MAZMUR 21:5 - Tanou Moonsoi Timugon

⁵ Makitaak raja' ra bayag, am inanian Mu io ra bayag, am niayuk umur ra maawar ra sabuoi-buoi no.

MAZMUR 21:5 ပူးပေါင်းရင်းမြစ်များ

1 PITRUS 3:22

am kinayang mongoi ra suruga'. Raino soroi Io ra tampilon pamiris ri Aki Kapuuno' am mamarinta Io ra ngaangai' malaikat, mangunguasa' am ikang ra limbowon.

IBRANI 8:1

Puun ru ngaangai' ondo' rinagu ti, ioginio: mokoondo' takau no ra sangulun Tingganai Maayo Imam ondo' manturung ra tampilon pamiris ru takhta ri Aki Kapuuno' Ondo' Masawat Kaga' giu' ra suruga'.

JUANIS 17:22

Katulayan ondo' pinataak Muli Raki', pinataak Ku niayuk risilo, maa' raginio rondo' guang ilo mogondo' Rito.

JUANIS 17:5

Ama', raino ti katulayo' Aku noyo, mogondo' ra katulayan Tali paat ra tana' ti kalo poyo biningkal.

JUANIS 17:1

Kopongo i Jisus minindagu raginio, pantingaa' Io ra limbowon am indagu, “Ama', raino nasuku' noyo paat ra ondo' inaru' no. Katulayo' Anak Mutu, maa' raginio Anak mampatulai Rirun.

MATIUS 28:18

Inggaar i Jisus risilo am indagu, “Ngaangai' kuasa' ra suruga' am ra tana' ti pinataak noyo Raki'.

JISAYA 63:1

“Osoi kia io minatong intor ra bandar Bojra giu' ra Idom? Osoi kia io nambayang ra malia' am mugar ra maikang kaga'?” “Io Tuhan ondo' makakuasa' koson mamayag. Io matong koson mapabala' ra kamanangan Nano.”

MAZMUR 110:1

Mazmur ri Daut. Minindagu Tuhan no ra raja' no, “Panturung soor ra pamiris Kutu, saboi ngaangai' pantula' muno makuasa' Ku am pataakon rirun.”

MAZMUR 96:6

Katulayan am urumat liminiput Riso, intok Nano natikop ra kuasa' am kaantakan Nano.

MAZMUR 62:7

Io ayuk manindung raki' am mamamayag raki'; Io noyo manungka' raki' am kolondo' makapangala raki'.

MAZMUR 8:5

atan kia ulun no saboi Okou mangkara' risilo? Ilo ulun toojo ayuk, kaa' Okou niayuk magalung risilo.

MAZMUR 3:3

Mangalimut ilo am mindagu, “Kalo mangindangan i Aki Kapuuno' riso!”

1 TUNUNG RU BANSA' ISRAIL 17:27

Kitaakon ku, kasaga' no mambarakat ra papag kuno maa' raginio magulayun ilo makaliman ra togom Muno ra sabubuoi no. Okou, iou Tuhan, nambarakat noyo risilo am magulayun Kou mambarakat risilo saboi ra sabubuoi no.”

2 SAMUIL 7:19

Kaa' raino binaal Muno nasailan poyo intor ra ngaangai' no, iou Tuhan Raja'. Binantu' Muno intor ra papag kuno paat ra orou matong, am mangiou Kou raki' magilong ra baal raginio, kabalu' pana aku ti ulun ayuk, iou Tuhan Raja'!

1 RAJA'-RAJA' 3:14

Amon ru gumagaya' kou raki' am maya' ra ukum Kuno koson ra ama' muno i Daut ragili, manaak Aku rirun ra umur maawar.”

MAZMUR 61:7

Kaawaro' noyo umur ru raja', gama' ru pamarintaan nano mantilayun intor ra anak ka anak.

MAZMUR 133:3

Baal raginio koson ayuk ra bolobou rasawat ru Gunung Girmon, ondo' rumatu' ra kabuluran Sion. Ra giu' no, Tuhan mapatuun ra barakat Nano, ioginio kaayagan ra kolondo' pupus.