam binaal nano; ngaangai' ulun ragitio intok nilo ra liwar ru bandar no.