MAZMUR 21:9 - Tanou Moonsoi Timugon

⁹ Ngaangai' pantula' nano rokopon ru raja' no; rokopon ru raja' no ngaangai' ulun ondo' masisang riso.

MAZMUR 21:9 ပူးပေါင်းရင်းမြစ်များ

KASAUKAN 19:28

Impalo' no tampilon ra bandar Sodom am Gomora am niayuk titikop ru limayak no. Makito no binuun ru lisun intor ra tana' no koson ra lisun intor ra rapuan maayo kaga'.

IJRA 6:12

Gama' ru i Aki Kapuuno' ondo' nampili' ra Jirusalim koson ra intok Nano sambaan, mamuso ra raja' kapoam bansa' ra atan pana ondo' manggal ra susuban ti am niayuk kuminam mamuso ra Baloi ru Tuhan. Aku, Raja' Darius nangingkual noyo ra susuban ti. Paugaro' noyo susuban ragitio ra bobonsoi.”

AYUP 6:3

maaru' maagat poyo intor ra agis ru raat. Ragu kuno ondo' loyowon kalo musiti' no mampaliang ramuyun.

MAZMUR 106:17

Tana' ti pana nalapak, nonolon ri Datan, am namumpun ri Abiram am ilo sambaloi no;

MAZMUR 18:38

Mangilou aku ra pantula' kuno am mamparakop aku risilo; kalo langgain ku suku' ilo maala.

MAZMUR 18:8

Tana' ti pana mogonggon am mauyog; puun ru gunung mauyog am monontol, sabap ra sumangit i Aki Kapuuno'.

MAZMUR 2:12

igulatur no ra tuma' Nano am ra monontol; pai' sukui' Tuhan no sumangit ondo' magibit ra akau pusoon sangkuliop ayuk sabap ra mataki' kaga' sangit Nano masimbula'. Pakaansuk kano ngaangai' ulun ondo' siminindung Riso!

MAZMUR 2:5

Ginalakan No ilo ra sangit, am inilaa' No ilo ra sangit Nano.

MAZMUR 50:3

Amon ru matong i Aki Kapuuno' takau, kalo mongkoror Io; sinimbula' ru apui sumigulu Riso, rosob ra mapuor liminiput Riso.

JISAYA 26:11

Pantula' Muno kalo makapandai ra Okou mangukum risilo. Iou Tuhan, tauyuo' ilo, am polosoo' ilo maimbolo'. Polosoo' noyo ilo maantungan ru ukuman ondo' pinatampos Muno risilo. Polosoo' noyo ilo makakito ra mapara' piboo gayo ru katagaman Muno tayar ru ulun Muno.

SULABOI 2:2

Pinuso ru Tuhan ngaangai' kampung giu' ra Jiuda ra kolondo' guang makaasi', linunsai No kubu-kubu ondo' nasauk ra pangampin ru pagun. Nanauyu' Io ra pamarintaan am ulun nanguasa' nano.

NAGUM 1:6

Osoi kia tumaan paat ra Tuhan sumangit? Kolondo' osoi pana makalabus intor ra sangit Nano. Paabuson No sangit Nano ondo' bibilak, saboi batu maumok am masauk ra kaau giu' ra saang Nano.

MALIAKI 4:1

Mindagu Tuhan Ondo' Maayo Kaga' Kuasa', “Orou nano matong paat ngaangai' ulun malilimbau am malaat solobon koson ra rami. Paat orou raginio solobon ilo koyoo', am saboi kolondo' matatang.

MATIUS 13:42

Ilo ngaangai' ti patirin ra apui. Giu' no pasalangis am sakuritot ayuk boo ripon nilono sabap ra maruol kaga'.

MATIUS 13:50

Ilo pana mamatir boo ra ulun malaat no ra ralalom ru apui. Giu' no mantangi' ilo am manguritot ripon nilono.”

MATIUS 22:7

Paat ra raja' ti nokorongog ra baal raginio, siminangit io kaga'. Panusub io ra saujor-saujor nano mongoi pamatoi risilo am ponolob ra bandar nilono.

MATIUS 25:41

“Mindagu boo raja' no ra ulun-ulun ru kait i: ‘Pagiru' kano intor Raki', akau ulun inulas ri Aki Kapuuno'! Ayan kau ra ralalom apui ra mantilayun ondo' inaru' ra Tingganai ru riwato am malaikat-malaikat nano.

MATIUS 25:46

Akau ti ukumin ra ukum mantilayun, kaa' ulun motopot mokoowot ra kaayagan mantilayun.”

MATIUS 3:10

Kapak kalalair noyo mantagar ra puun suku' ra bakat. Moonong puun ondo' kalo mangkawa' maaru' tagaron am suruin.

MATIUS 3:12

Mampaguut Io ra tapan am mangatap Io. Bilor ti paulion No ra kulapa', kaa' ondo' apol patirin ra apui ondo' kalo malaalasa'.”

SAGULION 32:22

Sangit Kuno bibilak koson ra apui, am monolob ra ngaangai' rasawat ru tana'. Tumuun apui no ra tana' ru ulun namagatoi, am mangumpo ra bakat ru gunung-gunung.

1 TISALONIKA 2:16

Am mulu' poyo ilo mongompong ramon mambala' ra bansa' ondo' sala' ka Jaudi ra tanou ondo' mampakaayag risilo. Koson boo raginio gumaai poyo tula nilai saboi maukop suang no am raino matiu' ilo boo ra sangit am ukum ri Aki Kapuuno'.

2 TISALONIKA 1:8

am mabaya' ra simbula' ru apui. Mangukum Io ra ulun ondo' kalo masaga' mintutun ri Aki Kapuuno' am ondo' kalo gumagaya' ra Tanou Moonsoi ri Jisus, Tuhan takau.

PINAINTALANG 19:15

Intor ra kabang Nano miningkual rondo' ilang malarom ondo' mampakaala ra bansa'-bansa'. Parintaan No ilo ra kalo makaasi' mogondo' ra kawa' ru anggur kikinjangin ra intok pamagaan, ioginio sangit am ukum ri Aki Kapuuno' Maayo Kaga' Kuasa'.

PINAINTALANG 20:14

Patayan am Nabalu pinatiran ra tasik ru apui. (Tasik ru apui ti ioginio kapatayan ra kainduo.)